( அமிர்த தாரா தீட்சை பெறுவதற்கு...........!! click here )



மிர்த தாரா மந்திர தீட்சை டிசம்பர் 18 ஞாயிறு அன்று கொடுக்கப்படுகிறது appointment பெற விரும்புபவர்கள் இந்த எண்ணிற்கு தொடர்பு கொள்ளுங்கள். +91-8110088846 

Share !
This Post





உஜிலாதேவி பதிவுகளை
மின்னஞ்சலில் பெற

உனக்குள்ளே இருப்பது எது...?

மெளனம் என்பது என்ன?

   த்தமில்லாமல் ஓசை எழுப்பாமல் அமைதியாக இருப்பதை மெளனம் என்று நினைக்கிறோம். உண்மை அதுவல்ல யார் மனதில் எண்ண அலைகள் உற்பத்தி ஆகாமல் சஞ்சலம் சலனம் இல்லாமல் இருக்கிறதோ அங்கே மெளனம் குடிகொண்டிருக்கும் எண்ணங்கள் இல்லாமல் இருப்பதே மெளனம்.
ஒரு மனிதனால் எண்ணங்கள் இல்லாமல் மெளனமாக இருக்க முடியுமா?

   றங்கும் போதும் விழித்திருக்கும் போதும் ஏன் பிறந்தது முதல் இறப்பு வரையிலும் இதயம் துடித்து கொண்டே இருக்கிறது ரத்தமும் அப்படியே ஓடிகொண்டே இருக்கிறது. நாம் நினைத்தாலும் அவைகளை நிறுத்தி விட முடியாது. நிறுத்தி விட்டால் மரணம் சம்பவிக்கும் எண்ணங்கள் என்பது அப்படி அல்ல நினைவிலும் கனவிலும் அவைகள் உற்பத்தி ஆகிக்கொண்டே இருந்தாலும் நம்மால் அதை நிறுத்த முடியும். ஒன்றையே நினைத்து ஒன்றிலே கரைந்து ஒன்றிலேயே ஐக்கியமாகி விட்டால் அந்த ஒன்றும் மறைந்து எதுவுமற்ற மோன நிலை சித்திக்கும்
மோன நிலை அடைய என்ன செய்ய வேண்டும்?

   றிவு, ஆராய்ச்சி, கேள்விகள், பதில்கள் எல்லாவற்றையும் காலணிகளை கழற்றி போடுவதை போல் போடுங்கள் இப்படி சொல்வது எளிது செய்வது கடினம் கடினமானது என்றால் அதை விட்டு விடலாமா? விட்டு விட்டால் மோன நிலையை அடைய முடியாதே என்று கேட்பது புரிகிறது. அறிவும் ஆராய்ச்சியும் எதற்க்காக? எதோ ஒன்றை தெரிந்து கொள்வதற்காக. அந்த எதோ ஒன்று எது என்பதில் தான் போராட்டம் இருக்கிறது. எதை அறிந்தால் எல்லாவற்றையும் அறிந்து கொள்ள முடியுமோ அதை அறிய முயல வேண்டும். அறிந்த பிறகு மோன நிலை தானாக கிடைக்கும்.
எதை அறிந்தால் எல்லாவற்றையும் அறியலாம்?

   பூமி சுற்றுவது எதனால்? சூரியன் சந்திரன் நட்சத்திரங்கள் ஒழுங்கு முறைப்படி இயங்குவது எதனால்? கண்ணுக்கு தெரியாமல் கருத்துக்கு புலப்படாமல் எங்கோ இருந்து இயக்குவிக்கும் ஒரு மூலபொருளே அதற்கு காரணம். அந்த மூல பொருளை அறிந்தால் அறிய முயற்சித்தால் எல்லாவற்றையும் அறியலாம்.
இதற்கு எளிய விளக்கம் என்ன?

   ண்ணுக்கு தெரியாத கடவுளை காண முயலுங்கள் கருத்துக்கு அகப்பாத கடவுளை அகப்படுத்த அதாவது உள்ளத்திற்குள் உணர துவங்குங்கள் அறியாதது எல்லாம் அறியப்படும். அறிந்த பிறகு ஏன்? எதற்கு? என்ற கேள்விகள் வராது. கேள்விகள் இல்லை என்றால் சிந்தனை குளத்தில் அலைகள் இல்லை அதாவது எண்ணங்கள் இல்லை எண்ணங்கள் இல்லாத போது மெளனம் வரும். மெளனத்தின் உள்ளே மோன வடிவமாக கடவுள் இருப்பான். கடவுளை கண்டவன் கடவுளே ஆவான்.
அப்படி என்றால் மனிதனும் கடவுள் ஆகலாமா?

