( அமிர்த தாரா தீட்சை பெறுவதற்கு...........!! click here )



மிர்த தாரா மந்திர தீட்சை டிசம்பர் 18 ஞாயிறு அன்று கொடுக்கப்படுகிறது appointment பெற விரும்புபவர்கள் இந்த எண்ணிற்கு தொடர்பு கொள்ளுங்கள். +91-8110088846 

Share !
This Post





உஜிலாதேவி பதிவுகளை
மின்னஞ்சலில் பெற

பரமக்குடி! ஒரு எச்சரிக்கை மணி!

   ரமக்குடியில் கலவரம் போலீஸ் துப்பாக்கி சூடு ஏழு பேர் பலி இந்த செய்தியை பார்க்கும் போது தேசத்தை நேசிக்கும் எவருக்கும் சந்தோசம் வராது அடிவயிற்றில் இருந்து கோபமும் ஆத்திரமும் கிளம்பி இன்னும் எத்தனை காலம் தான் ஜாதியின் பெயரால் சண்டை போடுவிர்கள் என சபிக்க தோன்றும் தமிழக அரசுக்கு நெருக்கடியையும் சட்ட ஒழுங்குக்கு சவாலையும் ஏற்படுத்தி இருக்கும் இந்த சம்பவத்தின் மூலத்தை பார்க்கும் போது நெஞ்சி பகீரென பற்றிக் கொள்கிறது

பச்சேரி கிராமத்தில் உள்ள பழனிக்குமார் என்ற பதினோராம் வகுப்பு படிக்கும் பையன் சுவற்றில் ஒரு ஜாதியாரை குறிப்பிட்டு அவர்கள் ஒழிக என்றும் இன்னொரு ஜாதியாரை வாழ்க என்றும் எழுதினானாம் இதனால் ஆத்திரம் கொண்ட கும்பல் அவனை இரவோடு இரவாக கொலை செய்து விட்டார்களாம் இந்த செய்தி பரமக்குடி வரை எட்டி துப்பாக்கி சூட்டில் முடிந்திருக்கிறது இதை மேலோட்டமாக பார்க்கும் போது ஜாதி காழ்புணர்ச்சி என்று சொல்லி விடலாம் ஆனால் நிஜம் என்ற பூதம் இதற்குள் மறைந்திருந்து பயமுறுத்துகிறது




வயதானவர்கள் மட்டும்தான் ஜாதி பாகுப்பாடுகளை பார்க்கிறார்கள் இளைஞர்கள் மத்தியில் ஜாதி பற்றிய உணர்வுகள் குறைந்திருக்கிறது குறிப்பாக விடலை பருவத்தினர் ஜாதி என்ற கட்டுத்திட்டத்தை முற்றிலுமாக எதிர்கிறார்கள் என்று இது வரை பலராலும் சொல்லப்பட்டது அது நம்பவும் பட்டது ஆனால் நடந்திருக்கும் இந்த சம்பவம் ஜாதி வெறியானது வயது வித்தியாசம் இல்லாமல் அனைத்து தரப்பு மனிதர்கள் இடத்திலும் பசுமரத்தாணியாக இன்றும் வேறோடிக் கிடக்கிறது என்பதை முகத்தில் அறைந்தால் போல் நமக்கு காட்டுகிறது

இளமை பருவம் என்பது குறிப்பாக மாணவப் பருவம் என்பது செயல்பட துடிக்கும் பருவம் சாகசங்கள் சாதனைகள் செய்ய ஆர்வம் காட்டும் பருவம் என்பதில் சந்தேகம் இல்லை ஆனால் அதே மாணவர்களின் சுறுசுறுப்பும் ஆவேசமும் அழிவு சக்திக்கு பயன்பட்டால் அந்த நாடு ஆபத்தான நிலையில் இருக்கிறது என்பது அர்த்தமாகும் நமது தமிழ்நாட்டை பொருத்தவரை இளைஞர்கள் பல காலமாகவே தவறான பாதையில் வழிநடத்த படுபவர்களாக இருக்கிறார்கள் மாணவர்கள் மத்தியில் அரசியல் ஞானத்தை புகட்ட வேண்டிய நமது தலைவர்கள் எப்போது அரசியல் பேதங்களை புகட்ட ஆரம்பித்தார்களோ அப்போதே இளைய சமூகம் கெட துவங்கிவிட்டது




