( அமிர்த தாரா தீட்சை பெறுவதற்கு...........!! click here )



மிர்த தாரா மந்திர தீட்சை டிசம்பர் 18 ஞாயிறு அன்று கொடுக்கப்படுகிறது appointment பெற விரும்புபவர்கள் இந்த எண்ணிற்கு தொடர்பு கொள்ளுங்கள். +91-8110088846 

Share !
This Post





உஜிலாதேவி பதிவுகளை
மின்னஞ்சலில் பெற

புலியை பார்த்து பூனை சூடு போடுகிறதா...?


  சென்ற வாரத்தில் வேலூரில் ஒரு தனியார் தொண்டு நிறுவனம் ஏற்பாடு செய்திருந்த கருத்தரங்கம் ஒன்றில் கலந்து கொண்டேன்

 ஊழலுக்கு எதிராக தற்போது நம் நாட்டில் நடை பெற்று கொண்டிருக்கும் சில உண்ணாவிரத அறப்போராட்டங்களை பற்றி அதில் காரசாரமாக விவாதிக்க பட்டது

 டெல்லியில் ராம்தேவ் அவர்களின் உண்ணாவிரதம் காவல் துறையினரால் தடை செய்யப் பட்டதை மட்டும் கண்டித்த நான் ராம்தேவ் சித்தாந்தங்களை பல வாறு குறை சொல்லி பேசினேன்

என் பேச்சை கேட்ட பலரும் நீங்கள் ஒரு துறவி ராம்தேவும் ஒரு சந்நியாசி நிலைமை அப்படி இருக்க சக சந்நியாசியின் செயலை வரவேற்காமல் எதிர்ப்பது ஏன் என கேட்டார்கள்


 அப்படி கேட்டவர்களை பரிதாபமாகத் தான் என்னால் நோக்க முடிந்தது காரணம் நான் சாமியார் என்பதற்காக எல்லா சுவாமிஜிகளின் கருத்துக்களையும் ஆராயாமல் ஏற்றுக் கொள்ள வேண்டுமா என்ன?

 நான் ராம்தேவிடம் இருந்து முரண்படும் விஷயங்களை பட்டியலிட்டேன்

 முதலில் ராம்தேவ் ஊழல் புரிந்தவர்களுக்கு மரண தண்டனை வழங்க வேண்டும் என்கிறார்

 அடுத்ததாக அரசாங்க பொதுக்காரியங்களுக்காக நிலங்களை கையக படுத்துவதை நிறுத்த வேண்டும் என்கிறார்

 மூன்றாவதாக கருப்பு பணத்தை ஒழிக்க ஆயிரம் மற்றும் ஐநூறு ரூபாய் நோட்டுகளை தடை செய்ய வேண்டும் என்கிறார்

இவைகள் அனைத்துமே சாத்தியமில்லாதது மட்டும் அல்ல குழைந்தை தனமானதும் ஆகும்


  ஒரு உயிரை உருவாக்க நம்மால் முடியாத போது அதை அழிக்கும் அதிகாரம் நமக்கு கிடையாது

 மரண தண்டனை குற்றவாளிகளை திருத்தி விடும் குற்றம் புரிய நினைக்கிறவர்களுக்கு பயத்தை ஏற்படுத்தும் என்பது ஊளுத்துபோன வாதம்

 இது வரை அந்த தண்டனை இத்தகைய உணர்வுகளை மனிதர்களுக்கு ஏற்படுத்தி இருந்தால் ஒரு குற்றம் கூட இன்று நடக்காது

 ஆனால் உலகில் நாம் அப்படி எதையும் காண வில்லை

 மேலும் மரண தண்டனை என்பது நாகரிக சமுகத்திற்கு உகந்தது அல்ல

 பொதுக் காரியங்களுக்காக தனியார் நிலங்களை அரசாங்கம் எடுத்துக்கொள்ள கூடாது என்றால் நாட்டின் அடிப்படை கட்டமைப்பு வசதிகளுக்காக சாலைகள்,மின்சார நிலையங்கள்,அணைக்கட்டுகள்,நீர் பாசன வாய்க்கால்கள் ஏன் செத்து போன மனிதனை எரிப்பதர்க்கோ புதைப்பதர்க்கோ புதிய மயானங்கள் போன்ற வற்றை எப்படி உருவாக்குவது?


