( அமிர்த தாரா தீட்சை பெறுவதற்கு...........!! click here )



மிர்த தாரா மந்திர தீட்சை டிசம்பர் 18 ஞாயிறு அன்று கொடுக்கப்படுகிறது appointment பெற விரும்புபவர்கள் இந்த எண்ணிற்கு தொடர்பு கொள்ளுங்கள். +91-8110088846 

Share !
This Post





உஜிலாதேவி பதிவுகளை
மின்னஞ்சலில் பெற

திருமால் தமிழர் தெய்வம் இல்லையா?


இந்து மத வரலாற்று தொடர் 17

   ந்து மதத்தை தாக்குவதில் இன்பம் காணும் சில மேதாவிகள் இந்து மதத்தில் குறிப்பிடப்படும் தெய்வங்கள் எதுவும் தமிழ் நிலத்திற்கு தமிழ் மக்களுக்கு தமிழ் பண்பாட்டிற்கு சொந்தமானது அல்ல வடக்கில் இருந்து ஆக்கிரமிப்பாக தமிழ்நாட்டில் புகுந்ததே ஆகும் என்று வீதி தோறும் மேடை போட்டு பேசி திரிகிறார்கள் அப்படி பட்ட விதண்டா வாதிகளுக்கு பதில் சொல்ல வேண்டிய அவசியம் நமக்கில்லை என்றாலும் நம்மில் சிலருக்கு சில நேரங்களில் மனக்குழப்பம் வந்துவிடுகிறது 
கிறிஸ்தவ மதம் என்றால் அதை உருவாக்கியது ஏசு நாதர் இஸ்லாம் மதம் என்றால் அதை உருவாக்கியது முகமது நபி பெளத்த மதத்தை உருவாக்கியது புத்தர் என்று சொல்லலாம் அதே போல அம்மதங்கள் எந்த காலகட்டத்தில் தோன்றின என்பதையும் தெளிவாக சொல்லிவிடலாம் ஆனால் இந்து மதத்தை இன்னாருதான் உருவாக்கினார்கள் இப்போது தான் உருவானது என்று யாராலும் சொல்ல முடியவில்லை அதனால் அவரவர் வாய்க்கு வந்தபடி பேசுகிறார்கள் அதில் எது உண்மை எது பொய் என்று கண்டுபிடிப்பது கஷ்டத்திலும் மாகா கடினமாக இருக்கிறது 



மேலும் இந்து மத தெய்வங்கள் அவதாரம் எடுத்ததும் அருள்லீலை புரிந்ததும் இந்தியாவின் வடபகுதியில் என்றே புராண இதிகாச நூல்கள் சொல்லுகின்றன அவற்றை வைத்து பார்த்தால் இந்து மத தெய்வங்கள் தமிழ் மண்ணுக்கு சொந்தமானது அல்ல என்று சொல்வதில் உண்மை இருக்குமோ என்று நினைத்து குழம்பவேண்டிய சூழ்நிலையும் வருகிறது 

இப்படி குழப்பம் அடைகிறவர்கள் நமது சங்ககால தமிழ் நூல்களை மேலோட்டமாக புரட்டி பார்த்தாலே ஒரு தெளிவான முடிவுக்கு வந்துவிடலாம் வெளியில் இருந்து வந்த ஆரியர்களால் தான் இந்து மதம் தோன்றியது என்று பல திராவிட பாரம்பரிய பரிவாரங்கள் பிரச்சாரம் செய்து வருகிறார்கள் அதை ஒரு வாதத்திற்காக ஒத்துக்கொண்டால் கூட ஆரியர்கள் இந்தியாவிற்குள் வருவதற்கு முன்பே இந்த நாட்டில் உயரிய கலாச்சாரமும் நாகரிகமும் இருந்திருக்கிறது அக்கால மக்கள் நாத்திகம் பேசிக்கொண்டு அலைய வில்லை மாறாக தன்னையும் தன்மனதையும் கட்டுபடுத்தி ஒழுக்கமுடன் வாழசெய்யும் இறைவழிபாட்டில் ஆழ்ந்த நம்பிக்கை உடையவர்களாக இருந்திருக்கிறார்கள் இதற்கு ஆதாரமாக சிந்து சமவெளி நாகரிக தடையங்களும் தொல்பழங்கால தமிழ் இலக்கியங்களும் சான்று தருகின்றன 