நேரு சுபாஷ் சந்திர போஸ் மகாத்மா காந்தி போன்ற தலைவர்கள் இளைஞர் சக்திகளை நாட்டு விடுதலை என்ற வேள்வி பாதையை நோக்கி கொண்டு சென்றார்கள் அவர்களுக்கு பின் வந்த சில தலைவர்களும் கூட அதே போன்ற தேச நலனுக்காக இளைஞர்களை பயன்படுத்தினார்கள் எந்த வழியை பின்பற்றினாலும் பரவாயில்லை அதிகார பதவியில் உட்காருவது மட்டும் தங்களது நோக்கம் என்ற எண்ணம் கொண்ட தலைவர்கள் அரசியல் களத்திற்கு வந்த பிறகு மாணவர்களின் கூர்மையான உணர்ச்சிகள் தவறான பாதையில் வழிநடத்தப்பட்டு கெட்டு போக துவங்கி விட்டது

நமது சுகந்திர இந்தியாவில் பள்ளிகள் மற்றும் கல்லூரிகளின் எண்ணிக்கை துரிதமாக வளர்ந்துள்ளது என்பதை யாரும் மறுக்க முடியாது எந்த அளவு இவைகளின் எண்ணிக்கை கூடி உள்ளதோ அந்த அளவு மாணவர்களின் ஆர்ப்பாட்டம் என்பதும் அதிகரித்து உள்ளது உப்புக்கு பெறாத காரியங்களுக்காக சாலை மறியல் செய்வது பொது சொத்துக்களை சேதப்படுத்துவது பொது ஜனங்களுக்கு தொல்லை கொடுப்பது நாளுக்கு நாள் பெருகுவதை யாரும் தடுக்க முனையவில்லை


நமது அரசியல் தலைவர்கள் என்ன நினைக்கிறார்கள் என்றால் தங்களுக்கு எப்போதுமே கொடி பிடிக்கவும் கோசம் போடவும் கும்பல் தேவை அந்த கும்பல் இளைஞர்களாக இருந்தால் தங்களது வளர்ச்சியை அபரீதமாக்கிக் கொள்ளலாம் யாராலும் தடை செய்ய முடியாத அளவிற்கு வலுவாகவும் ஆக்கி கொள்ளலாம் என்பதுதான் அவர்களின் தீர்க்கமான எண்ணம் பொதுவாக இன்றைய சூழலில் அரசியல் கூட்டங்களுக்கு பொது ஜனங்கள் யாரும் அதிகமாக போவது கிடையாது வேலையில் இருப்பவர்கள் குடும்பத்தை கவனிப்பவர்கள் அரசியல் கூட்டம் என்றாலே பத்து காத தூரம் ஓடி விடுகிறார்கள் கூலிக்கு ஆள் வைத்து தான் பொது கூட்டங்கள் நடத்த வேண்டிய நிலை உள்ளது இந்த வேலையில் மாணவர் சக்தியை தங்கள் பக்கம் திருப்பி விட்டால் பணம் செலவு செய்யாமலே காரியங்களை சாதித்து கொள்ளலாம் அதனால் அப்பாவி மாடுகளாக இருந்தாலும் கொம்புகளை சீவி ஜல்லிக் கட்டில் இறக்கி விடுவது போல மாணவர்களின் மூளையை பல வகையில் சலவை செய்து தங்களது சுய லாபத்திற்காக பயன் படுத்துகிறார்கள்




