( அமிர்த தாரா தீட்சை பெறுவதற்கு...........!! click here )



மிர்த தாரா மந்திர தீட்சை appointment பெற விரும்புபவர்கள் இந்த எண்ணிற்கு தொடர்பு கொள்ளுங்கள். +91-8110088846 

அதிர்ஷ்டம் தரும் கற்கள் !



   வைரம், வைடூர்யம் போன்ற கற்களில் பிரபஞ்ச ஆற்றலை ஈர்க்கும் ஆற்றல் இருக்கிறது. அப்படி ஈர்க்கப்படும் ஆற்றல்களை, மனித உடம்பிற்குள் இந்த கற்கள் செலுத்தும் என்று அதர்வண வேதத்தில் படித்த போது எனக்கு வியப்பு வந்தது. வைரம் என்பது பளபளப்பானது. பார்க்க அழகானது. கண்ணை பறிப்பது போன்ற ஜொலிப்பு இருப்பதனால் மக்கள் அதிகமாக விரும்புகிறார்கள். இதனால் ஆபரணங்களில் அழகு சேர்ப்பதற்காக பயன்படுத்துகிறார்கள் என்று தான் நிறைய நாள் எண்ணி வந்தேன். அப்படி எண்ணியது தவறு. அழகுக்காக மட்டுமல்ல ஆற்றல்களை உள்வாங்கி கொள்வதற்கும், இந்த கற்கள் பயன்படுத்தப்படுகிறது என்ற தகவல் ஆரம்பத்தில் வியப்பை தந்தாலும், பிறகு அதை ஆராய்ந்து பார்க்க வேண்டும் என்ற எண்ணத்தை எனக்கு ஏற்படுத்தியது. இந்த வேளையில் புலிக்கண் என்ற ஒரு கல் எனக்கு கிடைத்தது. அந்த கல்லை வெள்ளி மோதிரத்தில் வைத்து, நான் அணிந்திருந்ததை பார்த்த என் சீடர் ஒருவர், அதை தான் அணிய வேண்டுமென்று விரும்பினார். அவரிடம் அதை கொடுத்திட்டேன். 

அதை அணிந்த அவருக்கு, இரண்டு நாட்கள் எந்த சிக்கலும் இல்லை. மூன்றாவது நாளிலிருந்து வயிற்று நோய் ஏற்பட்டு, மிகவும் அவதிப்பட்டார். ஐந்து நாட்களாக மருத்துவமனையில் இருந்தும், பல சிகிச்சைகளை செய்து பார்த்தும் எந்த பயனும் இல்லை. திடீரென்று எனக்கு அந்த கல் மோதிரத்தை அணிந்ததனால் இந்த பிரச்சனை வந்திருக்குமோ? என்று நினைத்து அதனால் அதை கழற்றச் சொல்லலாமே என்று நினைத்து, அவருக்கு தகவல் அனுப்பினேன். அவரும் நான் சொன்ன படி செய்தார். ஆச்சரியத்திலும் ஆச்சரியம், புலிக்கண் மோதிரத்தை கழற்றிய சில மணி நேரங்களிலேயே அவருக்கு சுகம் கிடைத்தது. 

இந்த சம்பவத்தை நேருக்கு நேராக அனுபவித்த பிறகு, கற்களில் எதோ ஒரு மகத்துவம் இருப்பதை தெரிந்து கொண்டேன். வேறு பல சம்பவங்களும், அதை எனக்கு உறுதிபடுத்தின. 

சாகும் வரை நோய் வராமல் தடுக்க !




ன்புள்ள குருஜி அவர்களுக்கு, வணக்கம். எனக்கு திருமணம் முடிந்து ஐந்து வருடத்திற்கு பிறகே ஒரு மகன் பிறந்தான். அவனுக்கு இப்போது மூன்று வயதாகிறது. இறைவனின் அருளாலும், உங்களைப் போன்ற பெரியோர்களின் ஆசிர்வாதத்தாலும், மிக நன்றாகவே இருக்கிறான். ஒரு மனிதனுக்கு ஆயுள், ஆரோக்கியம், அறிவு, செல்வம் போன்றவைகள் இறைவன் கொடுக்கின்ற வரம் என்று எனக்கு தெரியும். இருந்தாலும், மனிதர்களாகிய நாமும் அதை பெறுவதற்கு தகுதி உடையவர்களாக இருக்க வேண்டும். அதனால், என் மகனை சிறிய வயது முதற் கொண்டே இயற்கை வழியில் ஆரோக்கியம் உடையவனாக வளர்க்க வேண்டுமென்று நினைக்கிறேன். அதற்கு உங்களது அறிவுரையும், வழிகாட்டுதலும் இருந்தால் சிறப்பாக இருக்குமென்று கருதுகிறேன். எனவே இந்த ஏழையின் குரலுக்கு செவி சாய்த்து வழிகாட்டுமாறு மண்டியிட்டு வேண்டுகிறேன்.

இப்படிக்கு,
சாம்பசிவம்,
சென்னை.




மது நாட்டில் ஆதி காலத்தில், அஸ்வினி குமாரர்கள் என்ற மருத்துவ ஞானிகள் வாழ்ந்தார்கள். அவர்களை தெய்வங்களாக வேதங்களும் போற்றுகின்றன. அஸ்வினி குமாரர்கள் மருத்துவ துறையில் இன்றளவும் வியப்படையும் வண்ணம் பல சாதனைகளை நிகழ்த்தி இருக்கிறார்கள். அறுவை சிகிச்சை என்பதே அவர்களால் தான் முதல் முதலில் உருவாக்கப்பட்டது என்றால், அவர்களின் திறமையை நினைத்துப் பாருங்கள்.

அவர்கள் மனித உடம்பில் நீர், நெருப்பு, காற்று ஆகிய மூன்று பூதங்களின் கைவரிசையால் தான் சுகமும், சுகக் கேடும் ஏற்படுகிறது என்கிறார்கள். அதாவது வாதம், பித்தம், சிலேத்துமம் என்ற மூன்று சக்திகளின் ஏற்ற இறக்கத்தால் தான் நோய்கள் வருவதும், போவதும் நடைபெறுகிறது என்பது அவர்களின் கருத்து.

நாமும் நமது அனுபவத்தை சற்று ஆழ்ந்து சிந்திப்போமேயானால் அஸ்வினி குமாரர்களின் முடிவை நிச்சயம் ஏற்றுக்கொள்வோம். உடம்பு குளிர்ச்சி அடைந்தால், அதாவது கபம் அதிகமாகிப் போனால் சளிபோன்ற தொல்லைகள் ஏற்படுவதும், வாதம் அதாவது வாய்வு அதிகரித்தால் உடல்வலி அதிகப்படுவதும், சூடு அதாவது பித்தம் அதிகரித்தால், கண் எரிச்சல், சிறுநீர் உபாதை போன்றவைகள் வருவதையும் காண்கிறோம்.

