( அமிர்த தாரா தீட்சை பெறுவதற்கு...........!! click here )



மிர்த தாரா மந்திர தீட்சை டிசம்பர் 18 ஞாயிறு அன்று கொடுக்கப்படுகிறது appointment பெற விரும்புபவர்கள் இந்த எண்ணிற்கு தொடர்பு கொள்ளுங்கள். +91-8110088846 

Share !
This Post





உஜிலாதேவி பதிவுகளை
மின்னஞ்சலில் பெற

ஹரிஜன பெண்ணை மணக்கலாமா...?



    மீப காலமாக சரியாக சொல்வதென்றால் இரண்டரை மாதமாக வலைத்தளம் பக்கமே நான் கவனம் செலுத்தவில்லை எனலாம் தினசரி படைப்புகள் வெளிவருகிறதே சில சமயம் அன்றாட நிகழ்வுகளை கூட விமர்சனம் செய்கிறீர்களே அது எப்படி என்று நீங்கள் கேட்கலாம் நமது தினசரி பதிவுகள் என்பது அவ்வபோது எழுதுவது அல்ல என்றோ எதற்காகவோ எழுதி வைத்தது ஆகும் அன்றாட விமர்சனமும் அன்றைய பொழுதில் நான் சொல்ல சொல்ல எழுதுவது ஆகும் அது சரியான முறையில் பதிவிடப்படுகிறதா இல்லையா என்பதை கூட நான் கவனிப்பது இல்லை காரணம் சரியாகத்தான் இருக்கும் என்ற நம்பிக்கை 

ஜோதிட கேள்வி பதில்கள் மட்டும் மின்னஞ்சலிலோ தபாலிலோ வருவதை சற்று கவனத்தோடு பார்த்து பதில் எழுதுவேன் காரணம் அது வெறும் பதிவு அல்ல ஒருவனின் வாழ்க்கையை தீர்மானிக்கும் கருத்துக்கள் ஆகும் எனவே அதை அசட்டையோடு எழுதுவது அழகல்ல மேலும் இந்த கேள்விகள் நேற்று இன்று வந்தவைகளும் அல்ல சில வாரம் சில மாதங்களுக்கு முன்பு வந்த கேள்விகளாக கூட இருக்கும் 


அப்படி வந்த ஒரு கேள்விக்கு நான் சொன்ன பதிலுக்கு ஒரு வாசகர் என்னை மிகவும் பாராட்டி இருந்தார் அந்த பாராட்டுதலின் விளைவே பல வேலைகள் இருந்தாலும் அதை ஒதுக்கி வைத்து விட்டு உங்களோடு உரையாட வரவைத்தது எனலாம் நான் பிராமண இளைஞன் ஒருவன் ஹரிஜன பெண்ணை மணக்கலாமா என்று கேட்டிருந்த கேள்விக்கு அவனுக்கு வகுத்த விதி காதல் திருமணம் தான் என்பதனாலும் அந்த பெண் மிகவும் நல்லவளாக ஜாதகப்படி தெரிவதாலும் திருமணம் செய்துகொள்ளும் படி எழுதியிருந்தேன் 

அதை படித்து விட்டு ss என்ற வாசகர் நான் உங்களை பழையகால கருத்துக்களில் ஊறி போன ஒருவர் என்று தவறாக நினைத்திருந்தேன் நீங்கள் அப்படி அல்ல என்பது போன்ற கருத்தில் என்னை பாராட்டி இருந்தார் வாசகரின் நோக்கம் என்னை பாராட்டுவது என்பது நன்றாக தெரிகிறது அதற்காக தனிப்பட்ட முறையில் நன்றி செலுத்த கடமைபட்டுள்ள நான் வேறொரு முக்கியமான விஷயத்தை இங்கு சுட்டிக்காட்ட அவசியப்பட்டவனாகவும் இருக்கிறேன் 

பொதுவாக இன்றைய இளைய தலைமுறையினர்கள் நமது இந்தியாவின் தொன்மைக்கால பண்பாடு கலாச்சாரம் மத நம்பிக்கைகள் என்பவைகள் எல்லாம் கட்டுப்பட்டி தனமானது நாகரிக சமூகத்தில் ஏற்றுக்கொள்ள முடியாதது அவைகளை இன்று பின்பற்றுவது மனிதாபிமானம் அற்ற செயலாகவே இருக்கும் என்று நினைக்கிறார்கள் என்னை பாராட்டிய வாசகரின் ஆழ் மனநிலையும் ஏறக்குறைய இப்படிதான் இருப்பதாக நான் நினைக்கிறேன் 