முன்பு கல்லூரி மாணவர்களை குறிவைத்து அரசியல் ஈக்கள் மொய்க்கும் இப்போது அந்த ஈக்கள் பள்ளிக்கூடங்களின் பக்கமும் எட்டிப்பார்க்க ஆரம்பித்து விட்டனர் என்பதை பரமக்குடி கலவரம் நமக்கு நன்றாக விளக்குகிறது நல்லது கெட்டதுகளை தீர்மானிக்க முடியாத வயதில் இருக்கும் குழந்தைகளை தங்களது சுயலாபத்திற்காக பயன்படுத்தும் செயல் மனித உரிமை மீறலாகும் இதை அரசாங்கம் உடனடியாக கவனித்து தக்க நடவடிக்கை எடுக்க தவறினால் மிகப்பெரிய அபாயம் நமது தமிழக சமூகசூழலில் ஏற்படும்

கலவரத்தை போராட்டக்காரர்கள் துவக்கினார்களா போலீஸ்காரர்கள் எல்லை மீரினார்களா என்பது வேறு விஷயம் அவைகளை சட்டம் சரி செய்ய பார்க்கட்டும் இளைய தலைமுறை ஜாதி சேற்றில் சிக்கி மாளாமல் இருப்பதற்கு ஆசிரியர்களும் கல்வி துறை அறிஞர்களும் அவசரமாக செயல் திட்டங்களை வகுத்து செயல்பட வேண்டும் இதில் அவர்கள் பொறுப்பற்ற முறையில் நடந்து கொண்டால் தேசம் அவர்களை மன்னிக்காது




இளமை பருவம் என்பது எதையாவது செய்ய துடிக்கும் சும்மா இருக்க அதுவால் முடியாது எனவே அந்த துடிப்புக்கு சரியான தீனி போட வேண்டும் போடாமல் விட்டால் விபரீதங்கள் அடுக்கடுக்காக நடை பெரும் நமது கல்லூரிகளும் பாட சாலைகளும் சலிப்பு தட்டும் விதத்திலேயே நடந்து வருகிறது கல்வியை வியாபாரம் ஆக்குவதில் காட்டும் கால்பங்கு அக்கறையை கூட மாணவர்களின் அறிவுதிறன் செம்மை படுவதில் காட்டுவதில்லை

நவீன வசதிகள் கொண்ட கல்வி நிறுவனங்களும் அவைகள் இல்லாத நிறுவனங்களும் மாணவர்களின் சுய திறன் வளர்ச்சியில் அக்கரை காட்டுவது இல்லை இதனால் மாணவர்களுக்கு படிப்பதில் சலிப்பு ஏற்ப்பட்டு கவனத்தை வேறு பாதையில் செலுத்துகிறார்கள் புத்தகத்தில் உள்ளதை அப்படியே பேசுபவனும் எழுதுபவனும் திறமை சாலியாக கருதப்படுகிறானே தவிர புத்தகத்தை எழுதுபவனை அதாவது சுயத்திரன் உடையவனை யாரும் அங்கிகரிப்பது இல்லை




முதலில் நமது பாட போதனை முறையில் மாறுதல் கொண்டு வந்து படிக்கும் காலத்தில் படிப்பில் மட்டுமே விருப்பம் வருமாறு குழந்தைகள் ஊக்கப்படுத்த பட வேண்டும் விளையாட்டு விஞ்ஞானம் இலக்கியம் ஆகிய துறைகளில் அவர்கள் தனிக்கவனம் செலுத்தினால் அதையும் வலுப்படுத்த வேண்டும் அப்படி செய்தால் கல்வி சாலைக்கு வெளியில் அவர்களின் கவனம் செல்லாது

இளம்பருவத்தில் கிளர்ச்சி உட்டக்கூடிய காரியங்களில் ஈடுப்படவே மனது விரும்பும் அது இயற்கையானது அந்த கிளர்ச்சியை சரியான பாதையில் பயன்படுத்தும் போது அவன் நல்ல நிலைக்கு தானாகவே வந்துவிடுகிறான் மாறாக அமையும் போது தான் விபரீத செயல்களை செய்கிறான் இதனால் ஏற்படும் பலாபலன்களை இளைய மனது கணக்கு போட்டு பார்க்காது பார்க்க முடியாது