ஆயுர்வேத மருத்துவர்கள் கூட, இந்த தோஷங்கள் ஒரு உடம்பில் எப்படி இருக்கிறது என்பதை அடிப்படையாக வைத்தே சிகிச்சை அளிக்கிறார்கள். சித்த வைத்தியத்தில் நாடி பிடித்து பார்ப்பதே வாத, பித்த, சிலேத்துமத்தை அறிந்து கொள்வதற்கு தான். இந்த மூன்றும் சரியாக, சமமாக இருந்தால் எந்த தொல்லையும் இல்லை. ஏதாவது ஒன்று கூடி குறைந்தால், நன்றாக ஓடிக் கொண்டிருக்கின்ற வண்டி உட்கார்ந்து விடுகிறது. எனவே சிறிய வயது முதல் இந்த மூன்றையும் சமமாக வைத்துக் கொண்டோம் என்றால் எந்த சிக்கலும் கிடையாது.

நீர், நெருப்பு, காற்று ஆகிய மூன்று தன்மைகளை சீராக வைத்து கொள்வதற்கு பெரியளவில் சிரமப்பட வேண்டிய அவசியம் இல்லை. சிறிது முயற்சி செய்தாலே போதுமானது. அதிகாலையில் இஞ்சியை இடித்து சாறெடுத்து, சற்று நேரம் பாத்திரத்தில் கலங்காமல் வைத்தால் சிறிய வெள்ளைப்படலம் அடியில் தங்கிவிடும் மேலே தெளிவாக இருக்கும். இஞ்சி சாற்றை இரண்டு தேக்கரண்டி அளவு எடுத்து, சிறிது தேனில் கலந்து, வெறும் வயிற்றில் சாப்பிட வேண்டும்.

மதியம் சுக்குப் பொடியை அரைத் தேக்கரண்டி இதமான சுடுநீரில் கலந்து குடிக்கவும். சுக்கைப் பொடி செய்யும் போது கவனம் தேவை. காரணம் சுக்கின் மேலே ஒட்டி இருக்கும் அதன் தோல் உடம்புக்கு தேவையில்லாதது. எனவே சுக்கை வாங்கியவுடன், அதில் சற்று அதிகமாக சுண்ணாம்பு தடவி, வெயிலில் காய வைத்து அதன் பிறகு சுண்ணாம்பு எரியும் அளவிற்கு நெருப்பில் காட்டி, கத்தியை வைத்து நன்றாக சுரண்டி, சுத்தப்படுத்திய பிறகே சுக்கைப் பொடி செய்து பயன்படுத்த வேண்டும்.

இரவில் உறங்கப் போவதற்கு கால்மணி நேரத்திற்கு முன்பு கொட்டை எடுத்து விட்டு பொடி செய்த கடுக்காயை சுக்குப் பொடி போலவே, வெந்நீரில் கலந்து குடித்து விட வேண்டும். இதை மட்டும் தினசரி பழக்கப்படுத்தி விட்டால், சாகும் காலம் வரையிலும் பெரிய நோய்கள் என்பதே வராது. இதை தான் நம் முன்னோர்கள், காலையில் இஞ்சி, கடும் பகல் சுக்கு, மாலையில் கடுக்காய் என்று வழக்கப்படுத்தினால், விருத்தரும் குமரர் ஆவர் என்று சொல்லியிருக்கிறார்கள்.








யாகசாலை அமைக்கலாம் வாங்க !


  திகால மக்கள், இறைவனை வழிபடுவதற்கு கோவில்களை கட்டவில்லை. இயற்கையான வழியில், இயற்கையான பொருட்களைக் கொண்டு இறை வழிபாட்டை நடத்தினார்கள். அப்படி அவர்கள் நடத்திய போது தான் இறைவனுக்கும், மனிதனுக்கும் மிக நெருக்கமான உறவை ஏற்படுத்தி கொடுப்பது நெருப்பு. அந்த நெருப்பை வளர்த்து, யாகம் செய்து பிரார்த்தனைகளை வைத்தால், இறைவன் உடனடியாக அதை நடத்தி வைப்பான் என்பதை அனுபவப் பூர்வமாக கண்டார்கள்.

இதனால் அரசனுக்கு அரண்மனை கட்டப்பட்டதோ இல்லையோ, யாகம் வளர்க்க யாக சாலைகள் ஊர் தோறும் கட்டப்பட்டது. ரிஷிகள் வாழுகிற இடம், கல்வி கற்பிக்கிற இடம், நியாய சபைகள் அனைத்திலும் யாக குண்டம் இருப்பது, அத்தியாவசியமாக இருந்தது. ஆலயங்கள், வானுயர எழுந்தபிறகு யாகசாலைகள் ஆலயத்திற்குள் மட்டுமே இருக்க வேண்டிய நிலை வந்தது. ஆனாலும், ஆசிரமங்கள், ஆன்மீக நிலையங்கள் ஆகியவற்றில் பழைய மாதிரியே யாக சாலைகள் இருந்து வந்தன.

நமது குருமிஷன் அறக்கட்டளையின் வளாகத்திலும், குருஜி நித்திய பூஜைகள் செய்கின்ற தனியிடத்திலும், மிகச் சிறிய அளவு யாக குண்டங்கள் இருந்து வருகிறது. இதில் தான் இதுவரை குருஜி பல பூஜைகளை செய்து வருகிறார். பித்ரு தோஷத்தை நீக்கும் யாகங்கள் துவங்கி, விவாகத்தடை போன்ற யாகங்கள் வரை இவைகளிலேயே நடத்தப்பட்டு வந்தன. இடப் பற்றாக்குறையாலும் மற்றும் பல காரணங்களினாலும் ஒன்றிரண்டு பேர்களை தவிர மற்றவர்களை அதிகமாக அனுமதிக்க முடியாத நிலைமை இதனால் இருந்து வந்தது.

 எந்த ஒரு செயலும், பத்து பேர் கலந்து கொள்ளாமல் பெரிய அளவில் எடுத்து செல்ல முடியாது என்ற உண்மையை குருஜி விளக்கி சொன்னபோது, நமது ஆசிரமத்திலும் பெரிய யாகசாலை இருக்க வேண்டிய அவசியத்தை உணர்ந்து கொண்டோம். அந்த யாக சாலை, யாகங்கள் வளர்ப்பதற்காக மட்டும் இல்லாமல் மற்றும் பல தெய்வீக காரியங்களுக்கு உதவக் கூடியதாகவும், இருக்க வேண்டும் என்று முடிவு செய்து அதற்கான வேளையில், தற்போது நமது ஆசிரம நிர்வாகம் இறங்கி வருகிறது.

நமது குருஜி அவர்கள், தனது தவ நாட்களில், தியான நிலையில் பெருமாளையும், சிவனையும் ஒரு சேர தரிசித்த இடத்தில் சூரிய நாராயண லிங்கம் என்ற மாபெரும் மூர்த்தியையும் அவரைச் சுற்றி ஆழ்வார்கள், நாயன்மார்கள் மற்றும் அருளாளர்களை ஆவாகனப்படுத்தும் நூற்றி எட்டு லிங்கங்களையும், பிரதிஷ்டை செய்திருக்கும் புனித இடத்திற்கு நேர் மேற்கிலும், இப்போது பாட சாலையாக இயங்கி வரும் பிரதான கட்டிடத்திற்கு வடக்கேயும், விசாலமான யாக சாலை அமைப்பதற்கான இடம் உள்ளது. அதில், குறைந்த பட்சம் ஐந்நூறு பேர்கள், அமரக்கூடிய நூற்றி ஐம்பதடி நீள யாக சாலை அமைக்க குருஜி இசைவு தந்துள்ளார்.