 பலருக்கு பயன் படக் கூடிய செயலுக்காக சில சுயநல தேவைகளை இழக்கத்தான் வேண்டும் என்பது பொது விதி

 இது ஒரு யோகா குருவிற்க்கு தெரியாத சங்கதி என்பதை ஏற்று கொள்ள இயலாது

 ராம்தேவ் அவர்களை சூழ்ந்திருக்கும் பண்படாத கூட்டத்தார் எடுத்த கண்மூடித் தனமான கருத்தாக்கமாகவே எண்ண தோன்றுகிறது

 ஒரு நாட்டில் பொருளாதார வளர்ச்சி அதிகப்படும் போது பண புழக்கம் என்பது நிறைய இருக்கும்

 அந்த சூழலில் உயர் மதிப்பில் உள்ள கரன்சிகள் தவிர்க்க முடியாததாகும்

 இதை ராம்தேவ் புரிந்து கொள்ளாதது ஏன் என்று தெரிய வில்லை


   பலருக்கு வழிக் காட்டக் கூடிய பீடத்தில் இருப்பவர்கள் முதலில் அறிவு பூர்வமாகவும் நடைமுறைக்கு ஏற்றதாகவும் சிந்திக்க வேண்டும்

 உணர்ச்சி பூர்வமாக சிந்தித்தால் நிரந்தர தீர்வுகள் விபரீத பாதையிலே போகும் என்பது வரலாற்று உண்மை

 இதில் ராம்தேவ் தீவிர கவனம் செலுத்தி இருந்தால் கோடிக்கணக்கான மக்களின் எண்ணங்களை பிரதிப்பலிப்பவராக வரலாற்று ஏடுகளில் பதிவு செய்ய பட்டிருப்பார்

 ஆனால் அவரது உணமையான ஆர்வம் பக்குவமின்மையால் கோமாளித் தனமாக போய் விட்டது

 ஆரம்பத்தில் வீராவேசமாக பேசிய ராம்தேவ் பெட்டிப் பாம்பாக அடங்கி போனதற்கு அரசாங்கம் அவரது வருவாய் பிரிவில் கைவைத்தது தான் காரணம் என்று விபரம் தெரிந்தவர்கள் சொல்கிறார்கள்


நான் ராம்தேவ் அவர்கள் பணம் வாங்கி யோகா கற்பிப்பதயோ ஆயுர்வேத சிகிச்சை செய்வதையோ குறை சொல்ல வில்லை

 பொது ஜனங்களை விட்டுவிட்டு காட்டுக்கு சென்று தவம் செய்யும் துறவிகளுக்கு தான் பணம் தேவை இல்லை

 மக்கள் பணியை செய்பவர்களுக்கு கண்டிப்பாக பொருள் அவசியம்

 அருள் பிரகாச வள்ளார் கூட இன்று இருந்திருந்தால் அன்ன தானம் செய்ய பண தேவைக்கு எதாவது ஒரு வழியை பின் பற்றி இருப்பார்

 அதில் தவறு சொல்ல யாருக்கும் ஊரிமை இல்லை

 ஆனால் ஒரு பொது காரியத்தை செய்ய துணியும் எவரும் அதனால் ஏற்படும் எந்த விளைவையும் சந்திக்க தயாராக இருக்க வேண்டும்


  முன் வைத்த காலை அச்சத்தோடு பின் வைப்பது லச்சியவாதிக்கு அழகல்ல

 எனவே ராம்தேவின் ஊழலுக்கு எதிரான போராட்டம் வரவேற்க்க தக்கதாக தெரிந்தாலும் அறிவு பூர்வமானதாக தெரிய வில்லை

