( அமிர்த தாரா தீட்சை பெறுவதற்கு...........!! click here )



மிர்த தாரா மந்திர தீட்சை டிசம்பர் 18 ஞாயிறு அன்று கொடுக்கப்படுகிறது appointment பெற விரும்புபவர்கள் இந்த எண்ணிற்கு தொடர்பு கொள்ளுங்கள். +91-8110088846 

Share !
This Post





உஜிலாதேவி பதிவுகளை
மின்னஞ்சலில் பெற

கடவுளுக்கு பெண் கொடுத்த நரிக்குறவர்கள்

  ந்து மதம் புரட்சிகரமானது நியாய அநியாய உணர்வுடையது மாந்தர்களை சமமாக நோக்கும் தன்மை உடையது என்று புகழ்ந்து பேசுகிறிர்களே

உங்கள் இந்து மத கடவுளான  முருக கடவுளுக்கு பெண் கொடுத்தவரகள் குறவர்கள்.  அவர்களை கோவிலுக்குள் நுழைய கூடாது என்று சொல்வது எந்த வகையில் நியாயம்?

 இதற்க்கு உங்கள் விளக்கம் என்ன என்று தொலை பேசியில் ஒரு அன்பர் கேட்டார்

குறவர்களை கோவிலுக்குள் அனுமதிக்க மறுப்பதை பற்றி பிறகு பார்ப்போம்.  அதை விட முக்கியமானதொரு விஷயம் இருக்கிறது.  நமது புராணங்களும் இதிகாசங்களும் மனிதர்கள் நேர்மையானவர்களாகவும் ஒழுக்க சீலர்களாகவும் வாழ வேண்டும் என்று தான் வலியுறுத்துகின்றன.


  ஒரு பெண்ணுக்கு இரண்டு புருஷர்கள் இருக்கிறார்கள் என்று சொன்னால் அவளை ஒழுக்கம் உள்ள பெண்ணாக நம் நாட்டிலும் சரி வெளிநாட்டில் கூட சரி யாரும் ஏற்று கொள்ள மாட்டார்கள்.

 கற்பு என்பதும், ஒழுக்கம் என்பதும் பெண்ணுக்கு மட்டும் சொந்தமானது அல்ல.  ஆணுக்கும் அதில் சமபங்கு இருக்கிறது.  ஒன்றுக்கு மேற்பட்ட துணையை பெற்ற ஒரு பெண் எப்படி ஒழுக்கம் கெட்டவளோ அதே போல தான் இரண்டு மனைவி கொண்ட ஆணும் ஒழுக்கம் கெட்டவன் ஆவான்.

  மனிதர்களின் கதையே இப்படி என்றால் தெய்வங்கள் ஒழுக்கத்தில் நமக்கு எடுத்து காட்டுகளாக இருக்க வேண்டும்.  ஆனால் நமது இந்து மத கடவுள்களான முருகனுக்கு வள்ளி தெய்வானை, அவன் அப்பனுக்கு பார்வதி, கங்கை, மாமனுக்கோ நிலமகள், பூமகள் என இரண்டு இரண்டான மனைவிகள்.

 எடுத்துக்காட்டாக இருக்க வேண்டிய கடவுள்மார்களே இரண்டு பெண்டாட்டியை கட்டிக் கொள்வது எந்த வகையில் நியாயமாகும்?


  இந்து மதத்தை குறை கூறுபவர்கள் இத்தகைய சம்பவங்களை சுட்டிக்காட்டித்தான் பேசுகிறார்கள்.

  எல்லாவற்றிலுமே முன் உதாரணமாக திகழும் நமது முன்னோர்கள் இதைப் பற்றி சிந்திக்க வில்லையா?  என்று நமக்கு தோன்றும் ஆனால் புராணங்கள் வெறும் கதைகளை சொல்வதற்காக உருவாக்கப்பட்ட இலக்கியங்கள் அல்ல.  அவைகளுக்குள் மிக ஆழமான தத்துவங்கள் மறைந்து கிடக்கிறது.  அதை தேடி கண்டுபிடித்தால் இத்தகைய கேள்விகளே தோன்றாது.

