( அமிர்த தாரா தீட்சை பெறுவதற்கு...........!! click here )



மிர்த தாரா மந்திர தீட்சை டிசம்பர் 18 ஞாயிறு அன்று கொடுக்கப்படுகிறது appointment பெற விரும்புபவர்கள் இந்த எண்ணிற்கு தொடர்பு கொள்ளுங்கள். +91-8110088846 

Share !
This Post





உஜிலாதேவி பதிவுகளை
மின்னஞ்சலில் பெற

போனவர் போனால் கோடி புண்ணியம்


    லைஞர் கருணாநிதியின் ஆட்சிகாலத்தில் அவரது குடும்பத்தினர் தமிழகத்தையும் தாண்டி இந்தியா முழுவதும் தங்களது ஆதிக்க பலத்தால் பல முறைகேடுகளை நடத்திய போது சிலர் சொன்னார்கள் கலைஞர் வந்தால் அவரது குடும்பம் அராஜகத்தில் ஈடுபடும் ஜெயலலிதா அம்மையார் வந்தால் அவரது தோழி சசிகலாவின் குடும்பத்தினர் அராஜகத்தில் ஈடுபடுவார்கள் எனவே இருவருக்கும் அதாவது கருணாநிதி ஜெயலலிதா ஆகிய இருவருக்கும் புடவை வேஷ்டி மட்டுமே வித்தியாசம் மற்றப்படி எந்த வித்தியாசமும் கிடையாது என்றார்கள் 

அப்படி சொல்லியதை தவறு என்று எந்த நடுநிலையாளனும் சொல்லமாட்டான் காரணம் அம்மையார் அவர்கள் ஆட்சிக்கு வரும் காலகட்டங்களில் மன்னார்குடி காரர்களின் கைகள் மேலோங்குவதும் அவர்களால் பலவித முறைகேடுகள் மாநில முழுவதும் நடைபெறுவதும் புனுகு பூசி மறைக்க முடியாத காயங்களாகும் சசிகலாவின் குடும்பத்தாரின் செயல்பாடுகளால் பாதிக்கப்பட்டது சாதாரண மக்கள் மட்டும் அல்ல அதிமுக தொண்டர்களும் தலைவர்களும் தான் 

எம்ஜியார் காலத்தில் கட்சி வளர்ச்சிக்காக பாடுபட்டவர்களும் அவரது மறைவுக்கு பிறகு ஜெயலலிதா தலைமை பொறுப்பிற்கு வரவேண்டுமென்று உண்மையாக உழைத்தவர்களும் மற்றும் உள்ள சில கட்சி விசுவாசிகளும் சசிகலாவின் செயல்பாடுகளால் மனமுடைந்து மூலையில் போய் ஒதுங்கி விட்டார்கள் மற்றும் பலர் இவர்களின் ஆதிக்க போக்கால் கட்சியை விட்டே வெளியேறி விட்டார்கள் 

ஜெயலலிதாவிடம் தனக்குள்ள நெருக்கத்தை பயன்படுத்தி எங்கோ ஒரு மூலையில் முகவரி இல்லாமல் கிடந்த தனது குடும்பத்தை தமிழக அரசாங்கத்தையே ஆட்டி படைக்கும் அளவிற்கு வளர்த்து விட்டார் சசிகலா அதுமட்டும் அல்ல அனைத்து ஜாதியினரும் சமமாக உள்ள அதிமுக்காவில் தன் சொந்த ஜாதிக்காரர்களின் செல்வாக்கு ஓங்கி இருக்கும் படி அவர் பார்த்தும் கொண்டார் கட்சியை பொறுத்தமட்டிலும் சரி ஆட்சியை பொறுத்தமட்டிலும் சரி ஜெயலலிதா என்பவர் அலங்கார பொம்மையாக இருந்தாரே ஒழிய தன்னை சுற்றி இருக்கும் துதிபாடிகளின் கூட்டத்தால் செயல்பட முடியாத தலைவராகத்தான் இருந்தார் 