எனவே இனிமேலாவது பிள்ளைகளின் கல்வியிலும் தனிப்பட்ட ஒழுக்கத்திலும் சம்மந்தப்பட்டவர்கள் கவனம் செலுத்த வேண்டும் பெற்றோர்கள் ஆசிரியர்கள் அரசாங்கம் ஆகிய மூன்றும் இந்த விஷயத்தில் கவனம் செலுத்தினால் நிச்சயம் இளைய பாரதம் பாரதி சொன்னது போல் ஒளி பொருந்தியதாக அமையும்.






+ comments + 10 comments

Anonymous
14:38

காலத்திற்கேற்ற சரியான பதிவு குருஜி...மக்களிடையே ஜாதி வேறுபாடு ஏற்பட அரசியல் வியாதிகள் தான் முக்கிய காரணம். எல்லா மாணவர்களும் ஜாதி வேறுபாட்டுடன் பழகுவதில்லை..ஒரு சில மாணவர்கள் தவறு பண்ணால் எல்லா மாணவர்களும் அப்படி இருபதாக அர்த்தம் இல்லை...பள்ளியில் கூட படிக்கும் மாணவன் உள்ளூர் என்பதால் அவன் என்ன ஜாதி என்பது சக மாணவனுக்கு தெரியும் ஆனால் அது அந்த மாணவர்கள் பழகுவதற்கு எந்த பாதிப்பையும் ஏற்படுத்தாது அந்த மாணவர்கள் ஜாதிகளை பார்க்காமல் சிறந்த நண்பர்களாக இருப்பார்கள்..ஆனால் கல்லூரியில் கூட படிக்கும் மாணவர்கள் எந்த ஜாதி என்றே பெரும்பாலான மாணவர்களுக்கு தெரியாது.. ஜாதிகளை தெரிந்து கொள்ள அக்கறையும் கொள்வதில்லை கவலையும் படுவதில்லை.. ஜாதிகலையே மறந்து விட்டு ஒரே தட்டில் சாப்பிட்டு மிகுந்த நாட்டுடன் பழகுவார்கள்.. இது சட்ட கல்லூரிகளை தவிர மற்ற எல்லா கல்லூரி மாணவர்களுக்கும் பொருந்தும்..சட்ட கல்லூரி மாணவர்களிடையே ஜாதி பிரிவினை ஏற்படவும் அரசியல் வியாதிகள்தான் காரணம் ஆனால் அந்த அரசியல் வியாதிகள் சட்ட கல்லூரி தவிர வேறு எந்த கல்லூரிகளிலும் வாலாட்ட முடியாது.. மற்ற கல்லூரி மாணவர்கள் அவர்களின் வாலை ஓட்ட நறுக்கி விடுவார்கள்...
ஜாதி வேறுபாடுகளை கலைக்க கடுமையான சட்டங்கள் அவசியம் தேவை..நாட்டில் முதலில் ஜாதி கட்சிகளை முதலில் கலைக்க வேண்டும்..ஜாதி கட்சிகளுக்கு அங்கீகாரம் கொடுக்க கூடாது... பள்ளி, கல்லூரிகளில் சேர்க்கும் போது ஜாதி சான்றிதல் கேட்பதை தடை பண்ண வேண்டும்..ஜாதி மற்றும் மத ரீதியிலான இட ஒதுகிட்டை நீக்கி மாணவனின் குடும்ப பொருளாதார நிலைமைக்கு ஏற்ப சலுகைகள் வழங்க வேண்டும்,,ஒட்டு மொத்தமாக எல்லா இடங்களிலும் ஜாதி சான்றிதல் கேட்பதை தடை பண்ண வேண்டும் அப்பொழுதுதான் மக்களிடையே ஜாதி வேறுபாடும் மறையும் கால போக்கில் ஜாதிகளும் மறையும்..இதையெல்லாம் நம் அரசியல் வியாதிகள் பண்ணுவார்களா என்பது கேள்விக்குறிதான்..ஏனென்றால் மக்களிடையே ஜாதி மத பிரிவினை இருந்தால் தானே இதை வைத்து அரசியல் வியாதிகள் அரசியல் பண்ண முடியும்...எனவே மக்கள் அரசியல் வியாதிகளின் பேச்சை நம்பாமல் உசாராக இருந்து ஜாதி மத ரீதியிலான பாகுபாடுகளை களைய பாடு பட வேண்டும்