அந்த சான்றுகளில் மிக முக்கியமாக சிவன் திருமால் பிரம்மன் பார்வதி போன்ற இந்து மத தெய்வங்கள் வேத காலத்திற்கு முன்பே மக்களில் வழிபாட்டில் முக்கிய இடம்பெற்றிருப்பதை அறியலாம் எனவே இந்து மதத்திற்கு எதிராக பரப்பப்பட்டு வரும் கருத்துக்கள் அனைத்துமே உள் நோக்கத்துடன் சொல்லப்படுகின்ற கற்பனை வாதங்களே ஆகும் உதாரணமாக ஸ்ரீ வைஷ்ணவத்தின் முழுமுதற் கடவுளான விஷ்ணு தமிழ் மண்ணுக்குரிய தெய்வம் அல்ல வடபுலத்தில் இருந்து வந்ததே ஆகும் என்று சிலர் சொல்லி வருகிறார்கள் அவர்கள் கூற்றில் எத்தனை சதவிகிதம் உண்மை இருக்கிறது என்பதை சற்று ஆராய்வோம் 


சங்கத்தமிழ் நூல்களிலேயே மிக மூத்ததும் உலக இலக்கியங்களில் மிக தொன்மையானதுமான தொல்காப்பியத்தில் முல்லை நிலத்திற்குரிய தெய்வமாக கரிய நிற திருமால் கருதப்படுகிறான் இவன் பசுக்கூட்டங்களை காக்கும் காவலனாகவும் உலகத்து உயிர்கள் அனைத்துமே இவனால் காக்கப்படுகிறது என்றும் தொல்காப்பியம் கூறுவதோடு பகைவர்களிடம் இருந்து அடிமை படாமல் நாட்டையும் மக்களையும் காப்பாற்றுகின்ற அரசர்களும் திருமாலுக்கு ஒப்பானவர்கள் என்று பேசுகிறது 

"மாயோன் மேய மன்பெறுஞ் சிறப்பின்
தாவா விழுப்புகழ்ப் பூவை நிலையும்"


என்று இலக்கணம் அமைத்து தருகிறார் தொழ்காப்பியர் தொழ்காப்பியம் மட்டும் அல்ல புறநானுறு கூட திருமாலின் அவதாரமான கண்ணபெருமானை பாடுகிறது பூவை பூ வண்ணனான கண்ணனும் அவன் அண்ணனான பலராமனும் இணைந்து எதிரிகளை வாட்டி வதைப்பதை போல் இருபெரும் வேந்தர்கள் ஒருங்கிணைந்து நிலைபெறுமாறு காவிரி பூம்பட்டினத்தின் புலவர் காரிக்கண்ணன் புறநானூற்றில் பாடுகிறார் 


"பானிற உருவிற் பனைக்கொடி யோனும்
நீனிற் உருவின் நேமியோனும் என்று
இருபெருந் தெய்வமும் உடனின் றாஅங்கு
உருகெழு தோற்றமொடு உட்குவர விளங்கி
..... இசை வாழியவே"


இந்த பாடலில் பனைக்கொடியோன் என்ற வார்த்தை கண்ணனின் மூத்தவனான பலராமனை குறிக்கிறது இதை வைத்து பார்க்கும் போது பாகவதத்தில் இறை சகோதரர்கள் இருவரின் சிறப்புகள் எழுதபடுவதற்கு முன்பே மக்கள் மத்தியில் அவர்கள் இருவரும் வழிபாட்டுக்குரிய தெய்வங்களாகவும் உதாரண புருஷர்களாகவும் இருந்தார்கள் என்பது தெளிவாக தெரிகிறது அதுவும் குறிப்பாக தமிழகத்திலேயே இந்த மரபு ஆழமான வேர்விட்டு பரவி இருந்ததை அறிய முடிகிறது 

சங்ககாலத்தில் இறைவனை பாடு பொருளாக கொண்டு எழுதப்பட்ட திருமுருகாற்று படை பரிபாடல் முதலிய நூல்களை தவிர அனைத்து தொகை நூல்களிலும் உதாரணங்களை எளிமையாக புரிந்து கொள்வதற்கு திருமாலின் சிறப்புகளே பல இடங்களில் எடுத்தாழப்படுகின்றன கலித்தொகையில் வரும் ஒரு குலை ஒருவன் போல் இணர்சேர்ந்த மராஅமும் என்ற வரியும் கொடுமிடல் நாஞ்சிலான் தார்போல் மராத்து என்ற வரியையும் உதாரணமாக சொல்லலாம் இது தவிர கலித்தொகைலேயே ஏராளமான பாடல் வரிகளில் திருமாலின் அருள் விளையாடல்கள் விவரித்து வியந்து பாரட்டபடுகின்றன 