ஆலயங்கள் எழுப்புவது போல, கல்விச் சாலைகள் உருவாக்குவது போல, யாக சாலைகளை உருவாக்குவதும், மிகப் பெரிய புண்ணிய காரியமாகும். லிங்கங்கள் பிரதிஷ்டை செய்வதற்கு, பல லட்ச ரூபாய் செலவானாலும், அதை மிக நெருங்கிய சீடர்கள் மட்டுமே காணிக்கைகளாக செலுத்த வேண்டும், மற்றவர்களிடம் நன்கொடை வசூலிக்க கூடாது என்று குருஜி கூறியதனால், நமது இணையதளத்தில் அதைப் பற்றிய தகவல்களை வெளியிடவில்லை. ஆனால், யாக சாலை என்பது ஒரு சிலரால் மட்டுமே உருவானதாக இருக்க கூடாது. பலருடைய அர்ப்பணிப்பு, உழைப்பு அதில் இருக்க வேண்டுமென்று குருஜி விரும்புகிறார்.


இந்த யாக சாலையில் வருங்கலத்தில், பல விதமான வைதீக யாகங்களும், தாந்த்ரீக ஹோமங்களும், நடைபெறுவதோடு அமானுஷ்யமான சில வழிபாட்டு முறைகளும் நடைபெற இருக்கிறது. சாந்தி பெறாத முன்னோர்களின் ஆத்மாக்கள், சரியான கிரிகைகள் செய்யாமல் திண்டாடும் ஆத்மாக்கள் சாபம் கொடுத்து, மரித்துப் போன ஆத்மாக்கள், பசி, பட்டினி மற்றும் நிறைவேறாத ஆசைகளோடு மேலுலகம் சென்ற ஆத்மாக்கள் என்று அத்தனை விதமான ஆத்மாக்களும், சாந்தியடைய இந்த யாக சாலையில் தினசரி பூஜைகள் பல நடைபெற இருக்கிறது.

அதனால் மேற் குறிப்பிட்ட காரணங்களால், துன்புறுகின்ற மனிதர்கள் தங்களால், இயன்ற ஆதரவினை நல்கினால் அவர்களுக்கும் விடுதலை கிடைக்கும். அவர்களும் மேன்மையுற வேண்டும் என்ற எண்ணத்தில் மட்டுமே, இந்த யாக சாலைக்கான நன்கொடைகள் கோரப்படுகிறது. இவ்வளவு என்றில்லை. உங்களால் முடிந்த சிறிய தொகையாக இருந்தாலும் கூட, நன்கொடையாக கொடுங்கள். பணமாக கொடுக்க முடியவில்லை என்றாலும், ஒருமுறை நேரில் வந்து உங்கள் உடலுழைப்பை தாருங்கள். அப்படி செய்வதன் மூலம், உங்கள் தலைமுறையும் நற்கதியை அடையுமென்ற ஒரே காரணத்திற்காக உங்களை கரம் சேர்க்க அழைக்கிறோம்.

இந்த யாக சாலை திறம்பட அமைவதற்கு, ஏழரை லட்சரூபாய் (7.5 லட்சம்) வரை செலவாகுமென்று கணக்கிட்டு கூறுகிறார்கள். அதை அமைத்து தரும் தொழிலாளர்களும், தங்களால் இயன்ற பங்கு பணியை தருவதாக சொல்லி இருப்பதனால், இந்த குறைவான செலவில் அமைக்க முடிகிறது. நாம் அனைவரும் சேர்ந்து, இந்த யாக சாலையை உருவாக்கினால் இயற்கை சார்ந்த வழிபாட்டையும், வேதங்கள் கூறுகின்ற தர்மத்தையும், சாஸ்திரங்கள் பறை சாற்றுகின்ற சம்பிரதாயங்களையும், எல்லாவற்றிற்கும் மேலாக இறைவனின் அன்பை, அருளைப் பெறுகின்ற வழியையும் அடைவோம் என்பது சர்வ நிச்சயம்.

யாக சாலை அமைப்பதற்கு காணிக்கை அனுப்ப வேண்டிய வழிமுறைகள்.
மேலும் விபரங்களுக்கு தொலைபேசி எண் - +91-9442426434


காணிக்கை அனுப்ப வேண்டிய வங்கி முகவரி:-

Name : Guruji
Account Number : 228801500160
IFSC Code : ICIC0002288
ICICI BANK LTD,
VENGUR Branch

_______________________________________________________

வெஸ்டன் யூனியன் வழியாக  காணிக்கை அனுப்ப வேண்டிய முகவரி:-
Guruji
4/76 c Kamaraj Road,
Arakandanallur,
Tirukoilur (TK)
Villuppuram (DT)
Tamilnadu
India

நேரில் வந்து காணிக்கை செலுத்த வேண்டிய முகவரி:-

குருஜி
ஸ்ரீ குரு மிஷன்
விழுப்புரம் சாலை
காடகனூர் அஞ்சல் 605755
விழுப்புரம் மாவட்டம்
தமிழ்நாடு

மேலும் விபரங்களுக்கு:-

தொலைபேசி எண் - +91-9442426434


இப்படிக்கு, 
குருஜியின் இறைபணியில்,
சதீஷ் குமார், 


கருடதரிசனம் எப்போது செய்யலாம்...?




குருஜி அவர்கலுக்கு வணக்கம் கருட தரிசனத்தை எந்த நாட்களில் செய்தால் நல்ல பலன் கிடைக்கும் 

இப்படிக்கு 
சுசிலா 
தேன்கனிக்கோட்டை


ருடனை தரிசிப்பதும் பெருமாளை தரிசிப்பதும் ஒன்று என்று மிக சிறந்த பாகவதர்கள் கூறுவார்கள் காரணம் நாராயணனுக்கு சேவை சாற்றுகிற சாதாரண பக்தன் கூட நாராயணன் வடிவாகவே மாறுவான் என்பது தான் பாகவத தர்மத்தின் மிகப்பெரிய தாத்பரியம் எனவே அந்த வகையில் கருடதரிசனம் மிகசிறந்த வழிபாட்டு முறையாகும் 

ஆரோக்கியம் பெருகி நோய்கள் விலகவேண்டுமானால் ஞாயிற்று கிழமையும் துன்பம் நீங்கி இன்பம் பெருக திங்கள் கிழமையும் மகாலஷ்மியின் அருள் நிரந்தரமாக கிடைக்க செவ்வாய் கிழமையும் நினைத்த காரியங்கள் கைகூடி வர புதன் கிழமையும் பில்லி சூன்யம் மாந்திரீக தொல்லைகள் விலக வியாழாக் கிழமையும் ஆயுள் கூடுவதற்கு வெள்ளி கிழமையும் ஆனந்தம் மட்டுமே வாழ்க்கையில் இருப்பதற்கு சனிக்கிழமையும் கருட தரிசனம் செய்யவேண்டும் என்று சொல்கிறார்கள்.