   டவுள் இருக்கிறார் அவர் இல்லை என்பதை வாதங்களால் எண்ணங்களால் வார்த்தைகளால் நிரூபிக்க முடியாது உணர்வுகளால் மட்டுமே நிரூபிக்க முடியும். கடவுள் உணர்வு மிக ஆழமானது அது உனக்குள்ளே புதைந்து கிடக்கிறது. உன்னை தோண்டி பார்த்தால் கடவுள் கிடைப்பார் அதாவது உனக்குள்ளே கிடைப்பார். அப்படி என்றால் நீயும் அவரும் வேறு வேறல்ல வேறு வேறாக தெரிகிறீர்கள் அவ்வளவே.




 http://www.veryicon.com/icon/preview/Object/Buuf/Leaf%20Icon.jpg     அமானுஷ்ய மூலிகைகள் பற்றி படிக்க இங்கு செல்லவும்






+ comments + 13 comments

08:18

supper

மு.நாட்ராயன்
12:27

இது போன்ற மனோத்துவமான கட்டுரைகள் மன நிம்மதியை கொடுக்கிறது. தொடர்ந்து வெளியிட்டால் நன்றாக இருக்கும்.

மிகவும் அறிவுபூர்வமான கேள்விகள், அருமையான அழகான பதில்கள் ,

நண்பர்களுக்கு வணக்கம்,
நமக்குள் என்ன இருக்கிறது என்பதை பற்றி எனக்கு தெரிந்த சில தகவல்களை உங்களுடன் பகிர்ந்து கொள்வதில் மகிழ்ச்சி கொள்கிறேன். இவ்வுலகில் உள்ள அனைத்து ஜீவன்களிலும் கண்ணுக்கு புலனாகாத கடவுளின் உணர்வு இணைந்துள்ளது. இந்த கடவுளின் படிநிலைகளை அறிந்துகொள்ள மனிதர்களுக்கு மூன்று மனநிலைகளை கொடுக்கப்பட்டுள்ளது. அவற்றுள் முதல் நிலை மனம் தர்கவாத மனம். இது மனிதனின் விதியை நிர்ணயிப்பதில் முக்கிய பங்கு வகிக்கிறது. அதாவது ஐந்து புலன்களின் கட்டுபாடுகளும் இந்த ஆறாம் நிலை அறிவு கண்காணித்து கொண்டிருக்கிறது. இந்த ஆறாம் நிலை அறிவு மனிதனின் இடது பக்க மூளையை குறிக்கிறது. மேலும், ஆறாம் நிலை அறிவு செயல்பட கண்னுக்கு புலனாகாத எண்ண அலைகள் உதவுகின்றன. மனிதனின் ஒவ்வொரு செயலும் எண்ணங்களின் வெளிப்பாடே ஆகும். இரண்டாம் நிலை மனம் ஆழ் மனம் எனப்படும். இவற்றை ஏழாம் நிலை அறிவு என்றும் எடுத்து கொள்ளலாம். இவை ஆறாம் நிலை மனதில் அதிகமாக செயல் ஊக்கம் பெற்ற, எண்ணங்களை நிறைவேற்றுவதில் மட்டுமே செயல்படுகின்றன. இந்த ஏழாம் நிலை மனதுக்கு நன்மை தீமை என்று ஏதும் தெரியாது. அதாவது எதைப்பற்றி அதிகமாக சிந்திக்கிறிர்களோ அதுவாகவே ஆகிறிர்கள் என்பது உண்மை. இந்த முறையை தான் யோகாவில் பின்பற்றுகின்றனர். அதாவது புலனடக்கம் செய்து ஆறாம் நிலை அறிவோடு அமைதியாக இருக்கும்பொழுது, ஆழ் மனம் எனப்படும் ஏழாம் நிலை அறிவு அமைதியை தேடுகிறது. இந்த ஏழாம் நிலை அறிவினால் ஏற்படும் அமைதி நிலை தான் உங்களை யார் என்று உங்களுக்கு அடையாளம் காட்டும் ஒரு உன்னத நிலை. இங்கு கிடைக்கும் அமைதி நிலையில்தான் நாம் அனைவரும் கடவுளின் ஒரு துளி என்பதை உணர்கிறோம். எட்டாம் நிலை அறிவை பயன்படுதுபவனே பிரபஞ்ச மூலத்துடன் இணைகிறான். அவன் ஒருவனே கடவுள் என்று தன்னை அடையாளம் காண்கிறான். கருத்து பகிர்வுக்கு நன்றி.