அதே போல பழம் தமிழ்மக்கள் சிவபெருமானுக்கு திருவாதிரை நட்சத்திரத்தில் விழா எடுத்து கொண்டாடுவது போல் திருமாலுக்கு திருவோண நட்சத்திரத்தில் விழா எடுத்து மகிழ்ந்திருக்கிறார்கள் 

"கணங்கொள் அவுணர் கடந்த பொலத்தார்
மாயோன் மேய ஒண நன்னாள்" 
என்று வரும் மதுரை காஞ்சி வரிகளும் 

"ஆணொப் பார்இவன் நேரில்லைகாண், திரு
வோணத்தான்உல காளும் என்பார்களே"
 என்ற பெரியாழ்வாரின் அமுத வரிகளும் தமிழ்மக்கள் இருபெரும் தெய்வங்களான சிவனையும் மாலையும் இருகண்ணாக போற்றி வணங்கினார்கள் என்பது தெளிவு படுத்தும் தொல்காப்பியர் குறிப்பிடும் மாயோன் என்ற சொல்லும் மற்ற சங்க இலக்கியங்களில் காணப்படும் திருமாலை பற்றிய குறிப்புகளும் முல்லை நிலத்து தெய்வமான கார்மேக வண்ணனான கண்ணனே திருமாலாக வணங்க்கபட்டான் என்பதை தெளிவாக நமக்கு உணர்த்துகிறது இது மட்டும் அல்ல பழம் தமிழ் நூல்களில் காணப்படும் இத்தைகைய கருத்துக்கள் திருமால் வழிபாடு என்பது வெளியிலிருந்து வந்ததல்ல தமிழ் மண்ணின் சொந்த தெய்வமே என்பதை ஐயம்திரிபற காட்டுகிறது 


திருமாலை மட்டுமே பாடும் பொருளாக கொண்டு உருவான சங்க இலக்கியம் பரிபாடலாகும் இந்த நூலில் தற்போது கிடைத்துள்ள ஆறு பாடல்களும் வைஷ்ணவ முதல்வனான நாராயணனின் ஐவகை வடிவங்களின் கவியழகு சொட்டசொட்ட நமக்கு படம் பிடித்து காட்டுகிறது காணுகின்ற பொருளில் எல்லாம் கண்ணன் ஒருவனே உள்ளான் என்பதை பரிபாடல் புலவர் கடுவனிளவெயினார் மிக அருமையாக நாம் அறிந்து கொள்ள செய்கிறார் 

தீயினுள் தெறல் நீ பூவினுள் நாற்றம்நீ
கல்லினுள் மணியும்நீ சொல்லினுள் வாய்மைநீ
அறத்தினுள் அன்பு நீ மரத்தினுள் மைந்துநீ
வேதத்து மறைநீ பூதத்து முதலும்நீ
வெஞ்சுடர் ஒளியும்நீ திங்களுள் அளியும்நீ
அனைத்தும் நீ அனைத்துனுட் பொருளும்நீ


இந்த பாடலை சொல்பிரித்து தனித்தனியாக உச்சரித்து பாருங்கள் உச்சரிக்கும் போதே உங்கள் உதடுகளில் அமுத சுவை ஒட்டிக்கொள்வதை உணர்வீர்கள் இதுவும் இதை போல பல பாடல்களும் சங்க நூல்களில் திருமால் பற்றிய அழகு தகவல்களாக நிறைந்து கிடைக்கிறது அவைகளை தனித்தனியாக எடுத்து பேசப்போனால் மிகப்பெரிய நூலாகவே எழுதலாம் நம் நோக்கம் அது அல்ல என்பதாலும் பழம்தமிழ் மக்களின் சொந்த சுய வழிபாடே திருமால் வழிபாடு என்பதை உணர்த்துவதே என்பதாலும் இங்கு சில பலாசுளைகளை மட்டும் ஆதாரங்களாக சுட்டிக்காட்டினேன் சங்க இலக்கியங்கள் மட்டுமல்லாது சிலப்பதிகாரத்திலும் ஆச்சியர் குரவை பகுதியில் ஓங்கி உலகளந்த உத்தமன் தமிழ்நிலத்து தனிப்பெரும் தெய்வம் என்பதை நமக்கு அறிவுறுத்துகிறது 