 இந்த விஷயத்தில் ராம்தேவை விட அன்னா ஹசாரே ஒரு படி முன் நிற்கிறார்

 பொது நன்மைக்காக பல போராட்டங்களை நடத்தி அனுபவம் பெற்றவர் அவர்

 இந்திய இராணுவத்தில் பணி புரிந்து பெற்ற அனுபவம் அவர் இதயத்தை இன்று வரை வீரம் செறிந்ததாக வைத்திருக்கிறது

 ஒரு மிகச்சிறிய வீட்டில் வாழ்ந்து வரும் அவர் சரத்பவார்,பால் தாக்கரே போன்ற அரசியல் ஜாம்பவான்களுக்கு தனது நேர்மையால் சிம்ம சொப்பனமாக திகழ்ந்தவர் 


 சுவாமி விவேகானந்தரின் கர்ம யோக பாடத்தை தனது வாழ்க்கை பாதையாக கொண்டவர்

  சிற் சில குறைப்பாடுகள் இருந்தாலும் கூட தனது ஊழலுக்கு எதிரான போராட்ட கருத்துக்களில் வீரியம் குறையாதவராக இன்று வரை காணப் படுகிறார்

   அன்னா ஹசாரேயின் செயலால் அவர் மட்டுமே புகழை சம்பாதித்து விடுவாரோ என்ற எண்ணத்தால் தான் ராம்தேவ் போராட்டத்தில் குதித்தார் என்று எண்ண தோன்றுகிறது

   ராம்தேவின் செயல் பாடுகளால் ஹசாரேயின் போராட்டத்தின் முனை மழுங்கி இருக்கிறது என்றே சொல்ல வேண்டும்

   இது அரசியல் வாதிகளின் முறையற்ற செயல்களுக்கு உந்து சக்தியாக இருக்குமே தவிர மக்களுக்கு நன்மை செய்வதாக இருக்காது

 எனவே இனி வரும் காலங்களில் ராம்தேவ் அவர்கள் நாலு விஷயத்தையும் தீவிரமாக ஆராய்ந்து செய்ய வேண்டும் என்பதே பலரின் எதிர்பார்ப்பு

 இந்த எதிர்பார்ப்பை ராம்தேவ் நிறைவேற்றினால் கோடிக்கணக்கான ஏழை இந்தியர்களின் வாழ்வில் ஒளி பிறக்கும் 