முருகனை வழிபட்டால் குழந்தை பிறக்கும் !





ன்புள்ள குருஜி அவர்களுக்கு, பணிவான வணக்கம். அமெரிக்காவிலிருந்து நந்தகுமார்-மஞ்சுளா இணைந்து எழுதும் வேண்டுதல் கடிதம். உங்கள் இணையதளத்தை பார்த்த நாள் முதல் எப்படியாவது உங்களிடம் எங்கள் குறைகளை முறையிட வேண்டும் என்று விரும்பி பல முறை தொலைபேசியில் தொடர்பு கொண்டு பார்த்தோம். எங்கள் துரதிருஷ்டம் அது இயலவில்லை. எங்களுக்கு திருமணம் முடிந்து ஐந்து வருடங்கள் முடிந்து விட்டது. இன்னும் குழந்தை பிறக்கவில்லை. இதனால் நாங்கள் அனுபவிக்கும் மனக் கஷ்டம் மிக அதிகம். சொந்த நாட்டிற்கு வந்தால் உறவினர்கள் விசாரிப்பார்களே என்ற எண்ணத்தில் இரண்டு வருடமாக ஊருக்கே வரவில்லை. எங்கள் பெற்றோர்கள் எங்களைப் பார்க்கத் துடியாக துடித்துக் கொண்டிருக்கிறார்கள். இறைவன் மட்டும் இன்னும் கருணை காட்ட மறுக்கிறான். எங்கள் இருவரின் உடல் நலமும் நன்றாக இருக்கிறது. எங்கள் ஜாதகத்தை இத்தோடு அனுப்பி உள்ளோம். எங்களுக்கு குழந்தை இருக்குமா? அல்லது தத்து எடுத்துக் கொள்ள வேண்டுமா? என்பதையும் கூறவும். மேலும் உங்களிடம் அமிர்த தாரா மந்திர தீட்சை எடுத்துக் கொண்டால் குழந்தை பாக்கியம் விரைவில் கிடைக்குமென்று நம்புகிறோம். அப்படி செய்யலாமா? தயவு செய்து வழிகாட்டவும்.

இப்படிக்கு,
நந்தகுமார் குடும்பத்தினர்,
அமெரிக்கா.



ரியான தாம்பத்திய வாழ்விற்கு இறைவன் தருகிற நற் சான்றிதழ் குழந்தை பாக்கியமென்று பலரும் நம்புகிறார்கள். அப்படி என்றால் குழந்தை இல்லாத தம்பதியினர் சரியான தாம்பத்யம் நடத்தவில்லையா என்று யாரும் சிந்திக்க கூடாது. ஒன்றாம் வகுப்பிலிருந்து இரண்டாம் வகுப்பிற்கு செல்ல கிடைக்கும் மதிப்பெண் போன்றது தான் மழலைச் செல்வம் என்பது.

கல்யாணம் முடிந்து, உடனடியாக குழந்தை இல்லை என்றால், உற்றார் உறவினர்கள் கேட்கின்ற கேள்வியும், பார்க்கின்ற விதமும், ஒரு விதமாக இருக்கும். அதை அனுபவித்தவர்களுக்கு தான் கஷ்டம் தெரியும். இதனால், குழந்தைகள் இல்லாத பல தம்பதியினர் சுப நிகழ்ச்சிகளுக்கு செல்வதற்கே அஞ்சுவார்கள். இப்படிப்பட்ட தம்பதியினர் முதலில் மனதில் தைரியத்தை வரவழைத்துக் கொள்ள வேண்டும். வாழ்க்கை என்பது மற்றவர்களின் சான்றிதழுக்காக காத்திருப்பது அல்ல. நம் மனசாட்சியும், இறைவனும் சான்றிதழ் தந்தால் போதும் என்ற எண்ணத்தை வளர்த்தால் எந்த பிரச்சனையும் கிடையாது.

ஜாதகத்தில் இரண்டாம் இடத்து அதிபதி, ஐந்தாம் இடத்தில் உச்சம் பெற்றிருந்தால் புத்திர பாக்கியம் கண்டிப்பாக உண்டு என்று ஜோதிட நூல்கள் தெளிவாக கூறுகின்றன. எனவே உங்களுக்கு குழந்தை பாக்கியம் நிச்சயம் இருக்கிறது என்பதில் எந்த வித மாற்றமும் இல்லை. நீங்கள் உடனடியாக குழந்தை பிறந்தவுடன், திருச்செந்தூர் முருகன் கோவிலுக்கு வந்து குழந்தையை தொட்டில் கட்டி கோவிலை சுற்றி வந்து பிரார்த்தனை செலுத்துவோம் என்று வேண்டிக் கொள்ளுங்கள். கண்டிப்பாக பலன் கிடைக்கும். அமிர்த தாரா மந்திர தீட்சை எடுத்துக் கொள்வது உங்கள் சொந்த விருப்பம் அதற்கும் பலன் கண்டிப்பாக உண்டு இறைவன் உங்களது குறைகளை விரைவில் நீக்குவான்.







சும்மா இருப்பதில் என்ன சுகம்...?

கிருஷ்ணன் சுவடு 6

  ண்ணன் உலக மாந்தர்கள் அனைவரும் விடிவதை கண்குளிர காணவேண்டும் என்பதற்காக, எல்லோருக்கும் பொதுவான கீதையை நமக்கு தந்தார். கண்ணன் தந்த கீதையை கர்ம யோகத்தை போற்றுகின்ற நூலென்று சொல்பவர்கள் உண்டு. அது ஞான யோகத்தை தான் பறைசாற்றுகிறது என்று வாதிடுபவர்களும் உண்டு. அது அகிம்சையை பேசுகிறது. அது உடலையும், மனதையும் உறுதி செய்வதை பேசுகிறது. சமூக நலனை பற்றி பேசுகிறது என்று பலரும் தங்களது எண்ணங்களுக்கும், அறிவுக்கும் ஏற்றவாறு விளக்கம் தருகிறார்கள்.

கீதையில் இவை அனைத்துமே இருக்கிறது. கீதையில் இல்லாதது எதிலுமே இல்லை என்று சொல்லுகிற அளவிற்கு, கீதை பூரணமானது. ஆனால், கீதையில் உள்ள ஞானயோகம், கர்மயோகம், ராஜயோகம், சமூகவியல் அனைத்துமே இறுதியாக ஒரே ஒரு முடிவை நோக்கியே நம்மை அழைத்துச் செல்கிறது. அது சாட்சாத் பர பிரம்மனான வாசுதேவ கிருஷ்ணனின் பாதார விந்தங்களில் பரிபூரணமாக சரணடைவது. மோட்சத்தை, முக்தியை அனுபவிப்பது என்பதாகும். எனவே கீதையை மோட்ச சாஸ்திரம் என்று அழைத்தால் அதுவும் அழகாகத்தான் இருக்கும்.