  நமது உடல் என்பது சக்தி சொரூபம் ஆகும்.  அதனுள் மறைந்து கிடக்கும் அறிவு சிவ சொரூபமாகும்.  உடல் என்ற சக்திக்கும் அறிவு என்ற சிவத்திற்க்கும் இணக்கம் உள்ளது என்பதை காட்டுவதே தெய்வீக திருமணங்களாகும்.

  முருகனின் இருதார மணத்தை தத்துவ நோக்கில் பார்க்கும் போது முருகனிடத்தில் இச்சா சக்தி, கிரியா சக்தி ஆகிய இரண்டு வகை சக்திகள் இருக்கின்றன.


  கிரியா சக்தி என்பது தெய்வானை வடிவாகும்.  இச்சா சக்தி வள்ளியின் வடிவாகும்.  செயல் என்ற கிரியா சக்தியும்  இச்சா என்ற அன்பு மயமான பக்தியும் கடவுளிடம் நம்மை கொண்டு சேர்க்கும் என்பதை விளக்குவதே கடவுள் இரண்டு தேவிமார்களுடன் தோன்றுவதாகும்.

  இனி குறவர்கள் விஷயத்திற்கு வருவோம்.  நமது நாட்டில் வாழும் மிக தொன்மையினர் பழங்குடி இனங்களில் குறவர்கள் முக்கியமானவர்கள் ஆவார்கள்.

 இந்த இனத்தாரிடம் பல நல்ல பண்புகள் இருக்கிறது.  பெண்களுக்கு முக்கியத்துவம் கொடுப்பதில் குறவர்களுக்கு இணையாக வேறு எவரையும் சொல்ல முடியாது.

 நமது வீடுகளில் ஆண் குழந்தை பிறந்தால் தான் சிரிப்பு சத்தம் கேட்கும்.  பெண் குழந்தை பிறந்த வீடுகள் ஏதோ நடக்க கூடாதது நடந்து விட்டது போல அமைதியாக காட்சியளிக்கும்.


  ஆனால் குறவ குடிசைகளில் பெண் குழந்தை பிறந்து விட்டால் கூத்தும் கும்மாளமும் அதிரும் வகையில் இருக்கும்.  நாம் ஆண்களுக்கு வரதட்சனை கொடுக்கிறோம்.  குறவர் இனத்திலோ பெண்களுக்கு தான் தட்சனை கொடுக்க வேண்டும். 

வேட்டையாடுவதிலும் பணம் சம்பாதிப்பதிலும் ஏன் குடித்து விட்டு கும்மாளம் அடிப்பதிலும் குறவர் இன பெண்கள் ஆண்களுக்கு இணையானவர்களாக இருக்கிறார்கள்.

  குறவர்கள் சரியாக குளிப்பதில்லை.  சுத்தமான ஆடைகள் அணிவதில்லை என்பது நமக்கு தெரியும்.  அவர்கள் அப்படியிருப்பதற்கு காரணமிருக்கிறது.

 பொதுவாக அவர்களுக்கு நிலையான குடியிருப்புகள் கிடையாது.  தங்கள் தொழில் அடிப்படையில் பல இடங்களுக்கு சுற்றி திரிய வேண்டிய சூழ்நிலையில் உள்ளார்கள்.

 அப்படிப்பட்ட நிலையில் ஊருக்கு ஒதுக்குப்புறமாகவோ காட்டு பகுதிகளிலோ வாழ வேண்டிய சூழ்நிலை உள்ளது. 


  எல்லா ஊர்களிலும் போக்கிரிகள் உண்டு.  இவர்கள் தங்கள் பெண்களையும் குழந்தைகளையும் தொல்லை படுத்த கூடும். 

அவர்களுடன்  தினசரி சண்டை போட்டு வாழ்க்கையை போர்களமாக்கி கொள்வதை விட ஒதுங்கி வாழ்வதே மேலானது என குறவர்கள் அழுக்கையும் துர்நாற்றத்தையும் தங்களை பாதுகாக்கும் கவசங்களாக கொண்டிருக்கிறார்கள்,

  குளித்து சுத்தமாக இருக்கும் அயோக்கியனை விட குறவர்கள் எவ்வளவோ மேலானவர்கள்.