கவி.சுந்தர்., மனநூல் ஆய்வாளர்..
எண்ணம் போல் வாழ்க..

சிறப்பான பகிர்வுக்கு நன்றி ஐயா...

Anonymous
21:00

எல்லோருக்கும் நல்லவனாக இருக்க ஆண்டவனால் கூட முடியாது

நண்பரே கட்டுரையை தவறாக புரிந்துகொண்டிர்கள் என்று கருதுகிறேன், நீங்கள் யாருக்கும் நல்லவனாக இருக்கவேண்டியதில்லை. உங்களின் ஆத்மாவிற்கு மட்டும் நேர்மையாக இருந்தால் போதும். பூத உடலையும் கண்ணுக்கு புலனாகாத ஆத்ம உலகையும் இணைப்பது காற்றில் உள்ள அணுக்களே என்பதை அறியும்வரை. ஜீவன்கள் அனைத்தும் போட்டி உலகிலே வாழும். ஒரு ஜீவன் எப்பொழுது சமநிலையில் வாழ துவங்குகிறதோ. அந்த நாழிகை முதல், அந்த ஜீவன் பரம்பொருளை அடைகிறது. உங்களை நீங்கள் அறிய ஒரே சிறந்த வழி ஆத்ம அமைதியே. அதாவது, தியானம் ஒன்றே சிறந்த வழி. மீண்டும் நண்பருக்கு தெளிவுபடுத்துகிறேன் யாருக்கும் நல்லவனாக இருக்க வேண்டிய கட்டளை ஏதுமில்லை. உங்களின் ஆத்மாவிற்கு நல்லவனாக வாழுங்கள்.

கருத்து பகிர்வுக்கு நன்றி,
கவி.சுந்தர்.,மனநூல் ஆய்வாளர்...
எண்ணம் போல் வாழ்க.

its so usefull informative for all

Anonymous
20:59

நண்பரே ஒரு குடும்பஸ்தனுக்கு (வயது 36 ) நீங்கள் சொல்கின்ற எல்லா நிலைகளையும் தாண்டி கடவுளின் அருள் கிடைக்க பெற்றால் அவனின் நிலை என்ன? அவன் ஆண்டவனோடு ஐக்கியமாகி விடுவானா அல்லது அருள் கிடைக்க பெற்ற பின் மீண்டும் குடும்பஸ்தன் ஆகவே இருப்பானா. ஆண்டவனோடு ஐக்கியமாகி விடுகிறான் என்று வைத்துகொள்வோம். இப்போது அவன் குடும்பத்தின் நிலை என்ன? அவன் வயது 36 எனில் அவனுடைய மனைவியின் வயது 28 பிள்ளைகளின் வயது 5 முதல் 7 வரை. தற்போது உள்ள சூழ்நிலையில் ஒரு குடும்பத்தில் குடும்பத்தின் தலைவன் இல்லையென்றால் அக்குடும்பத்தின் நிலை என்ன என்று தாங்கள் அறியாதது ஒன்றும் இல்லை. சரி ஆண்டவனோடு ஐக்கியமாகி விட்டவன் எந்த ஒரு பாவமும் செய்யாதவன் ஆகத்தான் இருக்க முடியும். அப்படி இருக்கும் பட்சத்தில் அவன் தன் குடும்பத்தை அனாதையாக விட்டுச் சென்றால் அது மிகப்பெரிய பாவம் ஆகாதா. கள்ளம்கபடம் அறியாத அந்த பிள்ளைகளின் நிலையை சற்று எண்ணிப்பாருங்கள். ஒழுக்கம், நேர்மை, பக்தி, உண்மை, அன்பு இவை அனைத்தும் சிறப்பாக அமைய பெற்ற ஒரு ஆண்மகனுக்கு கிடைக்க பெற்ற மனைவியானவளும் அந்த ஆண்மகனுக்கு சற்றும் குறைந்தவளாக இருக்க மாட்டாள், அப்படி இருக்கையில் அவளின் நிலை என்ன. சற்று விளக்கம் தர வேண்டுகிறேன்.