இந்த நிலைமை அதிமுக தொண்டர்கள் அனைவருக்கும் தெரியும் தமிழக முழுவதும் உள்ள அவர்கள் மனம் கொதித்து தங்களுக்குள் புழுங்கி கொண்டிருந்தார்களே தவிர தங்களது அதிர்ப்தியை வெளியிட முடியாத அளவிற்கு ஊமைகளாக ஆக்கப்பட்டு கிடந்தார்கள் யாரவது ஒருவர் தப்பித்தவறி அம்மையாரின் கவனத்திற்கு சசிகலாவின் முறைகேடான போக்கை கொண்டு சென்றால் அவர்கள் செயல்படுவதற்கு முன்பே தடுக்கபட்டார்கள் அல்லது கட்டம் கட்டப்பட்டு வெளியேற்றப்பட்டார்கள் என்றாவது ஒருநாள் தங்களது பெருமூச்சிக்கு ஆறுதல் கிடைக்காதா என்று ஏங்கி தவமிருந்தார்கள் 

அவர்களின் தவம் இப்போது நிறைவேறி இருக்கிறது என்று சொல்லலாம் ஆனாலும் சசிகலாவின் வெளியேற்றம் நிரந்தரமானதா அல்லது திட்டமிடப்பட்ட ஒரு சதி நாடகமா என்று இன்னும் பல அதிமுக தொண்டார்களுக்கு சந்தேகமும் பயமும் இருந்து வருகிறது மாநிலமுழுவதும் உள்ள எம்ஜியார் விசுவாசிகளும் ஜெயலலிதா விசுவாசிகளும் இது நாடகமாக இருக்க கூடாது நிஜமாக தொடர வேண்டும் என்று நினைக்கிறார்கள் 

அவர்களின் பயத்திற்கு காரணம் இல்லாமல் இல்லை கடந்த காலங்களில் சசிகலா வெளியேற்றப்பட்டும் பின்பு சத்தடி இல்லாமல் உள்ளுக்குள் நுழைக்கப்பட்டதும் நடந்திருக்கிறது அதே போலவே மீண்டும் தொடர்ந்தால் தங்களது கட்சி கரையான் அரித்த மரக்கொம்பாக ஒடிந்து விடும் என்று அவர்கள் கருதுகிறார்கள் 

செல்வி ஜெயலலிதாவிற்கு மக்கள் இப்போது கொடுத்திருக்கும் வாய்ப்பு மகத்தானது ஊழல் நிறைந்த முறைகேடுகள் மலிந்த சுயநலம் மட்டுமே செயல்பட்ட ஒரு அரசாங்கத்தை தூக்கி எரிந்து நல்லாட்சி நடத்துவார்கள் என்ற நம்பிக்கையில் மக்களால் கொடுக்கப்பட்ட இந்த வாய்ப்பை ஜெயலலிதா நல்ல முறையில் பயன்படுத்தி கொண்டால் நாளைய தலைமுறை அவரை மிக சிறந்த தலைவர் என்று போற்றி பாராட்டும் 

ஜெயலலிதாவும் கலைஞரை போல் தன்னை பற்றி மட்டுமே கவலைப்பட்டு தன்னை சூழ்ந்திருக்கும் சுயநல கூட்டத்திற்கு தலை வணங்கி செயல்பட்டால் ஒரு சராசரி அரசியல் வாதியாக மட்டுமல்ல அவமான சின்னமாகவும் கருதபடுவார் எம்ஜியார் அமைச்சரவையில் மந்திரியாக இருந்த திரு.கே.காளிமுத்து என்பவர் கறந்த பால் மடிசேராது கருவாடு மீனாகாது கருணாநிதி திருந்த மாட்டார் என்று சொல்வார் அதே போல தூக்கி எறியப்பட்ட சசிகலா மீண்டும் கட்சிக்குள் வராமல் இருந்தால் ஜெயலலிதாவின் செல்வாக்கு களங்கம் இல்லாமல் இருக்கும் மாறாக மீண்டும் அவர் வரவேற்க பட்டால் சர்வ நிச்சயமாக தமிழகத்தில் மீண்டும் ஒரு அலங்கோல ஆட்சியே தொடரும்