இதனால் தான் நான் உங்கள் ப்ளாக்ஐ நீண்ட நாட்களாக படித்து வருகிறேன்.. இருப்பினும் பெரும்பாலான ஆன்மிக வாதிகளை போல் நீங்களும் பழமையில் ஊறியவர் என்று இது நாள் வரை நினைத்திருந்தேன் என்று எழுதியிருக்கிறார் அதாவது ஆன்மிகவாதிகள் அனைவருமே பழைய சமூக பழக்க வழக்கங்களை மிக தீவிரமாக கடைபிடிப்பவர்கள் என்று இவர் நம்புகிறார் அது இவர் தவறல்ல இதே போன்ற எண்ணங்களை பலர் திட்டமிட்டு மக்கள் மத்தியில் பரப்பி வருகிறார்கள் அதன் விளைவே இப்படியான எண்ணம் 


இன்று தங்களை புரட்சிவாதி முற்போக்குவாதி என்று விளம்பரம் படுத்திக்கொள்ளும் எவரும் ஆதிகால,தற்கால ஆன்மிகவாதிகளின் சிந்தனைக்கும் செயலுக்கும் ஈடாக மாட்டார்கள் நவீன சிந்தனை வாதிகள் என்று கூறிக்கொள்ளும் பலர் தங்களுக்கு ஜாதிகளின் மீது நம்பிக்கை இல்லை என்று சொல்வதை ஒரு வழக்கமாக வைத்திருந்தாலும் கூட நான் இந்த ஜாதியில் பிறந்தவன் இவ்வளவு உயர்ந்த ஜாதியில் பிறந்தாலும் கூட எனக்கு ஜாதிகளின் மீது நம்பிக்கை இல்லை என்று மறைமுகமாக தம்பட்டம் அடித்து கொள்வதை யாரும் மறுக்க முடியாது 

ஆனால் உண்மையான ஆன்மிகவாதிகள் இந்திய பண்பாட்டை நேசிப்பவர்கள் யாரும் தங்களது ஜாதீய நம்பிக்கைகளை மறைக்காவிட்டாலும் ஜாதிவெறியை தூண்டுவதும் இல்லை ஜாதியை ஒரு பொருட்டாக மதிப்பதும் இல்லை ஜாதி இல்லை என்று மேடை போட்டு பேசுபவர்களால் தான் ஜாதி சண்டையே நாட்டில் நடைபெறுகிறது இதை உணர்ந்தால் பண்டையகால நம்பிக்கைக்கும் தற்கால செயலுக்கும் உள்ள நடைமுறை வித்தியாசம் புரியும் 

மேலும் பழைய பண்பாடுகள் ஜாதிக்கொடியை தூக்கி பிடிக்கிறது என்று நிறைய பேர் நம்புகிறார்கள் அவர்கள் சற்று ஆழமாக நமது பண்டைய இலக்கியங்களை படித்து பார்த்தாலே ஜாதிக்கொடி எங்கே எப்போது பறக்கிறது அதை பறக்க விடுவது யார் என்பதை புரிந்து கொள்ளலாம் 

ராமாயணத்தை எடுத்துக்கொள்ளுங்கள் அதில் வரும் ராமன் சக்கரவர்த்தி திருமகன் முழுமையான ஷத்திரியன் ஆனால் அவன் நேசிப்பது உறவு முறை என்று ஊருக்கு அறிமுகப்படுத்துவது யாரை என்று எண்ணிப்பாருங்கள் உன்னோடு நாங்கள் ஐந்து சகோதரர்கள் ஆனோம் என்று காட்டில் வாழ்ந்த வேடனான குகனையும் தனது தம்பியாக ஏற்றுக்கொண்டான் மனித குலமே இல்லாத பறவையை தந்தையாகவும் வானரங்களை உடன் பிறப்புகளாகவும் ஏற்றுக்கொண்டான் இதைவிட ஒருபடி மேலே சென்று தனது எதிரியின் சகோதரனை கூட அரவணைத்து சன்மானம் வழங்கியவன் ஸ்ரீராமன் 