இந்தியாவில் ஒரு மூலையில் தோன்றிய விஷயமானாலும் அது நல்லதாக பயனுள்ளதாக வாழ்க்கைக்கு வழிகாட்டக்கூடியாதாக இருந்தால் அது யாரும் எடுத்து சென்று பரப்பாமலே நாலா திசையிலும் பரவிவிடும் இது தான் இந்திய பண்பாட்டின் தனிச்சிறப்பு இதனடிப்படையில் நாவலம் தீவு என்ற பாரத திருநாட்டில் தெற்கு பகுதியில் தோன்றிய ஸ்ரீ வைஷ்ணவம் இமயம் வரையும் ஏன் இமய வரம்பை தாண்டியும் எட்டு திக்கிலும் பல்கி பரவியது எனலாம் 

கெளதம புத்தரின் உபதேசங்களையும் பவுத்த நெறிகளையும் எடுத்து இயம்பும் திரிபீடகங்களுக்கு எழுதப்பட்ட நித்தேசம் என்ற மிக பழைமையான தெளிவுரையில் திருமாலை வாசுதேவனாகவும் பலதேவனாகவும் பண்டையமக்கள் வணங்கி இருப்பதாக தகவல் பதிவு செய்யப்பட்டுள்ளது கிமு முதல் நூற்றாண்டில் எழுதப்பட்டதாக கூறும் பதஞ்சலி முனிவரின் பாணினி வடமொழி இலக்கண நூலில் வாசுதேவ வணக்கம் மக்கள் மத்தியில் மிக புகழ் பெற்று பரவிஇருந்ததையும் நமக்கு சொல்கிறது இதை போல கிமு இரண்டாம் நூற்றாண்டில் எழுதப்பட்ட கல்வெட்டு ஒன்று வட இந்தியாவில் கோசுண்டி என்ற இடத்தில் கண்டுபிடிக்க பட்டது அதில் திருமால் வழிபாடு மன்னர்களாலும் மக்களாலும் எவ்வளவு புனித தன்மையுடன் கடைபிடிக்க பட்டது என்பதை விளக்கப்பட்டுள்ளது கிரேக்க நாட்டு இதிகாசங்களிலும் வரலாற்றிலும் விஷ்ணு வழிபாடு முக்கியத்துவம் வாய்ந்ததாக கருதப்பட்டதை அறிய முடிகிறது இவ்வளவு அறிய பெரிய ஸ்ரீ வைஷ்ணவ மரபை உலகுக்கு தந்தது தமிழ்நாடே தவிர தமிழ்நாட்டிற்கு இது கொண்டுவரப்பட்டது அல் 


ஸ்ரீ வைஷ்ணவம் கடவுளை கடவுளாக மட்டும் பார்ப்பது அல்ல அது கடவுளை மனிதனாகவும் பார்க்கிறது மனிதனையும் கடவுளாக பார்க்கிறது தரித்திரனுக்கு செய்யம் தொண்டே நாராயணனுக்கு செய்யும் தொண்டு என முதல் முதலில் சமய உலகில் சமூக புரட்சியை ஏற்படுத்தியது ஸ்ரீ வைஷ்ணவமே ஆகும் நாராயணனுக்கு இந்த உலகம் புறம்பாக இல்லை நாரணனும் உலகத்திற்கு புறம்பாக இல்லை நீ காணுகின்ற மனிதனும் புழு பூச்சிகளும் நாராயண வடிவமே நாராயண அம்சமே என்பதை எடுத்து காட்டியது ஸ்ரீ வைஷ்ணவம் ஆகும் கடவுள் ஆடம்பரங்களை ஆரவாரங்களை விரும்புவன் அல்ல அவன் எளிமையையும் அன்பையும் தியாகத்தையும் விரும்புவனே என்று சொல்லி ஆன்மிக வாழ்வில் புது வழியை காட்டியது ஸ்ரீ வைஷ்ணவமாகும் 