போர்க்களத்தில் அர்ஜுனன் நிற்கிறான். அவனது மனம் குழப்பமடைகிறது. எதிரே எதிரிகளாக நிற்கும் ஒவ்வொரு மனித ஜீவனையும் உற்றுப் பார்க்கிறான். இவர்கள் அனைவருமே அவனது இரத்தத்தோடு சம்மந்தப்பட்டவர்கள். இவனுக்கு தோளோடு தோள் நின்று ஒத்தாசை செய்கின்ற, பங்காளிகள் ஆசை வசப்பட்டு தர்மம் இது, அதர்மம் இது என்று பாகுபாடு தெரியாமல் மூடத்தனமாக ஆயுதங்களை தரித்துக் கொண்டு போர்க்களம் வந்துவிட்டவர்கள். விவரம் தெரியாத இவர்களை விபரம் தெரிந்த நான் கொல்வதா? எனது இரத்தம் சிந்துவதற்கு நானே காரணமாவதா? என்று யோசித்து மனம் குழம்பி நான் போர் புரிய மாட்டேன் என்று காண்டிபத்தை கீழே போட்டுவிட்டு தேரில் உட்கார்ந்து விடுகிறான்.

கலவரப்பட்டு கலங்கிய பார்த்தன் முன்னால் பரந்தாமன் நிற்கிறான். அப்போது தான் புத்தம் புதிதாக மலர்ந்த பூவைபோல சிரிக்கிறான். சின்னக் குழந்தை ஒன்று சிங்கரமாக நகைப்பது போல, சிரித்த முகத்தோடு நிற்கிறான். திக்கு தெரியாமல் துக்கப்பட்ட, பாண்டு புத்திரன் கண்ணனின் கால்களிலே விழுகிறான். நான் தவிக்கிறேன், துடிக்கிறேன். இன்னது செய்வ தென்று தெரியாமல் பரிதவிக்கிறேன். எனக்கு ஒன்றும் புரியவில்லை. எல்லாம் மயக்கமாக இருக்கிறது. உன்னைத் தவிர எதையும் என்னால் நம்பமுடியவில்லை. உன்னையே கதி யென்று உன்னிடமே சரணடைகிறேன். என்னை ஏற்றுக் கொள். உறவினனாக என்னைப் பார்க்காமல், உன் சீடனாக பார். ஒன்றுமே தெரியாத அப்பாவி ஒருவனாக என்னை பார். எனக்கு தக்க வழிகாட்டு உன் சொற்படி நடக்கிறேன் என்று சரணடைகிறான்.

நடக்கவேண்டியது மகா யுத்தம் எதிரிகள் அனைவரும், ஆயுத தாரிகளாக கூடிவிட்டார்கள். சரம் சரமாக கணைகள் பறந்து, வானத்தை இருள் மயமாக்க துடித்துக் கொண்டிருக்கிறது. இந்த நேரத்தில் தோள் சிலிர்த்து ஆவேசத்தோடு சண்டையில் இறங்க வேண்டுமே தவிர, தலை கவிழ்ந்து குழம்பி கிடக்க கூடாது. எனவே உன் மயக்கதிற்க்கான காரணத்தை பின்னால் சொல்கிறேன். இப்போது நீ சண்டைபோடு என்று, அர்ஜுனனை கண்ணன் தூண்டிவிட்டிருக்கலாம். அவன் மறுத்தால் கூட, கட்டளை போட்டு கட்டாயப்படுத்தி இருக்கலாம். ஆனால், பகவான் அதை செய்யவில்லை. சங்க நாதம் முழங்கும் யுத்த களத்தில், எழு நூறு ஸ்லோகங்களுக்கும் அதிகமான கீதையை ஓத துவங்குகிறான்.

வேதவித்தை, நிஷ்காமிய கர்மம், முக்குணங்களின் வேகம், இந்திரிய கட்டுப்பாடு, ஈஸ்வர பக்தி, சக மனித தர்மம், ஞான யோகத்தின் வழிமுறை, நிலையில்லாத சொர்க்கம், நிரந்தரமில்லாத யாகம், தயாவான மனதை தரும் தானம், தர்மத்தையே தரிசிக்க செய்யும் தவம் போன்ற பல விஷயங்களை கூறி இறுதியாக மோட்சத்திற்கான  வழியை, சரணாகதியை பேசி கீதையை நிறைவு செய்து பாண்டு புத்திரனுக்கும் அவனைப் போன்ற பல்லாயிர புத்திரர்களுக்கும் வாழ்க்கை என்றால் என்ன?  அதில் போராட்டம் என்பது யாது?  என்ற விளக்கங்களை ஞான சூரியனை போல் தருகிறார்.

அர்ஜுனனோடு எத்தனையோ முறை, அவர் தனிமையில் உரையாடி இருக்கிறார். அர்ஜுனனும் இதை போன்ற மன கலக்கத்தை எத்தனையோ முறை அடைந்தும் இருக்கிறார். அப்போதெல்லாம் கூறாத பகவத் கீதையை இப்போது, இந்த இடத்தில் இரத்தம் பெருக்கெடுத்து ஓடத் தயாராக, குருதி பூமியில், குருட்ஷேத்திர மண்ணில், சொல்ல வேண்டிய அவசியம் என்ன?  கண்ணன் கீதையில் கூறுகிறான். எப்பொழுதெல்லாம் பூமியில் தர்மம் குலைந்து, அதர்மம் தலைவிரித்து ஆடுகிறதோ அப்போது நான் வருவேன். துஷ்டர்களை அழிக்கவும், இஷ்டர்களை காக்கவும் யுகந்தோறும் நான் பிறப்பேன் என்று அறிவிக்கிறான். தனது அறிவிப்பை மெய்பிப்பதற்காக துஷ்டர்களை சம்காரம் செய்யவேண்டிய காலம் நெருங்கிவிட்டதே உணர்ந்து இங்கே அவன் கீதையை பேசுகிறான். இதுதான் சரியான நேரம். பசிக்கும் போது தான் உணவு தேவை. வலிக்கும் போது தான் மருந்து தேவை. யுத்தம் என்பதும் வலி தான் அந்த வலிக்கு ஒரே மருந்து கீதை தான்.

துவாபர யுகம் முடியும் காலம் நெருங்கிவிட்டது. துரியோதனன் போன்ற தீயவர்கள், பூமியெங்கும் மலிந்து விட்டார்கள். பூமி மாதா சுமைதாங்காது தள்ளாடுகிறாள். மண்ணின் பாரம் தீர்க்க, விண்ணிலிருந்து பூமிக்கு வந்த கிருஷ்ணன், தீய அரசர்களை பொசுக்குவதற்கு நேரம் குறித்து விட்டான். பாரத போர் துவங்கி விட்டது. சமூக சீர்திருத்தத்தின் அவசியம் கருதி பயிர்களுக்கு நடுவில் முளைத்திருக்கும் களைகளை பிடுங்க வேண்டிய பணியும் ஆரம்பித்து விட்டது. இயற்கையாக உருவான வர்ணாசிரம தர்மம் என்ற சமூக அமைப்பில் பிராமண தர்மத்தை வேதியன் விட்டு விட்டான். நாட்டை காக்கும் நற் பண்பை சத்ரியன் தொலைத்து விட்டான். பொருள் சேர்ப்பதே பிராதானம் என்று வைசீகன் சுயநலம் மிக்கவனாக ஆகி விட்டான். உழைப்பதற்கு உழவன் தயாராக இல்லை எல்லாம் மாறிவிட்டது.