+ comments + 14 comments

சரியாக சொன்னிர்கள். ஐயா! ஒருவர் காவி மாட்டிகொண்டதால் , அவர் சொல்வதெல்லாம் ஏற்றுகொள்ள வேண்டும் என்ற அவசியம் இல்லை! அதே நேரத்தில், அவரின் போராடத்தை இரவு நேரத்தில், அராஜகம் கொண்டு அரசாங்கம் அடக்கியதும் எனக்கு தவறாகவே தெரிகிறது. காவி மாட்டிகொண்ட எவராவது, மக்கள் நன்மைக்காக ஒரு காரியம் செய்தால், அவர்களை மதவாதிகள், இந்துத்துவவாதிகள் என்றும் பழி சுமத்தி மக்கள் மத்தியில் ஒரு அவபெயரை உண்டாக்கி வைத்துள்ளர்கள் , இந்த மதசார்பின்மை எம்மாற்று அரசியல்வாதிகள். மக்கள் இப்படி பட்ட அரசியல்வாதிகளை புரிந்து கொள்ளவேண்டும்.காவி என்பது மிகவும் புனிதமானது அதை அணிந்தவர்கள்., பேச்சிலும்,செயலிலும்,மிகவும் ஜாக்கிரதையாக இருக்க வேண்டும்.காவி என்றால் தீவிரவாதம் என்று சொல்லும், ஒரு மாற்று மதக்காரர்கள் கூட இப்போது காவி அணிந்துகொண்டு மத பிரசாரம் செய்கிறார்கள்.ஹிந்து மக்களை ஏமாற்ற! அதையும், நம் மக்கள் புரிந்து கொள்ளவேண்டும். ஊழல் செய்தவர்களுக்கு மரணம் தண்டனை தருவதை விட அவர்களின் சொத்தை அபகரித்து, அவர்களுக்கு, ஆயுள் தண்டனை தரவேண்டும். அடுத்து, ஆயிரம், ஐநூறு ரூபாய் நோட்டை தடை செய்வது சரியாகாது என்கிறிர்கள். இதில் என் கருத்து என்ன வென்றால், என் மலேசியா நாட்டில் 1998 -இல் பெரிய பொருளாதாரம் சரிவு ஏற்பட்டது. அப்போது, எங்கள் அரசாங்கம், பொருளாதாரம் சீரடைய பல திட்டங்கள்,கொண்டு வந்தார்கள். அதில் ஒன்று, 500 rm 1000 rm நோட்டை தடை செய்வது. இப்போது, இங்கே, 1 , 5 , 10 , 50 , 100 நோட்டுகல்தான் புழக்கத்தில் உண்டு. இதனால், வெளிநாடுகளில், பெரிய அளவில்,பணம் செல்வது தடுக்கப்பட்டது. பொருளாதாரமும், சீரடைந்தது! எதோ எப்படியோ! இந்தியாவின் செல்வம், முஸ்லிம்களால், ஆங்கிலேய கிருஸ்துவர்களால்,கொள்ளையடிக்கப்பட்டு, இப்போது, நாசகார அரசியல்வாதிகளால்,கொள்ளையடிக்கபடுகிறது. இது நிறுத்தப்பட கட்டாயம், ஒரு மக்கள் புரட்சி உருவாக வேண்டும். அதற்காக, அன்ன அசரே, ராம்தேவ், அல்லது, ரஹ்மானோ, டேவிட்டோ , யார் போராடினாலும் நாம் ஆதரிக்க வேண்டும். ரஹ்மானோ, டேவிட்டோ, போராடினால், இதட்கு , மதச்சாயம்,பூசபடாது என்பது வேறு விஷயம்!

இந்தியாவில் கோவில்களில் இருக்கும் தங்கத்தை அரசாங்க மீட்டு எடுத்தாலே, இந்தியா உலகிலேயே பெரும் பணக்கார நாடாக மாறிவிடும். வெறும் சிலைக்கு ஏனடா இவ்வளவு தங்கம்? உலகில் தங்க விலை உயர்ந்ததற்கு காரணமே இந்தியாவில் இருக்கும் கோவில்கள்தான்.

யோகா வகுப்புகள் மூலமும் டுபாக்கூர் ஆயுர்வேத மருந்துகளை ஏற்றுமதி செய்வதன் மூலமும் ஆயிரக்கணக்கான கோடிகள் வருமானம். அமெரிக்காவில் 650 ஏக்கர் நிலம், ஓய்வாக தியானத்தில் அமர்ந்திருக்க ஸ்காட்லாண்டில் தனி தீவு ( நித்திக்கு செய்தது போல அங்கும் ஒரு கேமராவை மாட்டி வைக்க வேண்டும், அப்போதுதான் வண்டவாளம் தண்டவாளத்தில் ஏறும்!!), வானத்தில் பயணம் செய்ய சொந்த விமானம், நிலத்தில் பயணம் செய்ய விலையுயர்ந்த லேண்ட் ரோவர் கார். இவை அனைத்தையும் கொண்ட இந்த ”முற்றும் துறந்த(!!)” சாமியார்தான் ராம் தேவ். இவனுக்கு பாபா என்று ஒரு கன்றாவி துணைப் பெயர் வேறு!! இவன் அதிகாரப்பூர்வமாக அரசாங்கத்துக்கு காட்டும் கணக்கே 1,100 கோடி ரூபாய்!!! அடேங்கப்பா... கேட்டால் இவன் சாமியாராம்!! உஷ்... இப்பவே கண்ணே கட்டுதே!!