நாராயணன் முன்னால் நாடாளும் மன்னனும் அடிமையும் ஒன்றே வேதம் ஓதும் பண்டிதனும் அழுகிய மாமிசம் சுமக்கும் புலையனும் சமமே என்பதை சொல்லால் மட்டும் அல்ல செயலாலும் காட்டியது ஸ்ரீ வைஷ்ணவம் கடவுளின் அருள் அம்சத்தை தேவ பாஷையில் மட்டும் அல்ல தெய்விக மொழிலும் சொல்லியது ஸ்ரீ வைஷ்ணவம் அதர்மமும் தீமையும் கோலோச்சும் போது அடிமையாய் பேடியாய் ஒளிந்து கிடக்காதே மறைந்து வாழாதே எழுந்து நில் எதிர்த்து நில் மோதி மிதித்து விடு வஞ்சகர் முகத்தில் உமிழ்ந்து விடு என்று கோழைக்கு கூட வீர உபதேசம் செய்தது ஸ்ரீ வைஷ்ணவம் 

நமது இந்து மதம் மாபெரும் சமூத்திரம் என்றால் அந்த சமூத்திரத்தில் கலக்கும் புண்ணிய கங்கை ஸ்ரீ வைஷ்ணவம் இது கடவுளை வைகுண்டத்தில் வைத்து அழகு பார்த்து வழிபடும் மோட்ச மார்க்கம் மட்டுமல்ல முழுமுதலான மூல பரம்பொருளை பூமிக்கு இறங்கி வர செய்து மானிட கஷ்டத்தை நீயும் படு நான் விடுபட வழியும் சொல்லு என்று கடவுளையே கட்டி இழுத்த வாழ்க்கை மார்க்கமாகும் அத்தகைய உயர்ந்த உயரிய ஸ்ரீ வைஷ்ணவ நெறியை எளிமையாக விளக்கமாக நமது இந்து மத வரலாற்று தொடரில் இனி காண்போம்





+ comments + 10 comments

நல்ல அருமையான கட்டுரை ஐயா.! விஷ்ணு வடநாடு தெய்வம். கிருஷ்ணர் வங்காளி கடவுள்.திருப்பதி பெருமாள் தெலுங்கன்.ஐயப்பன் மலையாளி, இப்படி பல உளறல்களை நானும் கேள்வி பட்டுள்ளேன் !

இதற்கெல்லாம் மூல காரணம் இந்த திராவிட தமிழ் வெறியர்கள் என்பது யாரும் மறுக்க முடியாது. ஆரிய திராவிடர் என்ற பேதம் ஆரம்பித்து.. பிறகு, தமிழ் தமிழர் என்று இப்போதும் தொடர்கிறது.

நாத்திகர்கள் இதை நம்பினால்,பரவாயில்லை. அனால், கடவுள் நம்பிக்கை உள்ள சில ஆத்திகர்களே, வட நாடு , தென்னாடு, தமிழ் சமஸ்கிருதம், என்று ஆரம்பித்து இப்போது நம் தெய்வங்களையே, வடநாட்டு தெய்வம் தென்னாடு தெய்வம் என்று பிரித்து விட்டு விட்டார்கள். எனக்கு தெரிந்த நண்பர் ஒருவர், முருகம் மட்டும் தமிழ் கடவுள், கணபதி ஹிந்திகாரன் கடவுள் என்றான். எங்கே போய் முட்டி கொள்வது என்று தெரியவில்லை!

இந்த திராவிட நாத்திகர்களின் வெறியர்களின் நோய், சில தமிழர்களையும் தாக்கியுள்ளது. நம்முடைய ஹிந்து மத பெரியவர்களும், அமைப்புகளும் இந்த நோயிலிருந்து அவர்களை காக்க வேண்டும். குருஜி அவர்கள் இன்று அதை செய்துள்ளார். அவருக்கு என் நன்றி. மீண்டும் சந்திப்போம்.