இவ்வளவு பரந்த மனப்பான்மை கொண்ட ஸ்ரீராமன் நேற்று பிறந்தவன் அல்ல நமது குலமுதல்வனுக்கும் மூத்தவன் மூலவன் இவனே ஆகும் இவனிடம் உள்ள ஒரு சிறிய நற்குணம் இன்றைய மனிதன் எவனுக்காவது ஒருவனுக்கு கால்பங்கு இருந்தால் அவனே இப்போது கண்முன்னே காணும் மகாத்மாவாக இருப்பான் ஆனால் பழைய ராமனின் சுவடுகளும் இன்றைய மனிதர்களிடம் இல்லை சுபாவமும் இல்லை அதனால் தான் குறுக்கு புத்தியும் குறுகிய மனப்பான்மையும் நாட்டை ஆள்கிறது 

என்னிடமோ அல்லது என்னை போன்றவர்களிடமோ ஒரு சிறு துளியேனும் நன்மை தெரிந்தால் அது நமது பழைய சனாதன தர்மத்தில் இருந்து பெற்றதாகவே கருதவேண்டும் மனிதர் எல்லோரும் சமம் என்ற எண்ணத்தை எனக்கு கம்யூனிஷ்யம் மட்டும் கற்பிக்க வில்லை சர்வம் விஷ்ணுமயம் ஜகத் என்று உபநிஷதங்களும் கற்பித்தன ஜாதி என்பதும் அதில் உயர்வு தாழ்வு கற்பிப்பதும் நமது பண்பாட்டில் உள்ள குறையல்ல சமூகத்தில் உள்ள குறையாகும் 

மேலும் ஒரு பிராமண இளைஞனும் ஹரிஜன பெண்ணும் திருமணம் செய்துகொள்வதை நான் கலப்புமணமாக கருதுபவன் அல்ல ஒரு வான்கோழியும் மயிலும் திருமணம் செய்தால் அது கலப்புமணம் ஒரு கழுதையும் குதிரையும் திருமணம் செய்தால் அது கலப்புமணம் ஒரு நாகப்பாம்பும் சாரைப்பாம்பும் திருமணம் செய்தால் அது கலப்புமணம் மனிதனான ஒரு ஆணும் பெண்ணும் திருமணம் செய்தால் அதை எப்படி கலப்புமணம் என்று சொல்லலாம் சொல்ல முடியும் 

ஜாதி என்பது சமூக சொத்தே தவிர சரீர சொத்து அல்ல அக்ரகாரத்தில் வியர்த்தாலும் சேரியில் வியர்த்தாலும் நாற்றம் தான் அடிக்குமே தவிர நறுமணம் வீசாது பூணுல் போட்டவன் சிறுநீரகம் செயலிழந்தால் எப்படி செத்துபோவானோ அதே போல தான் போடாதவனும் செத்து போவான் 

எனவே ஜாதீய கொடுமைகள் தீண்டாமை கொடுமைகள் நமது பழையகால இந்திய மரபின் சனாதன தர்மத்தின் வெளிப்பாடுகள் என்று யாரும் தயவு செய்து கருதாதீர்கள் அவைகளுக்கும் நமது தர்மத்திற்கும் சம்மந்தமே இல்லை அரைகுறை படிப்பாளிகள் மேல் நாட்டு நாகரிக விசுவாசிகள் அப்படி பேசிவருவது உங்கள் மனதையும் கூட பாதிப்படைய செய்துள்ளது பதிந்துள்ளது என்பதை நினைக்கும் போது மிகவும் வருத்தமாக இருக்கிறது 

நமது மதமும் பண்பாடும் சமூக முன்னேற்றத்தை பற்றி நல்லிணக்கததை பற்றி சொல்வது என்ன என்பதை தெளிவாக புரிந்து கொள்ள நிறைய படியுங்கள் குறிப்பாக சுவாமி விவேகனந்தரின் நூல்களை படியுங்கள் அப்போது நமது தர்மத்தின் பெருமையும் சிறப்பும் அதற்குள் ஆழ்ந்து கிடக்கும் மனித நேயமும் என்னவென்று உங்களுக்கு புரியும்.






+ comments + 26 comments

santhanagopalakrishnan
06:40

manithan eppadi vazhavendum, enbathai thekivaga kuriya gurujikku meganandri

உங்களின் அனைத்து கருத்துகளும் இன்றைய நடைமுறையில் நடக்கும் அவலங்களை சொல்வதாக இருக்கிறது.அருமை,அருமை,அருமை.