மிகவும் சரியான அருமையான பதிவு, அரசியல்வாதிகள் ஜாதியின் பெயரால் ஓட்டு வாங்க எதுவும் செய்வார்கள் ஆனால் இழப்பு மொத்தமும் இந்த சமூகத்திற்கே!!

tamilscafe.blogspot.com

இம்மானுவேல்சேகரனின் குருபூஜையை தடுத்து நிறுத்தி முத்தராமலிங்கத்தின் குருபூஜைக்கு இணையாக தமிழகத்தில் வளரவிடக் கூடாது என்பதுதான் அதிமுக அரசின் நோக்கமாக இருக்கிறது.
தலித்துகளுக்குப் பிரச்னை ஏற்படுமென்றால் பிரச்னை வராமல் தடுக்கிறோம் என்று தலித்துகளைக் கைதுசெய்வதும், தலித்துக்களால் பிரச்சனை ஏற்படுமென்றால் பிரச்னை ஏற்படுத்துபவர்கள் என தலித்துகளைக் கைதுசெய்வதும், தமிழகப் பொலிசாரின் கொள்கையாக இருக்கின்றது
- நல்லையா தயாபரன்

Anonymous
11:20

நமது நாட்டின் கொள்கைகளுக்கும் அரசியல் கட்சிகளின் செயல் பாடுகளுக்கும் மிகுந்த வேறுபாடு உண்டு...மத சார்பற்ற நாடு என்று கூறி கொண்டு சிறுபான்மை என்ற பெயரில் குறிப்பிட்ட மதங்களுக்கு மட்டும் சலுகைகளும் கொடுகிறார்கள்..மத சார்பற்ற நாடு என்றால் எந்த மதத்துக்கும் சார்பாக நடந்து கொண்டு சலுகைகள் கொடுக்க கூடாது...பொருளாதார ரீதியில் மட்டுமே சலுகையும் இட ஒதுக்கிடும் வழங்க வேண்டும்...ஜாதிகள் இல்லையடி பாப்பா ன்னு ஸ்கூல்ல பசங்களுக்கு பாடம் நடத்துறாங்க ஆனா ஸ்கூல்ல சேரும் போது பசங்க கிட்ட ஜாதி சான்றிதல் கேட்கிறாங்க.. என்ன கொடுமை சார் இது

M.Natrayan
11:21

தமிழ் நாட்டில் இன்னும் ஜாதி வெறியர்கள் இருக்கிறார்கள் என்பதற்கு இது ஒரு சாட்சி. குறிப்பாக அரசியலில் இருப்பவர்கள்தான் இதற்கெல்லாம் காரணம். ஜாதி ஓட்டுக்காக அலைகிறார்கள். கொலை கொள்ளையில் ஈடுபடுபவர்கள் எல்லாம் அரசியலில் ஈடுபட்டு தங்களை பொருளாதார நிலையில் உயர்த்திக்கொள்கிறார்கள். அப்பாவிமக்களை தூண்டிவிடுகிறார்கள். அவர்கள் பலியாகிறார்கள். தமிழ் நாட்டில் வட மாவட்டத்தில் ஒருவர் வெகு ஆண்டுகளாக ஜாதியை வைத்து கட்சியும் அரசியலையும் நடத்திவருகிறார். அவரும் அவர் மகனும் மெத்தப்படித்த மேதாவிகள். படித்தவர்கள்தான் அதிக அளவில் ஜாதி அரசியல் நடத்துகிறார்கள். சராசரி மக்கள் ஜாதியைப்பற்றி நினைப்பதுகூட இல்லை. ஜாதி ஒழிப்பிற்காக உருவாக்கப்பட்டதாக கூறப்படும் திராவிட கட்சிகள்தான் ஜாதியை கெட்டியாக பிடித்துள்ளன. இவர்களை ஒழித்தாலொழிய ஜாதிகள் ஒழியாது.