M.Natrayan
17:02

கிருத்துவமதமும் இசுலாம்மதமும் தமிழ்நாட்டிலா உருவானவைகள்? இவைகளெல்லாம் வெளிநாட்டு மதங்களிலையா? இந்துமதம் இந்தியாவில் உருவானவை என்பதில் என்ற மாற்றுகருத்தும் இல்லை. இந்த நாத்திக கும்பல் வெளிநாட்டு மதங்களை தூற்ற முடியுமா? ஆப்கானிஸ்தான் மற்றும் பிற இஸ்லாமிய நாடுகளில் வெடிக்கும் குண்டுகள் இவர்கள் வீடுகளிலும் வெடிக்கும். இந்த நாத்திக கும்பல் இதனை நன்றாக தெரிதுள்ளதால் தான் இந்துமதத்தை மட்டும் தாக்குகிறது, இந்த நாத்திக தற்குறி கூட்டத்திற்கு இந்துமதத்தை தாக்காவிட்டால் பொழுதுபோகாது. பணம் பத்தும் செய்யும்! " முட்டாளின் மூலையிலே முன்னூறு பூ மலரும்" என்று ஒரு பாடல் உள்ளது.

Anonymous
18:49

ஐயா, சரியான கருத்தை தெளிவான நடையில் மிக அழகாக விளக்கியுள்ளீர்கள். ஆரிய-திராவிட பிரிவினையை ஏற்படுத்தி மக்களை குழப்பிய அதி மேதாவிகளின் கைவண்ணமே இது போன்ற கேலிச் சித்திரங்கள் என்பதை பாமரரும் புரியும் வண்ணம் தோலுரித்து விட்டீர்கள். தங்களது இந்த இணையதளம் அனைத்து இந்து மத சகோதரர்களும் அறிந்திருக்க வேண்டிய பல்கலைக் களஞ்சியம். எனது உணர்வை மிகச் சரியாக பிரதிபலித்த சகோதரர் கம்பதாசன் அவர்களுக்கும் எனது நெஞ்சார்ந்த நன்றிகள்.
நாராயண தாசன்@ நாஞ்சில் புகழேந்தி

அதர்மமும் தீமையும் கோலோச்சும் போது அடிமையாய் பேடியாய் ஒளிந்து கிடக்காதே மறைந்து வாழாதே எழுந்து நில் எதிர்த்து நில் மோதி மிதித்து விடு வஞ்சகர் முகத்தில் உமிழ்ந்து விடு என்று கோழைக்கு கூட வீர உபதேசம் செய்தது ஸ்ரீ வைஷ்ணவம்

வைஷ்ணவம் இது கடவுளை வைகுண்டத்தில் வைத்து அழகு பார்த்து வழிபடும் மோட்ச மார்க்கம் மட்டுமல்ல முழுமுதலான மூல பரம்பொருளை பூமிக்கு இறங்கி வர செய்து மானிட கஷ்டத்தை நீயும் படு நான் விடுபட வழியும் சொல்லு என்று கடவுளையே கட்டி இழுத்த வாழ்க்கை மார்க்கமாகும்

என்ன அருமையான வரிகள் அய்யா ஏசு மண்ணில் வந்து மனிதனாக வாழ்ந்து விண்ணை அடைந்ததை ஒப்பு கொள்பவர்கள் ஏன் ராமன் வந்து வாழ்ந்து காட்டியதை ஏற்க வில்லை சிந்தியுங்கள்

நல்ல நம் தத்துவங்கள் ஆன்மிகம் கடவுள் சிந்தனை நம் தமிழ் நாட்டில் இருந்து பிறந்ததே எந்த மதத்திலாவது மனிதனும் கடவுளாக மாறலாம் என்று சொல்லபட்டுல்லதா

எங்கேயாவது இந்து மக்களுடையே இன சண்டை வந்துள்ளதா ?

தமிழன் உலகிற்கு எப்படி வாழ்வது என்று கற்று தந்தவன்

கற்று கொடுக்கும் இனம் தமிழினம்

பன்னிரண்டு ஆழ்வார்களும் தமிழர்களே

கண்ணன் தமிழனே

எவ்வளவு நாத்திகர்கள் வந்தாலும் நம் மதம் நிலைத்து நிற்கும்
சிலருக்கு சாக்கடையில் பிறழ்வது பிடிக்கும் விட்டு விடுங்கள் குருஜி
அவர்களோடு வாதிட்டால் நம்மீதும் சாக்கடை தெளிப்பார்கள் அது அவர்கள் இயல்பு

நாத்திகர்கள் எல்லா மதத்தையும் தான் விமர்சிகிறார்கள். ஆனால் அதற்கு இஸ்லாமியர்கள் மட்டுமே சரியான முறையில் கொடுகிறார்கள். சரி உங்கள் கேவ்விகு வருவோம். நாத்திகர்கள் ஏன் இந்துக்களை விமர்சிகிறார்கள் என்று கொஞ்சம் யோசித்தால் உங்களுக்கு புரியும். உண்மையில் ஸ்ரீ ராமர் நேர் வழி தான் கட்டினார் ஆனால் யாரும் அவர் காட்டி தந்த வழியில் இப்போது இல்லை. உதாரணமாக தீ மிதித்தல் போன்றவை. இது பகுத்தறிவுக்கு முரண் ஆகையால் தான் விமர்சனம்.