உஜிலாதேவி
(Press Ctrl+g or click this to toggle between English and Tamil)
மிக அருமையான அலசல். எல்லோரும் கவனமாக படிக்க வேண்டிய ஒரு கட்டுரை. நன்றி.
கணேசன், தி.நகர் சென்னை

அருமையான விளக்கம். நன்றிகள்.

டியர் குருஜி, நான் உங்கள் ரசிகன் சுமார் ஒரு வருடமாக உங்கள் பதிகளை தினமும் படித்து வருகிறேன் சிம்ப்லி சுபெர்ப்!!!!!

அருமையான படைப்பு. ஹிந்துக்களெல்லாம் ஜாதிகளை மறந்து நாமெல்லாம் பாரதத்தாய் மைந்ந்தர்கள்,நாமெல்லாம் ஒரே குலத்தை சேர்ந்தவர்கள் என்பதை உணர்ந்து பழகிவரவேண்டும்.இதைத்தான் ஆர்எஸ்எஸ் கடந்த 86 ஆண்டுகளாக சொல்லிவருகிறது.வாழ்க குருஜியின் சீரிய தொண்டு.

15:29

உங்களின் அனைத்து கருத்துகளும் இன்றைய நடைமுறையில் நடக்கும் அவலங்களை சொல்வதாக இருக்கிறது.அருமை,அருமை

Anonymous
15:37

குருஜி, என்னை போன்ற ஒரு சாதாரணமானவனின் கருத்துக்கும் மதிப்பளித்து விளக்கம் அளித்திருக்கிறீர்கள்.
மிக்க நன்றி.
என் வாழ்நாளின் மிக முக்கிய தருணமாக நான் இதை கருதுகிறேன்.
உங்களையும், உங்கள் கருத்துகளையும், பதிவுகளையும் தொடருவதை நான் பெருமையாக நினைக்கிறேன்.
-நன்றியுடன்
SS

Anonymous
18:01

நல்ல பதிவு குருஜி...ஜாதி என்பது மக்களால் ஏற்படுத்தி கொண்டதே அன்றி சாதிக்கும் இந்து மதத்துக்கும் சம்பந்தமே கிடையாது.. தற்போது மக்களிடையே ஜாதி பிரிவினையை ஏற்படுத்தி மக்களிடையே குழப்பத்தை ஏற்படுத்துவதே அரசியல்வியாதிகள் தான்... நாட்டில் உள்ள ஜாதி கட்சிகளை கலைத்து விட்டாலே மக்களிடம் ஜாதி பிரச்சினை ஏற்படாது...முதலில் அனைத்து இடங்களிலும் ஜாதி சான்றிதல்கள் கேட்பதை தடை பண்ண வேண்டும்..ஜாதி, மத அடிப்படையில் இட ஒதுக்கீடு மற்றும் சலுகைகளை அளிக்காமல் மக்களின் பொருளாதார அடிப்படையில் சலுகைகளை அளிக்க வேண்டும்...இப்படி பண்ணால் ஜாதி என்ற வார்த்தையே நாளைவில் மறைந்து விடும்.....
ஜாதி என்பதற்கும் இந்து மதத்திற்கும் எந்த சம்பந்தமும் கிடையாது..அரசியல் வியாதிகள் இந்துக்களை பிரித்து ஓட்டு வாங்குவதற்காக ஜாதிகள் இந்து மதத்திற்கு மட்டும் உரியவை என்று பொய் பிரசாரத்தை செய்கிறார்கள்...உதாரணமாக கிருஸ்துவ மதத்தில் தலித் கிறிஸ்துவர்..நாடார் கிருஸ்துவர்..வன்னிய கிறிஸ்துவர்,பிராமண கிறிஸ்துவர்,முதலியார் கிறிஸ்துவர் என்று கிறிஸ்துவ மதத்தில் ஜாதிகள் இருகின்றது.. இத பற்றியெல்லாம் எந்த அரசியல் வியாதிகளும் பேசுவதில்லை..

என் மூலையில் உருவாகும் சிந்தனைகளை எழுத்து வடிவமாக்க எனக்கு திறமையில்லை. ஐயா அவர்களின் கட்டுரைகளை படித்த பின்புதான் எதோ சிறிது எழுத கற்று கொண்டேன்.சொல்ல வேண்டிய கருத்துக்களை மிக தெளிவாக சுருக்கமாக எழுதிகிறார். அவருடைய பல பதிவுகளை படித்து நான் பல விஷயங்கள் கற்றுகொண்டுள்ளேன்.