கலியுகம் துவங்குவதற்கு முன்பே, அதன் இருண்டமுகம் வெளிவர ஆரம்பித்து விட்டது. யாகங்கள், தானங்கள், தர்மங்கள் அனைத்துமே எதையாவது ஒரு பயனை நோக்கி செய்யப்பட்டதே தவிர, இறைவனை நோக்கி நடத்தப்படவில்லை. உதாரணமாக சொர்க்கம் வேண்டினால் நீ காமக்கொடூரனாக இருந்தாலும் பரவாயில்லை. கொலை பாதகச் செயலை தினம் தினம் நடத்தினாலும் பரவாயில்லை, ஜோதிஸ்ட்டாம யாகம் செய். எந்த தடையும் இல்லாமல் சொர்க்கத்தை அடையலாம். புத்திரன் வேண்டுமா கவலை இல்லை. புத்திர காமேஷ்டி யாகம் செய். உலகத்தையே விலைக்கு வாங்கும் செல்வம் வேண்டுமா? அதற்காக குபேரனை நோக்கி யாகம் செய். என்று அழிந்து போகும் உலகப் பொருளுக்காக ஆன்மீக நோக்கங்கள் சீரழிக்கப்பட்டு கொண்டிருந்தன. அரசர்களும், தன வந்தர்களும், யாகங்கள் செய்வதை கடமையாக நினைத்தார்கள். பெருமையாக கருதினார்கள். வேதம் ஓதும் பிராமணர்கள் நாத வடிவான பிரம்ம தியானத்தை மறந்து, பொருளை நோக்கி ஓடினார்கள். செல்வந்தர்களை துதிபாடினார்கள்.

ஏழைகள், செல்வம் இல்லாதவர்கள் என்பதனாலே புறக்கணிக்கப்பட்டார்கள் இதை மகாபாரத யுத்தம் துவங்குவதற்கு முன்பே தர்மபுத்திரன் சொல்கிறான். யாகங்களை செல்வந்தர்கள் மட்டுமே செய்வதற்கு தகுந்ததாக மாற்றி இருப்பது, துர்பாக்கிய நிலை. யாகங்கள் தங்களது நிஜமான லட்சியத்தை நோக்கி மாறவேண்டும் என்கிறான். இதற்காக மோட்சம் அடைவதற்கு செல்வம் செலவாகும் யாகத்தை தவிர்த்து, ஏழைகளும், திக்கற்றவர்களும் பயன்படக் கூடிய வேறு ஏதாவது வழி இருக்கிறதா? என்று பிதாமகர் பீஷ்மரிடமும் கேள்வியை வைக்கிறான். பீஷ்மர் கூட தான் ஒன்றுமே அறியேன் என்று கைவிரிக்கிறார். இந்த நேரத்தில் தான் கண்ணன், கீதையில் சொல்கிறான். யாகங்கள் வேண்டாம், அலங்கார பூஜைகள் வேண்டாம், தானதர்மங்கள் கூட தேவையில்லை. என்னை நினை. என்னில் சரணடை. நானே சகலமமுமான நாராயணன். உனக்கு நிரந்தர சுகம் தரும் தகுதி என்னிடம் மட்டுமே இருக்கிறது என்று, அனைவருக்கும் அழைப்பு விடுகிறான்.

யாகத்தை மட்டுமே நடத்தி, விரும்பியதை சாதித்துவிடலாம் என்று நினைப்பவர்களின் கூட்டம் ஒருபுறம் என்றாலும், யாகங்கள், வைதீக தர்மங்கள், அனைத்தையும் விட்டு விடு. உலக வாழ்க்கை என்பது, துன்பம் நிறைந்தது. கர்மாவை செய்கின்ற வரை பிறப்பு தொடரும். எனவே பிறக்காமல் இருக்க, கர்மா செய்யாதே. உலக வாழ்க்கையை உதறி விட்டு மனிதனாக பிறந்த அனைவரும், சந்நியாசிகளாக மாறிவிடுங்கள் என்று யதார்த்தமான வாழ்க்கைக்கு முற்றிலும் முரணாக சிலர் பிரச்சாரம் செய்து, சராசரி மக்களை மதி மயங்க வைத்துக் கொண்டிருந்தார்கள். அந்த நேரத்தில் கண்ணன் கீதையில் சொன்னான். செயலை செய். ஒருபோதும் கைவிடாமல் செயலை செய்து கொண்டே இரு. செயல்படுவதற்காகவே பிறந்தவன் நீ. உன் சிருஷ்டி அதற்காக மட்டுமே நடந்திருக்கிறது. பிறவி நோக்கத்தை கைவிட்டு விட்டு, சும்மா இருக்காதே. செயலையும், செயலால் வருகின்ற பலனையும் எனக்கே அர்ப்பணம் செய். எப்போதும் மாறாத இன்பத்தை அனுபவிப்பாய் என்று கீதையின் வாசகத்தால் சிந்தை தெளிவித்தான்.









திருமணம் நடக்குமா? நடக்காதா?



ன்புள்ள குருஜி அவர்களுக்கு பணிவான வணக்கம் என் வயது முப்பத்தாரை தொட போகிறது இன்னும் திருமணம் நடக்கவில்லை ஏதாவது காரணத்தால் தடைபட்டு கொண்டே போகிறது எனக்கு திருமணம் நடக்குமா? நடக்காதா என்று தயவு செய்து நீங்கள் கூறவும். 

இப்படிக்கு 
வசந்தகுமார் 
திருப்பதி 



சில வாழ்க்கையில் சாதாரணமாக நடக்க கூடிய நிகழ்சிகள் கூட சுலபமாக நடப்பதில்லை மிகவும் வலுவான பாறையை சம்மட்டிகொண்டு அடிப்பது போல அடித்தாலும் ஒரு அங்குலம் கூட நகர்வது இல்லை இதற்க்கான காரணம் மனிதர்களாகிய நமக்கு சுலபமாக தெரிவதில்லை 

பொதுவாக ஜாதகத்தில் எட்டு இரண்டு ஆகிய இடங்களில் ராகு கேது சம்மந்தபட்டிருந்தால் திருமணம் சுலபத்தில் கூடிவராது தேவையில்லாத காலதாமதம் ஏற்படும் உங்களது ஜாதகமும் இதை தான் காட்டுகிறதே தவிர நீங்கள் திருமணமே இல்லாமல் வாழ்நாள் முழுவதும் இருப்பீர்கள் என்று எந்த கிரகமும் சொல்லவில்லை 

வருகிற புரட்டாசிமாத அமாவாசை தினத்தன்று ராமேஸ்வரம் அல்லது காசிக்கு சென்று உங்கள் முன்னோர்களுக்கு முறைப்படியிலான சாந்திகளை செய்யுங்கள் உங்களை தாக்கிவரும் பித்ரு தோஷத்திலிருந்து விடுபடலாம் அப்படி விடுபட்டால் தடைபட்டு நிற்கும் திருமணம் உடனடியாக நடக்க வாய்பிருக்கிறது.