நீங்கள் அறிவுபூர்வமாக செயல் பட்டால் யாரும் எதுவும் பண்ண முடியாது. ஆகையால் சகோதரர்களே மனிதர்களுக்கு கொடுக்க வேண்டிய மரியாதையை கடவுளுக்கு கொடுத்ததால் தான் முரண்பாடு ஏற்பட்டது.

முதலில் நீம்கள் இன்னொன்றையும் புரிந்து கொள்ள வேண்டும். ஏசு மண்ணில் வாழ்ந்தார் இங்கேயே இறந்துவிட்டார். அவருடைய கல்லறை காஷ்மீரில் உள்ளது.

இறுதியாக கடவுளுக்கு கொடுக்க கூடிய மரியாதையை மனிதர்களுக்கு கொடுத்தால் பிரச்னை வரத்தான் செய்யும். முறியடிக்க என்ன செய்ய போகிறீர்கள்.

ஸ்ரீராம், ஆஸ்திரேலியா
09:38

இன்றைக்கு தமிழ்நாட்டில் பெரிதும் பெருகியுள்ள முக்குலத்தோர் என்னும் தேவர் இனத்தவர்கள் தென் இந்தியாவில் இந்துமதத்தை மையமாகக் கொண்ட ஒரே விஜயநகரப் பேரரசை ஆண்ட கிருஷ்ண தேவராயரின் படை வீரர்கள் எனவும் அதனால் அவர்களே "மறவர்கள்" எனவும் அறியப்பட்டதாகவும் கூறுவர். இஸ்லாமியப் பேரரசர்களின் படைஎடுப்புக்குபின் இந்த இந்துப்பேரரசைச் சிதைத்தபின் இவர்களில் பெரும்பாலோர் தென்தமிழகத்தில் குடியேறியர் எனவும் ஓர் வரலாற்றுச்செய்தி உண்டு. மிகத்திறமையாகப் போர்புரியும் திறன் கொண்ட இவர்களுள் சங்கிலித்தேவன் என்பவர் கதை பெரும்பாலாருக்குத் தெரிந்திருக்கும். தேவராயரின் படைவீரர்கள் "தேவர்" என்னும் இனத்தவர் ஆனதில் வியப்பேதும் இருக்க முயதல்லவா? கள்ளழகர் என்னும் "கல்லழகர்" கோவிலில் உள்ள "கருப்ப"சாமி என்னும் கிருஷ்ண சாமியினை (கிருஷ்ண என்னும் சமஸ்கிருதச் சொல்லுக்குப் பொருள் கருப்பு என்பதே) வழிபட்டோர் ஏன் கள்ளராக மருவியிருக்கக் கூடாது? "கள்ளர்" எனவும், மறவர் எனவும், தேவர் எனவும் முக்குலத்தோராய் மாறியிருப்பதில் வியப்பென்ன இருக்க முடியும்?

இந்து சமுகத்தில் தீ மிதித்தல் மற்றும் காது குத்தல், மொட்டை அடித்தல், மண் சோறு சாப்பிடல், காவடி தூக்கல் இது போன்று சில பழக்க வழக்க்கங்கள் எல்லாம் ஒரு பக்தன் தன்னுடைய ஆழமான அன்பை , பக்தியை கடவுளுக்கு காட்டவே செய்யப்படுகிறது. சிலர் செய்தவதால் எல்லோரும் செய்ய வேண்டும் என்ற அவசியம் இல்லை அவ்வாறு தனக்கு நேர்த்தி செய்யவேண்டும் என்று எந்த கடவுளும் சொல்லவும் இல்லை, செய்வதை எல்லாம் மனிதர்கள் செய்து விட்டு ஏன் கடவுளின் மேல் பழி சொல்லுகிறார்கள்.