இவன் நடத்தும் ட்ரஸ்ட்டுக்குள் வருவாய்துறை அதிகாரிகளும், சிபிஐ அதிகாரிகளும் நுழைந்து, இவனுகளை குனிய வைத்து "ராடு" விட்டு குடைந்தாலே போதும்!! பொல பொலவென்று எல்லா உண்மைகளும் வரும். இன்னும் பல கோடிகள் வெளியே வரும்.

"புட்டபர்த்தி பில் கேட்ஸ்" அந்த கேடியின் விவகாரம் இப்போதுதான் கோடி கோடியாக வெளிய வந்து கொண்டு இருக்கிறது. கேட்டால் இவனுங்களெல்லாம் முற்றும் துறந்த முனிவர்களாம்!!!

இதை விட பெரிய கொடுமை, உலக மகா சிரிப்பு, இவனுங்க ஊழல் பற்றி பேசுறானுங்க!! வடிவேலு மாதிரி கெக்கே... புக்கேன்னு சிரிக்கத்தான் தோணுது.

இந்தியாவை சீரழிக்கும் இந்த கூட்டங்களின் கொடுமையைப் பார்த்து எங்கே போய் முட்டிக் கொண்டு அழுவது? என்றுதான் தெரியவில்லை.

தேசபக்தர்களா!! நீங்கள் வாழ்க!! உங்கள் தொண்டு வளர்க!!

(பின்குறிப்பு: கூடிய விரைவில் கேமரா மாட்டாமலா விட்டு விடுவோம்!! அதுவரை பொறு மனமே!!)

Chandrasekhar
10:27

டியர் திரு ஜான் குமார் அவர்களே

கோவிலில் இருக்கும் தங்கத்தை பற்றி சொல்லி இருக்கிறீர்கள். அதை பற்றி பேச நாம் யார்? மாதா கோவில் சொத்துக்கள் பற்றி ஏன் சொல்ல மாட்டேன் என்கிறீர்கள்? அதே போல ராம்தேவ் பற்றி சொல்லி இருக்கிறீர்கள். அது அவர் சம்பாதித்தது. ஊழலை அவர் எதிர்க்கும் போது அவர் தவறு செய்து இருந்தால் அவரும் அதில் அகப்படுவார். அவர் நேர்மையான வழியில் சம்பாதிக்காமல் இருந்தால் இவ்வாறு முன்னின்று ஊழலை எதிர்க்கும் துணிவு அவருக்கு இருக்காது என்பது திண்ணம்.

விட்டேன் கவிழ்த்தேன் என்று சும்மா எழுத வேண்டாம் என்று கேட்டு கொள்கிறேன்.

சந்திர சேகர்

Anonymous
10:33

@JOHN KUMAR

நண்பரே JOHN KUMAR அனைத்து பதிவுகளிலும் தங்களின் கருத்துக்களை படித்து வருகிறேன் அனைத்தையும் மத பிரச்சனைகளாக மட்டுமே உங்களால் சிந்திக்க முடிகிறது தயவு செய்து அதை மாற்றி கொள்ளுங்கள் சில நேரங்களில் படைப்புகளுக்கு சம்பந்தமே இல்லாத கருத்துக்கள் வெளியிடுகிரிர்கள் உங்களுக்கு மதம் மட்டுமே பிரச்சனையைக இருந்தால் மத சம்பந்தமான பதிவுக்கு தங்களின் கருத்தை தெரிவிக்கவும்

மிகச் சரியான அரசியல் பார்வை. உங்களின் பல கருத்துக்களோடு நான் உடன்படுகிறேன்.