இன்றைய கட்டுரை அனைவரும் படிக்க வேண்டிய சிறந்த கட்டுரையாகும். படித்தவர்கள், தங்களுடைய நண்பர்களுக்கு உஜிலா தேவி தளத்தை அறிமுக படுத்துமாறு வேண்டுகிறேன். என்னுடைய முகநூலில் இந்த கட்டுரையை இன்று ஷேர் செய்திருக்கிறேன்.நீங்களும் அவ்வாறே செய்யுங்கள். நன்றி.

Anonymous
21:10

அருமையான படைப்பு. ஹிந்துக்களெல்லாம் ஜாதிகளை மறந்து நாமெல்லாம் பாரதத்தாய் மைந்ந்தர்கள்,நாமெல்லாம் ஒரே குலத்தை சேர்ந்தவர்கள் என்பதை உணர்ந்து பழகிவரவேண்டும

Ravi Dubai

super yadum voore yavarumkeleer

ஜாதி இல்லா இந்து மதம் நினைக்கவே மிக அருமையாக உள்ளது
நாங்கள் எங்கள் பிள்ளைகளுக்கு ஜாதியை கடந்து திருமணம் செய்து உள்ளோம் நல்ல நல்ல குடும்பத்தில் sambandham செய்துள்ளோம்

இனி மேல் வரும் சந்ததியினர் அந்த வசதியை அனுபவிக்கட்டும்

ஜாதி என்ற அமைப்பு நம் மதத்தை மெல்ல மெல்லஅழித்து கொண்டு இருகின்றுது. ஜாதி பெயரை சொல்லாமல் இறுக தானே தலித்துகள் கிருதுவர்கலாக் மதம் மாறுகின்றனர். ஜாதியை அழிகவிட்டால் நம் ஹிந்து மதம்மெல்ல மெல்ல அழித்துவிடும்.

No one could have given a better reasoning than you, Guruji, on this 'Kalappu Thirumanam'. True, an union of man and woman can never be a 'Kalappu Thirumanam'.

Anonymous
16:50

@karthik
/// ஜாதி பெயரை சொல்லாமல் இறுக தானே தலித்துகள் கிருதுவர்கலாக் மதம் மாறுகின்றனர்////
என்ன பாஸ் கிறிஸ்துவ மதத்தில் ஜாதிகளே இல்லாத மாதிரி ரீல் விடுறீங்க... தலித் கிறிஸ்துவர்,நாடார் கிருஸ்துவர்,வன்னிய கிறிஸ்துவர்,பிராமண கிறிஸ்துவர்,முதலியார் கிறிஸ்துவர் என இன்னும் பல ஜாதிகள் கிறிஸ்துவ மதத்தில் உள்ளன....இந்து தலித்கள் கிறிஸ்துவர்களாக மதம் மாறுபோது அவர்கள் தலித் கிருஸ்துவர் ஆகிவிடுகிறார்கள் அவ்வளவுதான்...இதிலிருந்தே ஜாதிக்கும் இந்து மதத்திற்கும் எந்த சம்பந்தமும் இல்லை அனைவரும் தெரிந்து கொள்ளலாம்...

why not

வணக்கம் குருஜி ,,

தங்கள் கருத்து மிகவும் சரியானதே இன்பம் தருவதில் பாப்பாத்தி என்ன பாணத்தி என்ன ! அனைத்தும் ஒன்றுதான் இதுவே நமது தமிழ் சித்தர்கள் மற்றும் தமிழ் ஆன்றோர்களின் வாக்குமாகும்,

நன்றி,

சு.மணிவண்ணன்.
இருப்பு -குவைத்

Anonymous
20:27

ஜாதி என்பது சமூக சொத்தே தவிர சரீர சொத்து அல்ல அக்ரகாரத்தில் வியர்த்தாலும் சேரியில் வியர்த்தாலும் நாற்றம் தான் அடிக்குமே தவிர நறுமணம் வீசாது பூணுல் போட்டவன் சிறுநீரகம் செயலிழந்தால் எப்படி செத்துபோவானோ அதே போல தான் போடாதவனும் செத்து போவான்.

பொட்டில் அறைந்த மாதிரியான பதிவு.மிகவும் அருமை.