கடவுளை நினைக்க வேண்டாம் என்று சொல்லும் நாத்திகர்கள் எங்காவது இலவச பள்ளி, சேவை மையம், அனாதை ஆஸ்ரமம், மருத்துவமனை ஆரம்பித்து உள்ளார்களா

அய்யா ஒங்க பிழைப்பை பாருங்க

ஏசு கடவுளின் குமரன் பூமியில் பிறந்து வாழ்ந்து காட்டினார் ,
ராமனும் அத்தகைய அவதாரமே

மேலும் இயேசுவின் கல்லறை காஷ்மீரில் எப்படி இருக்கும்
அவர் கொலை செயப்பட்டது ஜெர்சுசலேமில் அல்லவே

Anonymous
01:21

அய்யா M.Natrayan அவர்களுக்கு இன்றைய (10.11.2011) தினமலர் செய்தியை சமர்பிக்கின்றேன்.

" 39 பெண்களை மணந்து 160 பேருடன் ஒரே வீட்டில் வசிக்கும் அதிசய மனிதர்."
பதிவு செய்த நாள் : நவம்பர் 09,2011,21:14 IST

அய்ஸ்வால் : மிசோரம் மாநிலத்தில், 39 பெண்களை மணந்து, 160 குடும்ப உறுப்பினர்களுடன் ஒன்றாக வசித்து வருகிறார், ஒரு அதிசய மனிதர். வடகிழக்கு மாநிலமான மிசோரத்தில் உள்ளது பக்தவாங் டியாங்னுவாம் கிராமம். இந்த கிராமத்தைச் சேர்ந்தவர் சையோனா, 67. விவசாயம், மரச்சாமான் தயாரித்தல் உள்ளிட்ட தொழில்களை நடத்தி வரும் சையோனாவுக்கு, 39 மனைவிகள்.

முதல் மனைவியின் பெயர் ஜதியாங்கி, 71. இவருக்கு ஏழு குழந்தைகள். கடைசி மனைவி பெயர் வன்லால்சியாமி, 31. இவருக்கு, ஐந்து வயது மகள் இருக்கிறாள். சையோனாவுக்கு, 15 மருமகள்கள் உள் ளனர். 29 மகள்கள் திருமணமாகி, கணவருடன் தனியாக வசிக்கின்றனர்.
நான்கு மாடி கட்டடத்தில், 101 பெரியவர்களும், 59 சிறுவர்களும் ஒரே குடும்பமாக வசிக்கின்றனர். கடந்த, 2000ம் ஆண்டு சையோனா, கடைசி திருமணம் செய்து கொண்டார். ஒட்டு மொத்த குடும்பத்தினரும், ஒரே சமையல் அறையில் சமைத்து, ஒன்றாக சாப்பிடுகின்றனர்.
காலை உணவுக்கு 50 கிலோ அரிசியும், இரவு உணவுக்கு 35 முதல் 50 கிலோ தானியத்தையும் சமைக்கின்றனர். அத்துடன் ஒவ்வொரு நாளும் 25 கிலோ உருளைக்கிழங்கு, 15 கிலோ பருப்பு மற்றும் ஏராளமான அளவில் காய்கறிகள் இவர்களின் வீட்டிற்கு தேவைப்படுகின்றன. மாமிசம் சமைத்தால், ஒரு நாளைக்கு 45 கிலோ மாமிசம் சமைக்கின்றனர்.

வீட்டு வேலைகளில் யார், யார் என்னென்ன வேலைகள் செய்ய வேண்டும் என்பதை முதல் மனைவி தீர்மானிக்கிறார். வீட்டில் உள்ள ஆண்களை மற்ற வேலைகளுக்கு அனுப்புகிறார் சையோனா. வீடு கட்டுமானப் பணி மற்றும் தோட்ட வேலைகள் போன்றவற்றுக்கும் ஆட்களை அனுப்புகிறார்.

http://www.dinamalar.com/News_Detail.asp?Id=346249

என்றும் அன்புடன்,
அ. ஹாஜாமைதீன்.

ஸ்ரீ மஹாவிஷ்ணுவை வழிபடாத ஒரு பிறவி பிறவியெ அல்ல... முருகபெருமானும், துர்கையும், ஆஞ்சனெயரும் ஸ்ரீவிஷ்ணுவின் படைதளபதிகள்... எல்லொரையும் வணங்கிணால் மிகச்சிறப்பு...........


Next Post Next Post Home
 
Back to Top