நண்பருக்கு வணக்கம், உங்களின் பெயரை அறிய ஆவலாக உள்ளேன். எனது கருத்தில் கூறியுள்ள தகவலின் படி. யாரும் இல்லறத்தை துறந்து கடவுளை அடைய வேண்டும் என்று நான் கூறவில்லை. இல்லற இனிமையோடு அமைதியை விரும்புங்கள்.உங்களின் ஆத்மாவிற்கு நேர்மையாக வாழுங்கள் என்று கூறுகிறேன். சிவலிங்கத்தின் தத்துவத்தை நண்பருக்கு தெளிவு படுத்த வேண்டிய அவசியம் இருக்காது என்று நினைக்கிறேன். இந்த பிரபஞ்சத்தில் உள்ள அனைத்தும் சிவன்-சக்தியின் பிணைப்பே ஆகும். கடவுளின்(ஆத்மாவின்) வலிமை இல்லாமலா தாய் கண்ணகி மதுரையை எரித்திருப்பாள். இவ்வுலகில் வாழும் அனைத்து ஜீவன்களிலும்(அணு ஆத்மாக்களிலும்) கடவுளின்(பரம ஆத்மாவின்) பிணைப்பு உள்ளது. காரைக்கால் அம்மையாரின் (புனிதவதியார்) கதை தங்களுக்கு தெரிந்திருக்கும் என்று நம்புகிறேன். அவர் இல்லறத்தில் இருந்தபொழுது தானே ஆத்மா(கடவுளின்)வின் வலிமையால் மாம்பழத்தை பெற்றார். இதுபோல் கடவுளின் கதைகள் பல உண்டு. பல்லாயிரம் ஆண்டுகளுக்கு முன்பு எழுதப்பட்ட திருக்குறளின் அறம்,பொருள்,காமம் எதை விளக்குகின்றன. அமைதியில் கடவுளை கான், பிறர் பொருள் மீது பற்று வைக்காதே உட்பட பல எக்காலத்திற்கும் ஏற்ற அனைத்து தகவல்களையும் கொண்டுள்ளது திருக்குறள். உங்களால் முடியும், ஆனால் அதற்கு நிறைந்த பயிற்சிகள் தேவை. உங்களின் மனதை உங்களால் கட்டுபடுத்த முடியும் என்றால் இவ்வுலகில் அனைத்தும் சாத்தியமே. உங்கள் மனதில் எந்த வித எண்ணங்களும் தோன்றாமல் 5 நாழிகை கட்டுபடுத்துங்கள் உங்களால் உலகின் சமநிலையை உணர முடியும். 5 நிமிடங்கள் அல்ல 5 நாழிகை. நண்பரே கடவுளை சேர்வது பாவம் அல்ல புண்ணியம். உங்களின் கருத்து மற்றும் கேள்வி நன்றாக உள்ளது. ஆனால் உங்களுக்கு நான் கொடுத்த பதில் கருத்து சரியாக புரியுமா என்று சந்தேகம் உள்ளது. உங்களின் பெயரினை அடுத்த பதிவில் எழுதுவீர்கள் என்று நம்புகிறேன்.


கருத்து பகிர்வுக்கு நன்றி,
கவி.சுந்தர்..மனநூல் ஆய்வாளர்...
எண்ணம் போல் வாழ்க


Dear brother Sundar,

Thanks for your wonderful reply

Thanks

Antony
Kanyakumari

Thank you Mr.Antony arun,
I Like your gentleness and i would like to conatact with you. as a friend. am researching about soul and divine. if you have any information about this research. pls contact me. My email ID : kingpsychologist@gmail.com.

Note : if you are interest to reading books "Please read AS A MAN THINKETH-By James allen".

Thank you Mr.Antony arun.
Have a nice movement.

Regards.
GV Sundar..
Start Your day with a Possitive Thoughts.

The Yogasuthram says " Chitha visuthi nirotha "- as a stone causes ripples in water similarly thoughts produce ripples in our kind. One must feel the pulse of the heart and breath and gradually practice more and more to reach thought free mind state.


Next Post Next Post Home
 
Back to Top