முருகன்,
கோ.புதூர்.

அருமையான பதிவு குருஜி.

Dear Gurji

Dear Esteemed Guruji,

Very Very Tremendous commentary,
Thanks once again.

Velmuruganchelliah - Madurai

You are just correct. In christians also now they are looking caste for to give and take daughters. YES!.

Guruji, You know very well caste is a social arrangement. As per Hindu Sastram women and Sanyasins have no caste. A women may marry any men and her caste will be the caste of her husband.This is the arrangement suggested by our Seers 10000 yrs ago. If this vedic direction is put into practice, all problems arising out of caste system would be solved.

untouchability,poor income, poor education,no property and habits and customs Harijans were looked down. Now Harijans are developing in all branches of Knowledge and trade.untouchability is almost abolished. If you go back 500 yrs back in History, Nobody could recognise any caste. What is the caste of Pandian Neduchelian ,Karikalan and all Kings/poets etc. We are all descendants of them.Urbanisation is slowly killing caste systems.Every individual should be taught about Vedic directions about Caste system. Ujila devi should publish more articles in support of abolishing caste system.

வணக்கம் குருஜி உங்கள் பாதங்களை தொட்டு வணங்குகிறேன்
உங்கள் பதிப்புகள் மிகவும் அருமை . உங்கள் பதிப்புகள்
தவறாமல் படிப்பதில் நானும் ஒருத்தி , சில பதிப்புகலை படிக்கும் பொது
என் மனம் வேதனை அடைகிறது . என் மனதை தொட்ட பதிப்புகளில் இதுவும் ஒன்று .
தமிழர்களோ திராவிடர்களோ ஒரு இந்துவாக பிறந்தால் பிறப்பில்
இருந்து இறப்பு வரை தன்னை சார்த்த மதத்திற்கு விசுவாசமாக இருக்க
முயல வேண்டும் .தெய்வங்களை நிந்திப்பது கூடாது .
இந்துவாக இருக்க அவன் கோவிலை தவிர
பிற மத இடங்களுக்கு செய்வதை தவிர்க்க வேண்டும்
அவன் அதை கொடுத்தான் இவன் இதை கொடுகிறான்
என்று அங்கே ஒரு காலும் இங்கே ஒரு காலும்
வைத்தால் சேர வேண்டிய இடத்தில பொய் சேர முடியாது
தன் சொந்த அறிவில் முன்னேற முயல வேண்டுமே தவிர
இப்படி ஜாதி பெயரிலும் மத பெயரிலும் முன்னேற ஆசை
பட கூடா து . உயர் ஜாதியோ தாழ்ந்த ஜாதியோ ஆண் ஆண் தான்
பெண் பெண் தான்
நாம் பிரிந்து கிடந்தால் வேறு மதத்திற்கு தான் லாபம் .
மலேசியாவில் இப்பொது ஒரு சர்ச்சை அது என்ன வென்றால்
தமிழ் புத்தாண்டு தை மாததிலா இல்லை சித்திரை மாததில என்று
மற்றொரு சர்ச்சை பொங்கல் தெய்விகம் (மதம் )சார்ந்த பண்டிகைய அல்லது இனம் சார்ந்த
பண்டிகைய என்று ? இதில் என்ன வேடிக்கை என்றால் மலேசியாவில் சில சர்ச் களில் கூட
பொங்கலை கொண்டாடுகிறார்கள் . ஸ்தோத்திரம் சொல்லும் இடத்தில சூடம் சாம்பிராணிக்கு என்ன வேலை ????????
எனக்கு ஒன்று மட்டும் புரியவில்லை குருஜி
இந்த மதம் மாறியவர்கள் எதற்க்கா அவர்கள் ஜாதி பெயரை சேர்த்துகொள்கிறார்கள்
மதத்தையே மாறியபின் இந்த ஜாதி பேர் எதற்கு ???
இது போன்ற கூருகெட்ட வேலைகளை செய்வதால் தான்
ஆங்கிலேயன் கூட மஞ்சளை தனக்கு சொந்தம் என்று சொல்கிறான்
இந்துவாக பிறக்க கொடுத்து வைத்திருக்க வேண்டும், இறக்கும் வரை .
நான் ஒரு ஹிந்து என்று சொல்லிகொள்வதில் 100% பெருமை அடைகிறேன்


Next Post Next Post Home
 
Back to Top