ஆவிகளை விரட்டிய அமிர்ததாரா மந்திரம்



ன்புள்ள குருஜி அவர்களுக்கு, பணிவான வணக்கம். என் மூத்த மகன் நெடுநாட்களாக குடிக்கு அடிமையாகி குடும்பத்திற்கு பாரமாக இருந்து வந்தான். அவனை காதலித்து கரம் பிடித்த மனைவியும், அவனையே நம்பியிருக்கும் இரண்டு குழந்தைகளும், இதனால் மிகவும் துயரமடைந்து வந்தார்கள். இந்த நிலையில் நான் தங்களிடம் அமிர்ததரா மஹா மந்திர தீட்சை எடுத்துக்கொண்டு அவனுக்கான சங்கல்பம் செய்து தொடர்ந்து மந்திர ஜெபம் செய்து வந்தேன். இப்போது அவன் குடியை குறைத்திருக்கிறான். ஒரு வேலைக்கும் செல்ல துவங்கியிருக்கிறான். அவனது மாற்றம் எங்கள் அனைவருக்கும் மகிழ்வாக இருக்கிறது. எங்கள் குடும்பத்திற்கு நல்ல விடியலை காட்டியது உங்களது மந்திர தீட்சை என்பதை நான் மனதார நம்புகிறேன். நீங்கள் நீடுழி வாழ இறைவனை வணங்குகிறேன்.

இப்படிக்கு,
எலிசபெத் ராணி,
நாசரேத்,
நெல்லை மாவட்டம்.




ன்புள்ள குருஜி அவர்களுக்கு, பணிவான வணக்கம். எனக்கு வெகு நாட்களாக மன அழுத்த நோய் இருந்து வந்தது. இதை நீக்குவதற்கு வழி தெரியாமல் தவித்தேன். நான் வேற்று மதத்தை சேர்ந்தவன் என்பதனால், தயக்கத்தோடு உங்களிடம் மந்திர தீட்சை கேட்டேன். பெரிய மனதோடு எனக்கு அமிர்த தாரா மஹா மந்திர தீட்சை கொடுத்தீர்கள். இப்போது எனக்கு நல்ல உறக்கம் வருகிறது. மனதில் தெம்பும் இருப்பது போல் தெரிகிறது. இனி என்னால் தேறிவிட முடியும் என்று நம்பிக்கை வந்திருக்கிறது. உங்களுக்கு கோடான கோடி நன்றி.

இப்படிக்கு,
ராபர்ட் வின்சன்ட்,
குடியாத்தம்.




ன்புள்ள குருஜி அவர்களுக்கு, வணக்கம். நான் உங்களை சந்திக்கும் முன்பு நிறைய மனக் குழப்பத்தில் இருந்தேன். இரவு உறக்கம் இல்லாமல் கெட்ட கனவுகள் வந்து பயமுறுத்தியது. பகலிலும் என்னை யாரோ பின் தொடர்வது போலவும், கண்காணிப்பது போலவும் இருந்தது. பேய் பிசாசுகளின் தொல்லையா? மனநோயா? என்று குழம்பி வந்தேன். என் குடும்பத்தாருக்கு நான் ஒரு சுமையாகவே இருந்தேன். நீங்கள் மட்டுமே என்னை இன்முகத்தோடு வரவேற்று மந்திர தீட்சை எடுத்துக் கொள் வழி பிறக்கும் என்றீர்கள். நானும், அப்படியே செய்தேன். இன்று நான் புதிய மனிதனாக எதையும் எதிர்கொள்ளும் சக்தி படைத்தவனாக இருக்கிறேன். உங்களுக்கு நன்றி சொல்வது நாகரீகம் அல்ல. நீங்கள் இருக்கும் திசை நோக்கி வணங்குவதே என் தகுதிக்கு ஏற்றது.

இப்படிக்கு,
அப்துல்வகாப்,
வாணியம்பாடி.



ன்புள்ள குருஜி அவர்களுக்கு, வணக்கம். என் மனைவி தீய ஆவிகளின் சேட்டையால், மிகவும் தொல்லை அடைந்து வந்தாள். அவளால் நான் பட்ட துயரங்கள் கொஞ்ச நஞ்சமல்ல. சமைக்க முடியாமலும், குழந்தைகளை பராமரிக்க முடியாமலும், வீட்டுக்கு வந்தவர்களை வரவேற்க முடியாமலும், ஒரு மனநோயாளியை போல இருந்த என் மனைவியை, உங்களிடம் நம்பிக்கையோடு மந்திர தீட்சை பெற்று, அவளுக்காகவே இரவும், பகலும் நீங்கள் சொன்னபடி ஜெபம் செய்து வந்தேன். இப்போது என் மனைவி ஆவிகளின் தொல்லையிலிருந்து முற்றிலும் விடுபட்டு விட்டாள். மந்திரவாதிகளால் சாதிக்க முடியாததை, உங்கள் மந்திர தீட்சை எனக்கு சாதித்து தந்துவிட்டது. உங்களை பல காலம் எல்லாம் வல்ல அல்லா வாழவைப்பான்.

இப்படிக்கு,
அபூபக்கர்,
சென்னை.



(பயன்பெற்றவர்களின் அனுபவ கடிதங்கள் இன்னும் தொடரும்...)



  அமிர்த தாரா மஹாமந்திர தீட்சை பெற்று அதனால் பலன் அடைந்த பலர் இதே போன்ற கடிதங்களை அனுப்பி இருக்கிறார்கள். அவர்களில் பலர் தங்களது ஊர் பெயரையும், தன் பெயரையும் சரிவர குறிப்பிடாததனால் அவர்கள் கடிதங்களை இங்கு பிரசுரிக்க இயலவில்லை. எனவே அமிர்த தாரா தீட்சையில் பயன் அடைந்தவர்கள் மற்றும் மந்திர தீட்சையின் மூலம் அனுபவங்களை பெற்றவர்கள் அனைவரும்  தங்களை பற்றிய தெளிவான விபரத்தோடு கடிதங்களை அனுப்புமாறு வேண்டுகிறோம். கடிதம் அனுப்ப -  sriramanandaguruji@gmail.com







கடவுளை பார்த்த குருஜி !

றையனுபவம் பெறுவது என்பது அருளாளர்களின் வாழ்வில் மட்டுமே நடக்க கூடிய அபூர்வ நிகழ்வு. அப்படி பெற்றவர்களை காண்பது மிகவும் அரிது. நமது குருஜி அவர்கள் கடந்தகாலத்தில் தான்பெற்ற நேருக்கு நேராக உணர்ந்த இறை தரிசன அனுபவத்தை பற்றிய அபூர்வ வீடியோ பதிவு இது. நமது ஆசிரம ஆவணங்களில் பதிவாகி இருந்த அரிதான பதிவை உஜிலாதேவி இணையதளத்தின் வாசகர்கள் அனைவரும் கண்டு கேட்டு தாங்களும் தெய்வீக அனுபவம் பெற குருஜியின் அனுமதியோடு வெளியிடுகிறோம் வாசகர்களுக்கு நிச்சயம் இது இனிய அனுபவமாக இருக்கும்.
இப்படிக்கு, 
சதீஷ் குமார், 


பயம் போக பரிகாரம் !