இவர்களை ஆலயத்திற்குள் அனுமதிப்பது இல்லை என்பது சுத்த அயோக்கியதனமாகும்.  குறவர்களை மட்டுமல்ல தாழ்த்தப்பட்ட மக்கள் எவரையுமே கிராம புறங்களில் கோவில்களுக்குள் அனுமதிப்பது இல்லை.

  தினசரி பல்லாயிரக்கணக்கான பக்தர்கள் வந்து செல்லும் ஆலயங்களில் கூட கிறிஸ்தவர், இஸ்லாமியர் போன்ற மாற்று மதத்தினரையும் அனுமதிப்பது இல்லை. 


  ஒரு வேளை இவர்கள் அனைவருமே கடவுளுக்கு விரோதமானவர்கள் என சில மனநோயாளிகள் முடிவு செய்து இருப்பதை போல நமக்கு தோன்றுகிறது.

 சட்ட பூர்வமான ஆலய பிரவேச அனுமதி இருந்தும் கூட பல பகுதிகளில் இந்த முறை நடைமுறையில் இருப்பது வெட்க கேடானதாகும்.

  நமது இந்து மதம் கடவுள் எல்லோருக்கும் பொதுவானவர் எல்லோருமே கடவுளுக்கு பொதுவானவர்கள் என்று தான் சொல்லுகிறது.

இதை கடைபிடிக்காதவர்கள் தங்களை இந்துக்கள் என அழைத்து கொள்ளும் தகுதி இல்லாதவர்களே ஆவார்கள்.








+ comments + 14 comments

"ஒரு வேளை இவர்கள் அனைவருமே கடவுளுக்கு விரோதமானவர்கள் என சில மனநோயாளிகள் முடிவு செய்து இருப்பதை போல நமக்கு தோன்றுகிறது.
நமது இந்து மதம் கடவுள் எல்லோருக்கும் பொதுவானவர் எல்லோருமே கடவுளுக்கு பொதுவானவர்கள் என்று தான் சொல்லுகிறது.

இதை கடைபிடிக்காதவர்கள் தங்களை இந்துக்கள் என அழைத்து கொள்ளும் தகுதி இல்லாதவர்களே ஆவார்கள்."

அனைவரும் இதை கண்டிப்பாக ஏற்க்க வேண்டும், கடவுளை பொறுத்தவரை ஏழை பணக்காரன், நல்லவன், கெட்டவன் என்று பார்க்கமாட்டார். அனைவரும் அவர்களது பிள்ளைகள் தான்.

ஒரு சில பிள்ளைகள் கடவுளை போற்றுவார்கள் , சில பிள்ளைகள் கடவுளை திட்டுவார்கள், இதை கடவுளாகிய நம் பெருமாள் போற்றுபவன் அவனுக்கு பிடித்த முறையில் எனக்கு அர்ச்சனை செய்கிறான் , திட்டுபவன் அவனுக்கு பிடித்த முறையில் அர்ச்சனை செய்கிறான் என்று அனைவரையும் ஓரை நோக்கில் தான் பார்கிறார்.

மனிதனாகிய நாம் தான் ஒவ்வொருவரும் பல வழிகளில் மனிதனை பிரித்து பார்க்கிறோம்.
நம் மனிதன் செய்யும் இத்தகைய தவறால் கடவுளை தவறாக எண்ணக்கூடாது, அவருக்கு அனைவரும் குழந்தைகள் தான் , மனிதான் வேற்றுமை பார்ப்பான், கடவுள் அல்ல.

கடவுளை பற்றி நன்கு புரிந்து கொள்பவர்கள் இக்கருத்தை கண்டிப்பாக ஏற்பார்கள்.

குருஜி அற்புதமான படைப்பு .

இன்றைய கட்டுரைக்கு கருத்துரை இட வேண்டுமானால் எழுத்துக்கு
எழுத்து இட வேண்டும்.