ஊழலற்ற நேர்மையான அரசாக செயல்பட வேண்டும் என்பதே எல்லோருடைய விருப்பமும் - இதில் யாருக்கும் எந்தவித மாற்றுக் கருத்தும் இல்லை - இருக்கவும் கூடாது.

ஆனால், நமது நாட்டிலுள்ள நடைமுறை வாழ்க்கையில் ஊழல் / லஞ்சம் தவிர்க்க முடியாத - பிரிக்க முடியாத ஒன்றாக ஆகி விட்டது.

முதலில் நாம் நமது நெஞ்சைத் தொட்டு, நமது மனசாட்சியிடமே முதல் கேள்வியை கேள்வி கேட்போம்.

சாலையில் நாம் வாகனத்தில் சென்று கொண்டு இருக்கும்போது, சற்று அவரசத்தில் வேகமாக சென்று விட்டாலோ அல்லது நாம் சிறு ஒரு தவறு செய்து, அதை போக்குவரத்து அதிகாரி நம்மை பிடித்து விட்டால், நாம் "நீதி மன்றத்தில் பேசிக் கொள்கிறேன்" என்றா சொல்கிறோம்? ஐம்பதோ அல்லது நூறோ "ஓரமாக" அந்த அதிகாரிக்கு தள்ளி விட்டு, நாம் நமது வேலையை முதலில் முடிப்பதில்தானே குறியாக இருக்கிறோம்!! (நாம் கொடுப்பதற்கு தயாராக இல்லாவிட்டாலும், அவர் வாங்குவதற்கு தயங்குவதில்லை - அது வேறு விஷயம்)

முன்பதிவு இல்லாமல், அவசர வேலையாக ரயிலில் பயணம் செய்யும்போது, "பெர்த்" கிடைக்காத சமையத்தில், டி.டி.ஆருக்கு ஐம்பதோ அல்லது நூறோ தள்ளி அவரை "கணக்கு" பண்ணி நமது காரியத்தை முடிப்பதில்தானே குறியாக இருக்கிறோம்.

குடும்பத்தோடு சினிமாவுக்கு செல்லும்போது, டிக்கட் கிடைக்காவிட்டால், தியேட்டர் பின்புறத்தில் சுமார் ஐம்பது ரூபாய் அதிகம் கொடுத்து பிளாக்கில் வாங்கிப் பார்ப்பது உண்டுதானே?

"என் வாழ்நாளில் இது போன்று ஒருபோதும் செய்தது கிடையாது" என்று ஆயிரத்தில் ஒருவராவது சொல்ல முடியுமா?

இவை எல்லாமே லஞ்சம் - ஊழல்தானே?? என்ன ஒரு சிறு வித்தியாசம்? நாம் நூறு - ஆயிரம் என்று தவறு செய்கிறோம். அரசியல்வாதிகள் லட்சம் - கோடி என்று தவறு செய்கிறார்கள்.

ஆக, லஞ்சம் - ஊழல் என்பது நமது நாட்டில் ஊறிப் போன ஒன்று. ஒரே நாளில் மாற்றத்தை கொண்டு வரவே முடியாது... ஆனால், கட்டாயம் கொண்டு வர வேண்டும். அதற்கு அதிக காலங்கள் பிடிக்கும்.

இது அன்னா ஹசாரேவுக்கும், ராம் தேவுக்கும் நன்றாகவே தெரிந்து இருந்தாலும், இவர்கள் இவ்வளவு திடீர் பிடிவாதம் பிடிப்பது, அது அவர்களது சுய விளம்பரத்திற்காக மட்டுமே தவிர வேறு எதுவும் காராணமாக இருக்க முடியாது.

-----

திரு. ஜான் அவர்களே! பாதியார்கள் அறைகளிலும் கேமரா வைக்க மறந்து விடாதீர்கள். ஒருசில கன்றாவிகள் வெளியில் வந்தும், எத்தனையோ பல வெளியில் வராமலும் இருக்கின்றன. உங்கள் சமூக சேவையை(!!) பாராட்டுகிறேன்.

