( அமிர்த தாரா தீட்சை பெறுவதற்கு...........!! click here )



மிர்த தாரா மந்திர தீட்சை டிசம்பர் 18 ஞாயிறு அன்று கொடுக்கப்படுகிறது appointment பெற விரும்புபவர்கள் இந்த எண்ணிற்கு தொடர்பு கொள்ளுங்கள். +91-8110088846 

Share !
This Post





உஜிலாதேவி பதிவுகளை
மின்னஞ்சலில் பெற

கொசுவை விரட்ட துப்பாக்கி எதற்கு...!

    த்தியாகிரகத்தின் ஆயுதம் என்பது நேர்மையும் மன துணிச்சலுமே ஆகும் இது பாபா ராம்தேவ் அறியாதது அல்ல

ஆனாலும் அவர் இளைஞர்களுக்கு ஆயுத பயிற்சி கொடுக்க போகிறேன் என சொல்வது எதன் அடிப்படையில் என்று நமக்கு தெரியவில்லை

 ஊழலை ஒழிப்பதற்காக பாபா கையில் எடுத்திருக்கும் சத்தியாகிரக ஆயுதம் நமது இந்தியாவில் பல முறை பயன் படுத்தப்பட்டு வெற்றி கண்டதே ஆகும்

 மகாத்மா காந்தி அடிகள் சோனியாவின் அரசை போல் பல மடங்கு பலம் கொண்ட ஆங்கில ஏகாதிப்பத்தியத்தை எதிர்த்து உலகமே வியக்கும் வண்ணம் வெற்றி பெற்றார்


  அவரின் அறப் போராட்டத்தில் பல முறை அரசு ஆயுத பிரயோகம் செய்து இருக்கிறது

 ஆயிரக்கணக்கான போராட்ட வீரர்களின் உயிர்கள் பறிக்கப் பட்டு இருக்கின்றன

 லச்சக்கனக்கான பேர் அடாவடி சட்டங்களால் வாழ்கையை தொலைத்து இருக்கிறார்கள்

 திரும்பி வரவே முடியாத அந்தமான் சிறைகளில் அடைப்பட்டு வதைப்பட்டு கொல்லப்பட்டு இருக்கிறார்கள்

அப்பொழுது எல்லாம் கூட காந்தி எந்த தொண்டரையும் பார்த்து திருப்பி தாக்கு என சொன்னது இல்லை

அவர் மட்டும் அப்படி ஒரே ஒரு வார்த்தையை சொல்லியிருந்தால் கையளவே உள்ள வெள்ளையர்களின் உடல்கள் சின்னாபின்னமாகி இருக்கும்


  1947 வரை சுதந்திரத்துக்காக கர்த்திருக்க வேண்டிய அவசியம் இருந்திருக்காது

ஆனால் எப்போதுமே மகாத்மா அறப் போராட்டத்தின் ஆத்ம தத்துவத்தை மறந்தது இல்லை

எதிரி உன்னை அடித்தாலும் மிதித்தாலும் துணிச்சலுடன் அதை தாங்கி கொள் திருப்பி தாக்க மனதாலும் நினைக்காதே

அவன் கொலையே செய்ய வந்தாலும் கம்பீரமாக எதிர் நில் உனது மரண துணிச்சல் அவனை நிலைகுலைய செய்து விடும் என்றார்

 வீரம் என்பது மற்றவரை தாக்குவதில் இல்லை தாக்குதலை தாங்குவதிலே இருக்கிறது என அடிக்கடி சொன்னார்

 இந்த வார்த்தைகளை காந்தி போலியாக மற்றவர்களிடம் மரியாதையை பெற வேண்டும் என்ற நோக்கத்திற்காக சொல்லியிருந்தால் கொலையாளி தன்னை நோக்கி சுடும் போது அவனை பிடியுங்கள் அடியுங்கள் என்று தான் கத்திருப்பாரே தவிர மரண வேதனையிலும் ஹே ராம் என சொல்லியிருக்க மாட்டார் 


 அத்தகைய வீர புருஷனின் வழியில் தான் நடப்பதாக ராம்தேவ் சொல்கிறார்

 பாபா ராம் தேவ் ஒரு சாதாரண மனிதர் அல்ல பதஞ்சலி முனிவர் சொல்லியிருக்கும் அனைத்து யோகா ரகசியங்களையும் கரைத்து குடித்த சிறந்த மனிதர்

யோகா என்பது வெறும் உடல் பயிற்சி அல்ல தசையும் எலும்பும் நரம்பும் கொண்ட சாதாரண மனித உடலை புடம் போட்டு அலை பாயும் மன குதிரையை கட்டுக்குள் அடக்கி மனிதரையும் தெய்வம் ஆக்கும் உயரிய கலை

 இதில் தற்போதைய நிலையில் பாபா ராம்தேவ் தான் உச்சத்தை தொட்டவர் என உலகில் பலரும் நம்புகிறார்கள்

அவர் இப்படி ஒரு வார்த்தையை சொல்லி இருப்பது லச்சக்கணக்கான சத்தியாகிரக அனுதாபிகளை வேதனை அடைய செய்துவிடும்

 ஊழலுக்கு எதிரான போரில் அரசாங்கம் தாக்கட்டுமே! நீண்ட குண்டாந் தடியால் போராட்டகாரர்களின் மண்டைகளை பிளக்கட்டுமே!