ஜெயலலிதா அம்மையாருக்கு தனிப்பட்ட குடும்பம் இல்லை பற்று பாச தளைகள் இல்லை தமிழக மக்களையே தனது சொந்தங்களாக குடும்பமாக கருதி நாட்டு முன்னேற்றத்திற்கு எவ்வளவோ செய்ய வாய்ப்பும் வசதியும் அவருக்கு இருக்கிறது இறைவன் கொடுத்திருக்கும் இந்த நல்ல சந்தர்ப்பத்தை அவர் பயன்படுத்தி கொண்டால் ஒரு பெண் காமராஜரை போல் அவர் மக்களால் பார்க்க படுவார் இல்லை என்றால் இவரும் சம்பல் பள்ளத்தாக்கின் பிரதிநிதியாகவே கருதபடுவார்.





+ comments + 8 comments

சரியான கருத்து

100% true sir, i also prau GOD

Anonymous
17:15

நாட்டில் அரசியல் வியாதிகளால் மக்கள் படும் துன்பங்களை தடுக்க ஒரே தீர்வு ராணுவ ஆட்சிதான்..

செல்வி ஜெயலலிதாவிடம் ஒரு மாற்றம் தெரியத்தான் செய்கிறது.அதனால் இனிமேல் தமிழகத்திற்கு ஒரு நல்லாட்சி கிடைக்கலாம்.காலம் பதில் சொல்லும்

well said Guruji.

Anonymous
17:07

யார் ஆட்சிக்கு வந்தாலும் இந்துக்களை புறகணிகிறார்கள்....தற்போதைய அரசு ஜெருசலம் போகும் கிருஸ்துவர்களுக்கு நிதி உதவி கொடுபதாக சொல்லி இருகிறார்கள்.. இதே போல அமர்நாத் புனித பயணம் மேற்கொள்ளும் இந்துக்களுக்கும் சபரி மலை,காசி போன்ற இடங்களுக்கு புனித பயணம் செல்லும் இந்துக்களுக்கும் நிதி உதவி ஏன் இவர்கள் கொடுபதில்லை?...தற்போது சபரிமலைக்கு செல்லும் இந்துக்கள் கேரளா வெறியர்களால் தாக்க படுவதை தடுக்க தற்போதைய அதிமுக அரசு எதுவும் செய்ய வில்லை...குறைந்தபட்சம் ஐயப்ப பக்தர்கள் தாக்க படுவதற்கு இவர்கள் கண்டனமாவது தெரிவித்தார்களா?...இவர்கள் தேர்தலில் இந்துகளோட ஓட்டில் தான் ஜெயிகிரார்கள் ஆனால் வெற்றி பெற்றதும் இந்துக்களை புறக்கணித்து விட்டு சிறுபான்மை என்ற பேரில் உள்ள சிறு கூட்டத்துக்கு மட்டும் அனைத்தயும் செய்கிறார்கள்...இந்துக்கள் விழிப்புணர்வு பெரும் வரை இப்படிதான் நடக்கும்..

Anonymous
23:24

////(Anonymous 17:07 ) இந்துக்கள் விழிப்புணர்வு பெரும் வரை இப்படிதான் நடக்கும்//////

இதில் சிறு திருத்தம்..இந்துக்கள் விழிப்புணர்வு பெறாத வரை இப்படிதான் நடக்கும்

M.Natrayan
21:08

அனேகமாக இந்தமுறை சசி கூட்டம் மீண்டும் உயிர்பெறும் என்று தோன்ற வில்லை. "சோ" போன்ற சில மூத்த பத்திரிக்கையாளர்கள் இதனை உறுதி செய்துள்ளார்கள். இவருக்கு சசி கூட்டத்தின் செயல்கள் நன்றாகவே தெரியும். நல்லதே நடக்கட்டும்!! கருணாநிதி மற்றும் சசி கும்பலையும் தமிழ் நாட்டு அரசியலில் நுழையவிடக்கூடாது.


Next Post Next Post Home
 
Back to Top