\\குறவர்கள் அழுக்கையும் துர்நாற்றத்தையும் தங்களை பாதுகாக்கும் கவசங்களாக கொண்டிருக்கிறார்கள்,\\


நல்ல கருத்து

\\குளித்து சுத்தமாக இருக்கும் அயோக்கியனை விட குறவர்கள் எவ்வளவோ மேலானவர்கள். \\

சூப்பர் ஓ சூப்பர் குருஜி...

////குளித்து சுத்தமாக இருக்கும் அயோக்கியனை விட குறவர்கள் எவ்வளவோ மேலானவர்கள்.

பெண்களுக்கு முக்கியத்துவம் கொடுப்பதில் குறவர்களுக்கு இணையாக வேறு எவரையும் சொல்ல முடியாது.

குறவர்களை மட்டுமல்ல தாழ்த்தப்பட்ட மக்கள் எவரையுமே கிராம புறங்களில் கோவில்களுக்குள் அனுமதிப்பது இல்லை.

வேட்டையாடுவதிலும் பணம் சம்பாதிப்பதிலும் குறவர் இன பெண்கள் ஆண்களுக்கு இணையானவர்கள

குறவர் இனத்தில பெண்களுக்கு தான் தட்சனை கொடுக்க வேண்டும்.///

உண்மை உண்மையில் உறுத்தும் (சுடும்) உண்மைதான் உறுத்துவது உண்மைதான்

உணர்வுடன்
தி.இளவரசு

குறவர்களை மட்டுமல்ல தாழ்த்தப்பட்ட மக்கள் எவரையுமே கிராம புறங்களில் கோவில்களுக்குள் அனுமதிப்பது இல்லை.

எல்லா மத வழிபாட்டு +ஸ்தலங்களுக்கும்மே சுத்தபத்தமாக செல்ல தனி தனி விதிமுறைகள் கண்டிப்பாக பின்பற்றபடுகின்றது............இந்த முறை நடைமுறையில் இருப்பது வெட்க கேடானதா?

\குறவர்கள் அழுக்கையும் துர்நாற்றத்தையும் தங்களை பாதுகாக்கும் கவசங்களாக கொண்டிருக்கிறார்கள்,\\
இந்த கவசம் (அழுக்கையும் துர்நாற்றத்தையும்) கோவில் களுக்கு தேவை இல்லையே.

இதை.....சரியாக கடைபிடிக்காதவர்கள் தங்களை இந்துக்கள் என அழைத்து கொள்ளும் தகுதி இல்லாதவர்களே ஆவார்கள்..................சரிதானே? ...தமிழ்மன்னன்

வினோத் கன்னியாகுமரி
05:56

குளித்து சுத்தமாக இருக்கும் அயோக்கியனை விட குறவர்கள் எவ்வளவோ மேலானவர்கள்."

சரியாகச்சொன்னீர்கள் ஐயா

வினோத் கன்னியாகுமரி
வாழ்க்கைப் பேருந்தில் என் நிறுத்தம் வரும் போது இறங்கிவிடக் காத்திருக்கும் ஒரு சகபயணியாய் உங்களுடன் நான்...

குரு ஜி,

கட்டுரை அருமை, ஆனால் ஒரு சிறு சந்தேகம்

//ஒரு பெண்ணுக்கு இரண்டு புருஷர்கள் இருக்கிறார்கள் என்று சொன்னால் அவளை ஒழுக்கம் உள்ள பெண்ணாக நம் நாட்டிலும் சரி வெளிநாட்டில் கூட சரி யாரும் ஏற்று கொள்ள மாட்டார்கள்.//

மேலே உள்ள வரிகள் யோசித்து தான் எழுதினீர்களா குருஜி இல்லை கவனக்குறைவாக எழுதப்பட்டதா?