  அவர்கள் சிந்தும் ஒவ்வொரு துளி ரத்தமும் ஊழல்வாதிகளின் நெஞ்சை பிளக்கும் கோடாரிகளாகவே மாறுமே அல்லாது மதிப்பிழந்து போகாது

 அவர்கள் தாக்கினால் பதிலுக்கு பதில் நாம் தாக்க வேண்டிய அவசியம் இல்லை அப்படி செய்தால் அவர்களை போல் நாமும் ஒருவராக ஆகிவிடுவோம்

அவர்கள் தாக்க வரும் போது நாம் தப்பிக்க வேண்டிய அவசியம் இல்லை

 தப்பித்து ஓடுவது சமயோஜித உத்தியாக இருக்கலாமே தவிர நிஜமான அறப் போராட்டம் ஆகாது

 கத்தி இன்றி ரத்தம் இன்றி நடக்கும் இந்த யுத்தத்தில் சத்தியம் ஒன்று தான் ஆயுதமும் கேடயமும் ஆகும்

அதை தவிர வேறு ஆயுதங்களையோ தற்காப்பு பயிற்சிகளையோ இளைஞர்களுக்கு ராம்தேவ் போன்றவர்கள் கொடுக்க வேண்டிய அவசியம் இல்லை

 அதை அவரிடம் இருந்து உலகம் எதிர் பார்க்கவும் இல்லை

 உணர்ச்சி வேகத்தால் பேசுவது அரசியல்வாதிகளுக்கு சரியானதாக இருக்கலாம் 

 சத்தியாகிரகிகளுக்கு ஏற்புடையது அல்ல

அவசர நிலை காலத்தில் நடந்த அடக்கு முறைகளை கூட ஜெயபிரகாஷ் நாராயணன் போன்ற மாபெரும் தலைவர்கள் அறவழியிலே சந்தித்து முறியடித்தார்கள்

 அறிவில் சிறந்த இந்திரா காந்தி அல்ல சோனியா காந்தி

 இவரை வீட்டிற்கு அனுப்ப ஊழல்வாதிகளை பரண் மீது மூட்டை கட்டி போட மக்கள் தயாராகி விட்டார்கள்

 உள்ளுக்குள் புகைந்து கொண்டிருக்கும் நேர்மை என்ற நெருப்பை ராம்தேவ் போன்றவர்கள் விசிறி விட்டாலே போதும் தானாக பற்றி கொள்ளும்

கொசுவை விரட்ட துப்பாக்கி பிடிக்க போவதாக சொல்வது பக்குவ பட்டதாக இருக்காது

 இதை பாபா ராம்தேவ் உணர்ந்தால் அவருக்கும் நல்லது நாட்டுக்கும் நல்லது






+ comments + 12 comments

உங்கள் கருத்து ஏற்புடையது.. உண்மை. வாழ்த்துக்கள்

அவர்கள் சிந்தும் ஒவ்வொரு துளி ரத்தமும் ஊழல்வாதிகளின் நெஞ்சை பிளக்கும் கோடாரிகளாகவே மாறுமே அல்லாது மதிப்பிழந்து போகாது
//

மிக அருமையாக சொல்லியுள்ளீர்கள்..

காந்தியை பற்றி படிக்க படிக்க பெருமையாக உள்ளது

08:02

நிதர்சனமான உண்மையை சொல்லியிருக்கிறீர்கள்
அருமையான பதிவு
நன்றி குருஜி

உங்கள் கருத்து ஏற்புடையது.
நன்றி குருஜி.

உங்களை வலைச்சரத்தில் அறிமுகம் செய்திருக்கேன்.
நேரம் கிடைக்கும் போது பார்க்கவும்.

http://blogintamil.blogspot.com/2011/06/blog-post_10.html

Anonymous
12:58

சூப்பர் குருஜி, நல்ல முயற்சி செய்யும் நல்ல நபர்கள் விதிவசத்தால் இப்படி தவறான கருத்துளை சொல்கின்றார்கள்.தங்களை போன்ற கருத்துகள் தற்போது போய் சேர்ந்திருக்கும். நாட்டுக்கு நல்லது நடக்கும் என்று நம்புவோமாக - ராமஜயம் - சென்னை

"உணர்ச்சி வேகத்தால் பேசுவது அரசியல்வாதிகளுக்கு சரியானதாக இருக்கலாம் சத்தியாகிரகிகளுக்கு ஏற்புடையது அல்ல"
"கத்தி இன்றி ரத்தம் இன்றி நடக்கும் இந்த யுத்தத்தில் சத்தியம் ஒன்று தான் ஆயுதமும் கேடயமும் ஆகும் "

உண்மை. அருமையான பதிவு.குருஜி.