ன்பான குருஜி அவர்களுக்கு, பணிவான வணக்கம். என் மகளுக்கு பதின்மூன்று வயது நடக்கிறது. எதற்கெடுத்தாலும் பயப்படுகிறாள். பள்ளியில் தனது சக வயது குழந்தைகளிடம் கூட பழகுவதற்கும், விளையாடுவதற்கும் அச்சப்படுகிறாள். அவசரத்திற்கு தனியாக கடைக்கு சென்றுவா! என்றாலும் கூட நடுங்குகிறாள். எப்போதும் அவளுக்கு அம்மா, அப்பா, தம்பி என்று யாரவது ஒருவர் துணை வேண்டும். துணை இல்லாமல், அவளால் எதுவும் செய்ய முடிவதில்லை. இதனால், அவளுக்கு படிப்பும் கெடுகிறது. பல வாய்ப்புகளும் கிடைக்காமல் போகிறது. மனோதத்துவ சிகிச்சைகள் கொடுத்துப் பார்த்தும் ஒன்றும் பலனில்லை. கடைசியாக உங்களையும், கடவுளையும் நம்பி இந்த கடிதம் எழுதுகிறேன். நல்ல வழியை காட்டி உதவுமாறு மண்டியிட்டு வேண்டுகிறேன்.

இப்படிக்கு,
பார்கவி நம்பிராஜன்,
சென்னை.



குழந்தையாக இருக்கும் போது சரியாக உண்ணுவதில்லை, அடம்பிடிக்கிறது என்று பல காரணங்களுக்காக குழந்தைகளை மிரட்டி பயமுறுத்தி விடுகிறோம். சில நேரங்களில் நமது பயமுறுத்தல்கள் அதீதமான விளைவுகளை கொடுத்து, குழந்தைகளின் வாழ்க்கை முறைகளையே சின்னா பின்னமாக்கி விடுகிறது.

பயம் என்பது தேவையில்லாத உணர்ச்சி என்று நான் கூறவரவில்லை. நெருப்பை பார்த்தால், தண்ணீரை பார்த்தால் குழந்தைகள் சிறிது பயப்பட வேண்டும் என்பதை நான் ஒத்துக்கொள்கிறேன். அதற்காக வருங்காலத்தில் கோவில் திருவிழாவில், தீப்பந்தம் பிடிப்பதை பார்த்தாலே பின்னங்கால் பிடரியில் படுமாறு ஓடும் அளவிற்கு பயம் இருக்கிறது என்றால் அது கவனிக்க வேண்டிய விஷயம்.

உங்கள் குழந்தை அதிர்ஷ்டவசமாக இன்னும் முற்றிய நிலையை அடையவில்லை என்று நினைக்கிறேன். அவளுக்கு இப்போது தேவை மனோ தத்துவ சிகிச்சை அல்ல. உங்களது அன்பும், அரவணைப்பும். பொதுவாக பெண்குழந்தைகளுக்கு தாய் சொல்வது தான் வேதவாக்காக இருக்கும். எனவே, நீங்கள் அவளுக்கு பயத்தினால் ஏற்படும் கேடுகளை மிரட்டாமல் இதமாக, பதமாக சொல்லுங்கள். உடனடியாக இல்லை என்றாலும் சிறிது சிறிதாக அவள் புரிந்து கொள்வாள்.

மேலும் நீங்கள் அருகில் உள்ள லஷ்மி நரசிம்மர் ஆலயத்திற்கு சென்று, பானகம் நிவேதனம் படைத்து வழிபடவும். நரசிம்மரின் தீர்த்தத்தை குழந்தையின் முகத்தில் தெளிக்கவும். இல்லையென்றால் தேய்பிறை அஷ்டமி அன்று பைரவர் சன்னதிக்கு சென்று நல்லெண்ணெய் தீபம் ஏற்றி, தயிர் சாத நிவேதனம் படைத்து வழிபடவும். அவளின் பயம் சிறிது சிறிதாக முற்றிலும் விலகிவிடும்.







எந்த நாளில் நகை அணியலாம்...?



குருஜி அவர்களுக்கு, வணக்கம். என் பெண் குழந்தைக்கு ஐந்து வயதாகிறது. இதுவரை அவளுக்கு நிறைய நகைகள் வாங்கி போட்டு விட்டேன். நகைகள் அனைத்தும் எதாவது ஒரு வகையில் காணமல் போய்விடுகிறது. தங்கமோ, வெள்ளியோ அவள் உடம்பில் தங்குவது இல்லை. இதனால் அவளுக்கு வருங்காலத்தில் தங்க நகைகள் போடும் அதிர்ஷ்டமே இல்லாமல் போய்விடுமோ? என்று நான் அஞ்சுகிறேன். தயவு செய்து என் குழந்தைக்கான பரிகாரத்தை கூறி அருளுமாறு பணிவோடு வேண்டுகிறேன்.

இப்படிக்கு,
கெளசல்யா,
திண்டிவனம்.



ம்ம ஊரு பெண்களுக்கு ஒரு பெரிய சாபம் இருக்கு. தங்க நகைகளை அடுக்கடுக்கா போட்டால் தான் மதிப்பு மரியாதை கிடைக்கும் என்று தப்பா நினைத்து கொண்டு இருக்காங்க. உண்மையில மதிப்புங்கிறது நகையில இல்ல. நம்ம புத்தியில இருக்கு.

ஆளும் அழகா இருந்து, கோயில் சிலை மாதிரி  நகைகளும் போட்டு, அறிவு மட்டும் தேய்ந்து போன நிலா மாதிரி இருக்குதுன்னு வச்சிக்கிங்க என்ன பிரயோஜனம். தனக்கும் லாபம் இல்லாம, பிறருக்கும் லாபம் இல்லாம அம்மிக்குழவி மாதிரி இருக்கும் ஒரு வாழ்க்கை நல்லவா இருக்கும்.

எனவே குழந்தைகளை நல்லா படிக்க வைக்கணும்னு கவலை படுங்க. ஒழுக்கமா வளர்க்கனும்னு கவலை படுங்க. வருங்காலத்துல நல்ல வாழ்க்கைய அமைத்து  கொடுக்கணும்னு கவலைபடுங்க. அதை விட்டுட்டு நகை நட்டுக்கு கவலைப்பட்டால் அது நல்லதில்லை.

இருந்தாலும் காதுல ஒரு கம்மலும், கழுத்துல சின்னதா ஒரு செயினும், கையில வளையலும் போட்டு பார்த்தா பெண் குழந்தை லட்சணமாதான் இருப்பா. அதனால நீங்க நகை நட்டு தொலைந்து போகாமல் இருக்கணும்னா புதிய நகைகளை சனிக்கிழமையில் குழந்தைக்கு போடுங்க,

அது முடியலனா அஸ்வினி, ரோகினி, அனுஷம், ரேவதி ஆகிய நட்சத்திரங்கள் வருகிற நாளில் புதிய நகைகள் வாங்கி, குழந்தைக்கு போட்டா அது எப்போதும் கழட்டாமல் தொலைந்து போகாம நிரந்தரமா இருக்கும்.






Next Post Next Post Home
 
Back to Top