ITHAGAYA PIRACHINAYAL THAN KADAVULAI VALIPADUVATHU KIDAYATHU........ ENGALUKKU PADI ALAKKA VENDIYATHU KADAVULIN KADAMAi .. ATHATKAGA AVARAI VALIPADA VITTAL THAPPU ILLAI

''குறவர்களை மட்டுமல்ல தாழ்த்தப்பட்ட மக்கள் எவரையுமே கிராம புறங்களில் கோவில்களுக்குள் அனுமதிப்பது இல்லை.
தினசரி பல்லாயிரக்கணக்கான பக்தர்கள் வந்து செல்லும் ஆலயங்களில் கூட கிறிஸ்தவர், இஸ்லாமியர் போன்ற மாற்று மதத்தினரையும் அனுமதிப்பது இல்லை.
நமது இந்து மதம் கடவுள் எல்லோருக்கும் பொதுவானவர் எல்லோருமே கடவுளுக்கு பொதுவானவர்கள் என்று தான் சொல்லுகிறது.
இதை கடைபிடிக்காதவர்கள் தங்களை இந்துக்கள் என அழைத்து கொள்ளும் தகுதி இல்லாதவர்களே ஆவார்கள்.''
மேலே தரப்பட்டு உள்ள வரிகள் பொன்னால் பொறிக்கப்பட வேண்டியவை. எந்த ஜாதியை சேர்ந்தவராக இருந்தால் என்ன? நம்முடைய கடவுளின் சக்தி அவர்களுக்கு தெரிய வேண்டும். கடவுளின் முன்பாக அனைவருமே ஒன்றுதான் என்ற உண்மையும் புரிய வேண்டும். தாழ்த்தப்பட்ட மக்கள் வீட்டில் சிவன், பார்வதி, முருகன், விநாயகர், என பல கடவுள் படத்தை வைத்துக் கொண்டு வழிபடுகிறார்கள். அவர்களை எல்லாம் அந்த கடவுட்கள் ஆசிர்வதிப்பது இல்லையா? கடவுள் கூட உயர்ந்தவன், தாழ்ந்தவன் என்ற பேதம் பார்த்தா தனது அருளை தருகிறார்? சிவன், பார்வதி, முருகன், விநாயகர் போன்ற கடவுட்களிலும் தாழ்ந்த ஜாதி சிவன், பார்வதி, முருகன், விநாயகர் மற்றும் உயர்ந்த ஜாதி சிவன், பார்வதி, முருகன், விநாயகர் என்ற இரண்டு , இரண்டு உருவக் கடவுட்கள் உள்ளனவா?
நரிக்குறவர் வம்சத்துப் பெண்ணை மணந்து கொண்டதால் முருகனை இந்துக்கள் வழிபடாமல் இருக்க முடியுமா? அப்படி என்றால் முருகன் கோவிலில் அத்தனை உயர் ஜாதியினர் ஏன் செல்கிறார்கள் ? உயர் ஜாதியினர் காவடி எடுத்து முருகனை ஏன் வழிபடுகிறார்கள்? வள்ளியை முருகர் மணந்து கொண்ட போது அந்த திருமணத்துக்குச் சென்று அதை முழு மனதோடு நடத்தி வைத்த முருகனின் சகோதரர் என விநாயகரை தள்ளி வைக்கின்றார்களா? அல்லது முருகனின் தாய் தந்தையான சிவனையும், பார்வதியையும் வணங்காமல் இருக்கின்றார்களா? இதை பார்த்தப் பின்னுமா சில உயர்ஜாதி இந்துக்கள் இப்படி தாழ்த்தப்பட்டவன், உயர்ந்தவன் என்ற பாகுபாடை கடை பிடிக்கின்றார்கள். இது வெட்கப்பட வேண்டிய விஷயம்.
நாம் நமது மன நிலையை மாற்றிக் கொள்ள வேண்டும். இந்த பூமியில் பிறந்த அனைவரும் கடவுளின் குழந்தைகளே. பேதத்தை ஏற்படுத்திக் கொள்ள நமக்கு உரிமை இல்லை.

“ஸோம: ப்ரதமோ விவிதே
கந்தர்வோ விவித உத்தர:
த்ருதீயோ அக்நிஷ்டே பதி:
துரீயஸ்தே மநுஷ்யஜா.
“ஸோமோ (அ)தத் கந்தர் வாய
கந்தர்வோ (அ)தத் அக்நயே
ரயிஞ்ச புத்ராகும்ச அதாத்
அக்நிர் மஹ்யமதோ இமாம்

இதன் அர்த்தம்:

சோமன் (சந்திரன்) முதலில் இவளை அடைந்தான்.