என்றும் அன்புடன்
பொடியன்

உழல அரசியல் வாதிகளுக்கு துணை போகும் பத்திரிக்கைகள் ஆடும் கபட நாடகம் ........வார்ததைக்ளலுக்கு தான்கிபிடிக்க நினைக்குக்ம் உழல அரசியல் வாதிக்கு துணை யானது அவர்களின்தவறான .... விளக்கங்கள் .
ஊழல் பெருச்சாளிகளுக்கு எதிராக போராட (அறப்போராட)ஒரு படையை அதாவது தியாகிகளை ஒன்றிணைக்க வேண்டியதின் காலம் கட்டாயமாக்க பட்டுள்ளதினை .....புதிய ஒரு சுதந்திரம் ..கொள்ளைகாரகளிடமிருந்து;;;; நிச்சியமாக வேண்டும் நமக்கு ..தலைமை ஏற்க்க ஒரு நல்லவரும் .வேண்டும்.....அவரின் வார்த்தைகள் திரித்து கூறப்பட்டதாகவே ....நாம் எடுத்து கொள்ள வேண்டும் ....நம் ஆதரவை விலக்கிக்கொள்வது ஊழல் பெருச்சாளிகளுக்கு வெற்றியாக போய்விடும் கவனமாக விமர்சிக்க வேண்டுகிறேன் ....தமிழ்மன்னன்

இன்றைய சூழ்நிலைக்குத் தேவையான பதிவு !

Anonymous
10:35

தமிழ் மன்னன் சொல்வதுபோல் பாபா ராம்தேவ் சொன்னதைத் திருத்தி ஊடகங்கள் அவருக்கு எதிராக அவரை அடக்கப் பார்க்கிறார்கள். அவர் 11000 தொண்டர்களைத் தற்காப்புக்காகவும் விழிப்புணர்வு செய்வதற்காகவுமே அல்லாமல் தீவிரவாதிகளை உருவாக்க அல்ல என்பதே ஆகும்.அதுவும் ஆத்திரத்தில் அவரின் அப்போதைய பலவீனமான, பெண்களும் சிறு குழந்தைகளையும் இப்படி அடித்து நொறுக்கி இருக்கிறார்களே என்ற ஆதங்கத்தில் சொல்லி இருக்கிறார். அதை அன்னா ஹ்ஜாரே போன்றவர் அவரைச் சந்தித்து எடுத்துரைப்பதை விடுத்து என்னமோ அவர் violenceக்குத் தயாராகிறார் என்பதுபோல் அன்னா ஹஜாரேயும் ஒதுங்கி உள்ளது அவருக்கு அழகல்ல. ஒரு வலிமிக்க மாமனிதரை ஒரே இலட்சியத்திற்காகப் போராடுவரை அன்னாஹஜாரே இப்படி ஒதுக்குவதும் மூடத்தனமானதும் ஒருதலைப்பட்சமானதுமாகும். அவர் பாபாவை நேரில் சந்திருக்கவேண்டும். ஆனால் ஒதுங்கி இருக்கிறார்;இது நல்ல காந்தீய வாதிக்கு அழகல்ல, அறிவுடைமையும் அல்ல.

ramji has lost his respect by speaking nonsense talks

மகாத்மா காந்திக்கும், இந்த டுபாக்கூர் பாபாவுக்கும் தொடர்பு படுத்தி கட்டுரையாளர் எழுதியுள்ளதைப் பார்த்தால், வடிவேலு மாதிரி கெக்கே புக்கே என்று சிரிக்கத்தான் தோன்றுகிறது.

ஊழலைப் பற்றி ஊளையிடும் இந்த பாபாவின் எளிமையைப் பாருங்கள் நண்பர்களே!

கருப்புப் பணத்தை மீட்க அரசை நடவடிக்கை எடுக்கக் கோரி தில்லியில் உண்ணாவிரதம் இருக்க செலவு: 18 கோடி

ஆயுர்வேத மருந்துகளை ஏற்றுமதி செய்வதன் மூலமும் ஆயிரக்கணக்கான கோடிகள் வருமானம்!!!

அமெரிக்காவில் 650 ஏக்கர் நிலமும், ஓய்வாக தியானத்தில் அமர்ந்திருக்க ஸ்காட்லாண்டில் தனி தீவு!!!

வானத்தில் பயணம் செய்ய சொந்த விமானம்!!!

நிலத்தில் பயணம் செய்ய விலையுயர்ந்த லேண்ட் ரோவர் கார்!!!

இவர் முற்றும் துறந்த சாமியாரா? அல்லது டுபாக்கூர் சாமியாரா?

கருப்புப் பணத்தை ஒழிக்கப் போவதாய் சொல்லிக் கொண்டு இந்த கள்ளப்பண சாமியார் அரசாங்கத்திடம் காட்டும் கணக்கே 1,100 கோடி!!! கணக்கில் காட்டாதது இந்த கேடியிடம் எத்தனை லட்சம் கோடியோ??

சட்டத்துக்கு புறம்பாக ஆயுதங்களை கையில் எடுப்பவன் சாமியாரா? அல்லது பயங்கரவாதியா?? என்பதை நடுநிலை சிந்தனையாளர்களின் பார்வைக்கே விட்டு விடுகிறேன்.


Next Post Next Post Home
 
Back to Top