Chandrasekhar
11:45

லோக்பால் சட்டம் சரியான முறையில் கொண்டு வந்தால் இந்த லஞ்ச ஒழிப்பு கூடுமானவரை குறைய சாதியகூருகள் உள்ளன. எவருக்கு எதிராகவும் லஞ்ச புகார் கொடுக்கலாம் என்று இருந்தால் லஞ்சம் கொடுப்பதும் வாங்குவதும் நிச்சயம் குறையும். அனைத்து அரசியல், ஆன்மிக, காவல்துறை,அரசாங்க அதிகாரிகள் மற்றும் நீதித்துறை அதிகாரிகள் இந்த சட்டத்தில் இருக்க வேண்டும்

சந்திர சேகர்

J Chandrasekhar Dubai
11:51

making the politician draft the lokpal bill is akin to making the thieves themselves the judges for their own criminal cases - it is nothing but a joke. The only way out for this is a national plebiscite on this bill wherein all the citizens are allowed to voice their view

Chandrasekhar

oru naagareengamana samudhayathil marana thandanai kodukka koodathu enru sollukireergal. athe nagareegamana samudhayathil than thiruttu, kolai, gundu vedippu nadakkinrana. ivaragalukkum aayul thandanai, varappu thagaraaril eedupattavanukkum aayul thandanai.. ithu eppadi niyayam? vendumanal ithagaiya samooga virothikalukku saagum varai aayul thandanai tharalaam.

லோக்பால் மசோதா நிறைவேற்றப்பட்டு அதை நடைமுறை படுத்துபவர்கள் லஞ்சம் வாங்கமாட்டார்கள் என்பது என்ன நிச்சயம்????

ஹிந்துக்கள் செய்யும் எந்த ஒரு செயலுக்கும் மதவாதம் பூசும் அறிவீலிகள் இருக்கும் வரை நம் நாடு எப்படி முன்னேறும் என்று புரியவில்லை. எல்லாம் வல்ல இறைவன் தான் நம் இந்தியாவை காப்பற்ற வேண்டும் .
சுதர்சன்

Anonymous
14:43

@John Kumar:
அன்புள்ள சகோதரரே ,
இந்தியாவுக்கும் கிறிஸ்தவத்திற்கும் எந்த சம்பத்தும் இல்லை கிறிஸ்தவ மத மாற்றத்திற்கு எவ்வளவு பணம் செலவழிக்க படுகிறது என்று தெரியுமா? திடீர் திடீர் என்று முளைக்கும் எத்தனை சர்ச்கள் இருக்கின்றன, ஒவ் ஒரு மத மாற்றத்திற்கும் உங்கள் சர்ச் எவ்வளவு பணம் செலவிடுகிறது தெரியுமா உங்களுக்கு? பல லட்சம் கொடிகள் இந்தியாவில் உங்கள் மத மாற்றத்திற்கு செலவிடபடுகிறது. உங்களின் ஒவ் ஒரு சர்ச்சும் விசாரிக்கபட்டால் உங்கள் மதம் பூலோகம் முழுவதும் நாரி விடும் ஜாக்கிரதை !

நங்கள் அன்பை மட்டுமே விரும்புகிறோம் இன்னமும் உங்கள் அத்தை பட்டி கதைகளை இங்கே அவிழ்க வேண்டாம் உங்கள் குட்டையை நங்கள் குழப்பினால் இந்த உலகமே நாரி விடும் (எவனோ வெள்ளைக்காரன் கொடுத்த காசுக்கு பேசாமல் உண்மையை மட்டுமே பேசுங்கள்)

வலைசரத்தில் உங்களை பற்றி எழுதி உள்ளேன் நேரம் இருந்தால் பார்க்கவும்

வாழ்க.. ஒழிக… ஒழிக… வாழ்க


Next Post Next Post Home
 
Back to Top