பிறகு கந்தர்வன் இவளை அடைந்தான்.

உன்னுடைய மூன்றாம் கணவன் அக்னி.

உன்னுடைய நான்காம் கணவன் மனித ஜாதியில் பிறந்தவன்.

சோமன் உன்னைக் கந்தர்வனுக்குக் கொடுத்தான்.

கந்தர்வன் அக்னிக்குக் கொடுத்தான்.

அக்னி தேவன் இவளுக்குச் செல்வத்தையும் மக்களையும் கொடுத்து, பிறகு எனக்குத்தந்தான்.
give me correct explanation

அகத்தியர் – காப்பு
பூரணமாய் நிறைந்த சற்குருவின் மலர் பாதத்தை போற்றியும் , யானை முகத்தோனைப் போற்றியும், வைத்திய ரத்தினச் சுருக்கம் 360 என்ற இந்நூலில் செந்துரம், பற்பம், லேகியம், தைலம், கிருதம், எண்ணெய், கலிக்கம், மாத்திரை மற்றும் நாடி பார்க்கும் வித்தை சொல்லியுள்ளேன்
http://www.tamilkadal.com/?p=1151

Anonymous
23:14

தமிழக நில வகைகளை நமது முன்னோர்கள் 5 வகைகளாக பிரித்து வைத்திருந்தனர். அவையே 2000 வருடங்களுக்கு முன் எழுதப்பட்ட தொல்காப்பியத்திலும், 50 ஆண்டுகளுக்கு மேலாக தமிழ் ஆராய்ச்சி செய்து, வறுமையில் வாடிய செந்தமிழ் செல்வர் - மொழி ஞாயிறு "தேவநேய பாவனார் " விளக்கியுள்ளனர்.
குறிஞ்சி (மலையும் மலைசார்ந்த இடம்) - குறவர் - தேன் எடுத்தல்
முல்லை (காடும் காடு சார்ந்த இடம்) - இடையர், ஆயர், கோன் - ஆடு, மாடு மேய்த்தல்
மருதம் (வயலும், வயல் சார்ந்த இடம்) - மள்ளர்(பள்ளர்), உழவர் - விவசாயம்
நெய்தல் (கடலும், கடல் சார்ந்த இடம்) - மீனவர், பரதர் - மீன் பிடித்தல்
பாலை (குறிச்சியும், முல்லையும் திரிந்து பாலைவனமான பகுதி) - கள்ளர், மறவர் - களவாடுதல்

ஆனால் இன்றைய நிலையில் மேல்குறிபிடப்பட பழந்தமிழர்களின் நிலை பரிதாபமாக தான் இருக்கின்றது...!!!

உணர்வுடன்....
தேவேந்திர மூப்பன் - சோழ வம்சம்.

Anonymous
03:20

மாற்று மதத்தாரை இழிவாக எழுதி வெறுப்பை விதைத்துருப்போர் அதிகம் இருக்கும் நாட்டில் தன்மதத்தின் உயர்வை மட்டும் எழுதி உயிர்கள் யாவையும் சமம் என கருதும் உங்களை போன்ற உத்தமர்கள் பல்லாண்டுகள் வாழ வாழ்த்தும் ......... இஸ்லாமிய சகோதரன்

குரு ஜி யா, யார் இவர்.

குறவர்களும், நரிக்குறவர்களும் ஒன்றா? இரண்டு மக்களின் மொழியும், இனமும் ஒன்றா? முதலில் அந்த மக்களோடு மக்களாக இருந்து விட்டு பின்னர் பதிவிடவும். குறிஞ்சி நில மக்கள் தான் பிற மக்களின் முன்னோடிகள். குறிஞ்சி நிலத்தின் அரசனுக்கு குறிஞ்சி நிலத்தின் அரசியை தான் திருமணம் செய்து வைத்துள்ளனர்.

குறவர்களின் வாழ்வாதாரம் சிறுக சிறுக சிதைக்கப்பட்டு, அவர்களின் வழித்தோன்றல்கள் மூலமாகவே அடிமை படுத்தியுள்ளனர்.


Next Post Next Post Home
 
Back to Top