M.Natrayan
14:39

@Anonymous

M.Natrayan
14:44

Our country is a secular nation! Yes! Our constitution says like this! Who follow this secularism? Our politicians are ignore this Article and do as he is the authority for this nation.

tamilan enru sol talai kunindunil

ஜோதி சண்டை போட கூடாது என்று சொல்லும் அரசாங்கமே ஜாதி பிரச்சனையை தூண்டி விடுகிறது ...எப்படி என்றால் இன்று அரசாங்க உத்தியோகம் என்றால் முதலில் இந்த சாதி பிரிவினருக்கு இத்தனை சலுகை என்று சாதிவாரியாக சலுகை கொடுத்து இவர்களுக்குள் சண்டையை மூட்டி விடுகிறது...யாருக்கு திறமை உள்ளதோ அவனுக்குத்தான் வெலை அவன் கீழ்சாதியாக இருந்தல்லும் சரி மேல்சாதியாக இருந்தாலும் சரி என்று கூறுவது இல்லை...அதுவும் இந்த காலகட்டத்திலும் சாதிவாரியாக சலுகை கொடுப்பது எந்த விதத்தில் ஞாயம் என்று எனக்கு தெரியவில்லை ...ஏன் என்றால் வறுமை , எளிமை என்பது மேல் சாதியுளும் இருக்கிறது , நல்ல கல்வி அறிவு மற்றும் வசதி என்பது கீழ் சாதியுளும் இருக்கிறது அப்படி இருக்கையில் சாதி பெயரை சொல்லி வேலையில் சலுகை கொடுப்பது சரி அல்ல.எவ்வளவு திறமை இருந்தாலும் அவன் மேல் சாதி என்பதினால் பின் தள்ள படுகிறான் , திறமை சிறிதே இருந்தாலும் அவன் கீழ் சாதி என்பதினால் மேலே செல்கிறான் . இதையெல்லாம் பார்க்கும் பொது ஒன்றுத்தான் நினைவுக்கு வருகிறது அதாவது மாமியார் கொடுமை என்று போராடி மருமகளுக்காக எத்தனயோ சட்டங்கள் கொண்டு வந்து மருமகளை தலையில் தூக்கி வைத்து ஆடினார்கள் அதன் விளைவு இன்று மருமகள் மாமியாரை கொடுமை படுத்த ஆரம்பித்து விட்டார்கள் , இப்படி ஆனபோதிலும் மாமியார்களுக்காக குரல் கொடுக்க யாரும் முன்வரவில்லை அவர்கள் பாடு இன்றளவும் திண்டாட்டம் தான்....அதை போலத்தான் இந்த ஜாதி பிரச்னையும்...

HARIHARA SUBRAMANIAN
20:13

EVEN IN RESIDENTIAL AREAS WHEEVER A DISPUTE ARISES BETWEEN TWO HOUSES ( DIFERENT CASTES)
ALL THE RESPECTIVE CASTE JOIN WITH THEM AND FORM A DISPUTE TO A BIG QUARREL.
I WAS HAVING ONE PENWITH ME WITH THE SYMBOL OF LORD KRISHNA AND ONCE WHILE I WAS HAVING TIFFEN AT HOTEL ONE MAN WITH BIG MOUSTACHE ASKED ME IN TAMIL ." SIR NEENGA KONARA ? ( SIR DO U BELONG TO KONAR COMMUNTITY ) FOR THAT I HAVE ANSWERED HIM THAT I HAVE FOTGOTTEN MY CASTE


Next Post Next Post Home
 
Back to Top